សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាន និងកំពុងបន្តពិនិត្យគិតគូរជារួមលើការគ្រប់គ្រង និងអនុវត្តការងារលើវិស័យសំណង់ ដើម្បីចូលរួមអភិវឌ្ឍន៍សេដ្ឋកិច្ចកម្ពុជាឱ្យបានពេញលេញប្រកបដោយប្រសិទ្ធភាព ធានាបាននូវសុវត្ថិភាពសាធារណៈ ព្រមទាំងកាត់បន្ថយគ្រោះថ្នាក់ និងហានិភ័យក្នុងវិស័យសំណង់។
ថ្លែងក្នុងកិច្ចប្រជុំផ្ទៃក្នុងកិច្ចការសំណង់ កាលពីថ្ងៃទី០១ ខែតុលា ឆ្នាំ២០២៥ ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ផ្តើមចេញពីទស្សនទាន រៀបចំផ្ទះសំបែងឱ្យរៀបរយ និងពេលវេលាដែលយើងត្រូវរស់ដោយខ្លួនឯង និងបន្ទាប់ពីការអនុវត្តការងារសមរភូមិការបង្កើតបរិយាកាសមិនមានវិវាទរួចមក នេះជាពេលវេលាដែលយើងត្រូវរៀបចំខ្លួន កសាងស្មារតី និងការឯកភាពគ្នាមួយសម្រាប់យើងទាំងអស់គ្នា និងអនុវត្តការងារបន្ត ក្នុងនោះក្រសួងរៀបចំដែនដី នគរូបនីយកម្ម និងសំណង់ បាន និងកំពុងបន្តពិនិត្យគិតគូរជារួមលើការគ្រប់គ្រង និងអនុវត្តការងារលើវិស័យសំណង់ ដើម្បីចូលរួមអភិវឌ្ឍន៍សេដ្ឋកិច្ចកម្ពុជាឱ្យបានពេញលេញប្រកបដោយប្រសិទ្ធភាព ធានាបាននូវសុវត្ថិភាពសាធារណៈ ព្រមទាំងកាត់បន្ថយនូវគ្រោះថ្នាក់ និងហានិភ័យក្នុងវិស័យសំណង់។
ឯកឧត្តមបានបន្តថា ការជួបជុំគ្នានាពេលនេះគឺដើម្បីជជែកពិភាក្សាប្រមូលធាតុចូលអោយបានច្រើនពាក់ព័ន្ធនឹងកិច្ចការសំណង់ ដើម្បីបង្កើតយន្តការអនុវត្តឱ្យបានត្រឹមត្រូវ ឆ្លើយតបទៅនឹងគុណភាព សុវត្ថិភាពនៃសំណង់ និងនគរូបនីយកម្មផងដែរ ។
គួរបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ វិស័យសំណង់នៅក្នុងប្រទេសកម្ពុជាមានការរីកដុះដាលកាន់តែខ្លាំងទាំងនៅរាជធានីភ្នំពេញ និងតាមបណ្ដាខេត្ត ទាំងសំណង់សាធារណៈ និងសំណង់ឯកជន ដោយឃើញមានអគារខ្ពស់ៗកាន់តែច្រើនរីកលូតលាស់ជាបន្តបន្ទាប់ ។
ទន្ទឹមនឹងការរីកលូតលាស់នៃវិស័យសំណង់នេះដែរ កន្លងមកឯកឧត្តម សាយ សំអាល់ ក៏បានជំរុញ និងលើកទឹកចិត្តឱ្យអ្នកអភិវឌ្ឍន៍សំណង់សម្លឹងរកមើលសម្ភារៈ និងគ្រឿងបង្គុំសំណង់នៅក្នុងស្រុកដើម្បីយកមកប្រើប្រាស់ឱ្យអស់លទ្ធភាពមុននឹងនាំចូលពីខាងក្រៅយកមកប្រើប្រាស់ ៕
Account
Security
Favourite Content