សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ លែងជារឿងថ្មីទៀតហើយសម្រាប់បច្ចេកវិទ្យា AI ធៀបទៅនឹងប៉ុន្មានឆ្នាំមុននៅពេលដែលវាបានបង្ហាញខ្លួនជាលើកដំបូង ពីព្រោះថានៅពេលនេះវាបានចាក់ស្រេះចូលទៅក្នុងបដិវត្តបច្ចេកវិទ្យាស្ទើរគ្រប់កម្រិត និងគ្រប់វិស័យ។
សមត្ថភាពដ៏អស្ចារ្យរបស់ AI ក្នុងមុខងារជាច្រើនដែលមានរួមទាំងការបង្កើតរូបភាពវិដេអូ ក៏ដូចជាការសេរសេរកូដកំព្យូទ័រផងនោះ វាបានក្លាយទៅជាចំណែកមួយក្នុងការធ្វើឲ្យអាជីវកម្មនានាដែលមានបញ្ចូលបច្ចេកវិទ្យានេះកំពុងទទួលបានភាពរីកចម្រើនយ៉ាងខ្លាំងក្លា។
កាន់តែគួរឲ្យចាប់អារម្មណ៍កាលពីពេលថ្មីៗនេះ ថ្វីត្បិតតែឧស្សាហកម្មនេះនៅតែស្ថិតក្នុងដំណាក់កាលដំបូងនៅឡើយក្តី ប៉ុន្តែការព្យាករណ៍របស់ The Wall Street បានបង្ហាញថា ទីផ្សារនៃបច្ចេកវិទ្យា AI អាចនឹងកើនឡើងពីចន្លោះ ៧ទ្រីលានដុល្លារ ទៅដល់២០០ទ្រីលានដុល្លារនៃចំណែកសេដ្ឋកិច្ចពិភពលោកក្នុងអំឡុងពេល១ទសវត្សរ៍ក្រោយ។
ការវិវត្តឥតឈប់ឈរនេះហើយគឺជាកត្តាសំខាន់តែមួយគត់ដែលកំពុងធ្វើឲ្យបណ្តាក្រុមហ៊ុនបច្ចេកវិទ្យាធំៗរបស់ពិភពលោកសុខចិត្តប្រកួតប្រជែងគ្នាវិនិយោគលុយដ៏ច្រើនសន្ធឹកសន្ធាប់តាមគ្នា អភិវឌ្ឍបច្ចេកវិទ្យាកាន់តែទំនើបជាងគ្នា ជាពិសេសលុយមួយចំនួនត្រូវបានយកទៅប្រើប្រាស់ក្នុងការកសាងមជ្ឈមណ្ឌលទិន្នន័យកម្រិតខ្ពស់ និងហេដ្ឋារចនាសម្ព័ន្ធបច្ចេកវិទ្យាព្រមទាំងបច្ចេកវិទ្យាបន្ទះឈីបផងដែរ។
យោងតាមការព្យាករណ៍ដែលធ្វើឡើងដោយធនាគារវិនិយោគ Morgan Stanley បានបង្ហាញថា គិតត្រឹមតែក្រុមហ៊ុនបច្ចេកវិទ្យាធំៗចំនួន៤ប៉ុណ្ណោះដែលកំពុងនាំមុខគេលើវិស័យនេះ បានវិនិយោគជាទឹកប្រាក់សរុបបញ្ចូលគ្នារហូតទៅដល់ជាង៣០០ពាន់លានដុល្លារសម្រាប់ឆ្នាំ២០២៥ ហើយក្នុងនោះគេមើលឃើញថា ក្រុមហ៊ុន Nvidia គឺជាអ្នកវិនិយោគធំជាងគេបំផុតនៅក្នុងឧស្សាហកម្មមួយនេះ។
ក្រៅពីនោះគេសង្កេតឃើញថា មានក្រុមហ៊ុនជាបន្តបន្ទាប់រៀងគ្នាដែលវិនិយោគលុយច្រើនជាងគេទៅលើបច្ចេកវិទ្យា AI ដែលរួមមានដូចជា Amazon វិនិយោគប្រមាណជា ៧៥ពាន់លានដុល្លារ, ក្រុមហ៊ុន Alphabet វិនិយោគ៥០ពាន់លានដុល្លារ, ក្រុមហ៊ុន Meta Platforms វិនិយោគ៤០ពាន់លានដុល្លារ, ក្រុមហ៊ុន Oracle វិនិយោគ១៩ពាន់លានដុល្លារ និង Tesla ប្រមាណជា១១ពាន់លានដុល្លារ។
គួរឲ្យដឹងដែរថា បន្ទះឈីបគឺជាផ្នែកមួយដ៏សំខាន់នៃខួរក្បាលរបស់បច្ចេកវិទ្យា AI ដូច្នេះ ក្រុមហ៊ុនអ្នកជំនាញផលិតដូចជា Nvidia គឺជាអ្នកដែលអាចកើបលុយបានច្រើនជាងគេបំផុតពីការស្ទុះឡើងយ៉ាងខ្លាំងនៃទីផ្សារមួយនេះ។ ជាក់ស្តែងកាលពីឆ្នាំ២០២៣កន្លងទៅ Nvidia បានស្រូបយកចំណែកទីផ្សារផ្គត់ផ្គង់បន្ទះឈីបដល់ទៅ ៩៨ភាគរយ និងបន្តឈរជើងជាអ្នកខ្លាំងជាងគេក្នុងទីផ្សារនេះដដែល ហើយអាចបន្តទៅដល់ឆ្នាំក្រោយៗទៀត៕
Account
Security
Favourite Content