សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពីថ្ងៃចុងសប្តាហ៍កន្លងទៅនេះ ក្រសួងការបរទេសសហរដ្ឋអាម៉េរិកបានចេញសេចក្ដីព្រមានមួយអំពីបញ្ហាសន្តិសុខជាសកល និងជំរុញឱ្យពលរដ្ឋអាម៉េរិកបង្កើនការប្រុងប្រយ័ត្នឱ្យបានខ្ពស់ ខណៈដែលបញ្ហាភូមិសាស្ត្រនយោបាយកំពុងកើនឡើងកំដៅ ជាពិសេសនៅតំបន់មជ្ឈិមបូព៌ា។
យោងតាមកាសែតប៊ុលហ្គារី Novinata នៅថ្ងៃដើមសប្ដាហ៍នេះបានឲ្យដឹងថា រដ្ឋបាលអាម៉េរិក តាមរយៈបណ្តាញគេហទំព័រផ្លូវការ បានណែនាំដល់ប្រជាពលរដ្ឋរបស់ខ្លួនដែលកំពុងរស់នៅតាមបណ្តាប្រទេសផ្សេងៗលើសកលលោក ត្រូវតែបង្កើនការប្រុងប្រយ័ត្នឱ្យបានខ្ពស់ ជាពិសេស ការធ្វើដំណើរឆ្លងកាត់ប្រទេសមួយចំនួនដែលងាយរងហានិភ័យ ខណៈដែលទាំងបញ្ហារវាងប្រទេសរុស្ស៊ី និងអ៊ុយក្រែន នៅមិនទាន់រកឃើញច្រកចេញ ទាំងបញ្ហាភូមិសាស្ត្រនយោបាយនៅមជ្ឈិមបូព៌ាកំពុងបន្តកើនឡើងកំដៅកាន់តែខ្លាំង។
ការព្រមាននេះក៏បានបញ្ជាក់ផងដែរថា ជនជាតិអាម៉េរិកដែលកំពុងរស់នៅ ឬធ្វើដំណើរទៅបរទេសគួរតែអនុវត្តតាមគោលការណ៍ណែនាំសន្តិសុខរបស់ស្ថានទូត ឬស្ថានកុងស៊ុលអាម៉េរិកដែលមាននៅជិតបំផុត។ បន្ថែមពីនោះ ពលរដ្ឋអាម៉េរិកទាំងអស់ត្រូវតែត្រៀមលក្ខណៈជានិច្ចសម្រាប់ផលវិបាកនៃការធ្វើដំណើរដែលអាចកើតមានជាយថាហេតុ រួមទាំងការលុបចោលជើងហោះហើរ និងការបិទដែនអាកាសជាបណ្តោះអាសន្ន។
ចុងក្រោយនៃសេចក្តីប្រកាសបានគូសបញ្ជាក់ថា សកម្មភាពរបស់រដ្ឋាភិបាលអ៊ីរ៉ង់ និងក្រុមមួយចំនួនដែលទទួលបានការគាំទ្រពីអ៊ីរ៉ង់ បានលើកឡើងថា ការវាយប្រហារទៅលើផលប្រយោជន៍ដទៃទៀតរបស់សហរដ្ឋអាម៉េរិកនៅក្រៅប្រទេស ឬទីតាំងនានាដែលពាក់ព័ន្ធនឹងសហរដ្ឋអាម៉រិកអាចនឹងកើតមានគ្រប់ពេល ដែលមិនមែនកើតមានត្រឹមតែនៅជិតអ៊ីរ៉ង់ ឬអ៊ីស្រាអ៊ែលនោះទេ៕
Account
Security
Favourite Content