ភ្នំពេញ ៖ ជាប្រទេសកសិកម្ម ប៉ុន្តែកម្ពុជានៅមិនទាន់អាចធ្វើឲ្យវិស័យកសិកម្មរបស់ខ្លួនមានភាពខ្លាំងក្លានៅឡើយ ក៏ព្រោះតែនៅមានភាពកម្សោយក្នុងការគ្រប់គ្រងលើការជូនដំណឹងពីតម្រូវការទីផ្សារជាក់លាក់ណាមួយពីសំណាក់ក្រសួង និងស្ថាប័នពាក់ព័ន្ធទៅកាន់ប្រជាកសិករ។

បើតាមអ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជាបានលើកឡើងថា វិស័យមួយនេះគួរតែទទួលបានការយកចិត្តទុកដាក់ខ្លាំងជាងនេះក្នុងការផ្ដល់ព័ត៌មានជាក់លាក់ទៅកាន់សាធារណៈជន ដើម្បីរកភាពច្បាស់លាស់មួយនៃទីផ្សារទិញ-លក់ ដែលអាចឈានទៅដល់ការពង្រីកទំហំនៃការផលិត ឬដាំដុះ ដើម្បីអាចបង្កើនការនាំចេញឲ្យបានកាន់តែច្រើន ខណៈដែលសេដ្ឋកិច្ចកម្ពុជាមិនមានអ្វីដើម្បីទៅប្រកួតប្រជែងជាមួយប្រទេសជិតខាងក្រៅពីវិស័យកសិកម្មនោះឡើយ។

ថ្លែងនៅក្នុងកិច្ចពិភាក្សាតុមូលមួយ ក្រោមប្រធានបទ “តើអ្វីទៅជាឆ្អឹងខ្នងសេដ្ឋកិច្ចកម្ពុជា” កាលពីពេលថ្មីៗនេះ លោកបណ្ឌិត គី សេរីវឌ្ឍន៍ នាយកមជ្ឈមណ្ឌលសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជាបានមានប្រសាសន៍ដោយរិះគន់ចំៗថា ពេលកសិករដាំដំឡូង ឬដាំស្វាយ តម្លៃចុះថ្លៃ ពេលឈប់ដាំតម្លៃក៏ឡើងថ្លៃ ដែលរូបភាពទាំងនេះគឺដោយសារព័ត៌មានពីវិស័យកសិកម្មមិនច្បាស់លាស់។ មានន័យថា ការគ្រប់គ្រងរបស់ក្រសួងកសិកម្មទៅលើតម្លៃទូទៅនៃទីផ្សារកសិផលក្នុងស្រុកនៅមិនទាន់គ្រប់ជ្រុងជ្រោយ ជាហេតុធ្វើឲ្យប្រជាកសិករជួបប្រទះនូវការខាតបង់ ក៏ដូចជាមានភាពស្រពេចស្រពិលលើដំណាំដែលខ្លួនកំពុងដាំ។
លោកបណ្ឌិត គី សេរីវឌ្ឍន៍ បានពន្យល់ដោយលើកឧទាហរណ៍ជាក់ស្ដែងមួយកាលពីឆ្នាំ២០២០ថា គ្រានោះកម្ពុជាបានចុះកិច្ចព្រមព្រៀងពាណិជ្ជកម្មសេរីជាមួយប្រទេសចិន ដែលដំណឹងនេះត្រូវបានគេមើលឃើញថាជាសញ្ញាណល្អមួយនាំឲ្យចិនអាចបញ្ជាទិញស្វាយពីកម្ពុជា។ ដោយហេតុផលនេះ កសិករបាននាំគ្នាបង្កើនការដាំដំណាំស្វាយរបស់ខ្លួន ដោយសង្ឃឹមថានឹងមានទីផ្សារលក់ ប៉ុន្តែអ្វីដែលជាបញ្ហានោះគឺក្រសួងមិនបានជម្រាបជូនជាសាធារណៈទេថា តើប្រភេទស្វាយយ៉ាងដូចម្ដេចទើបជាស្តង់ដារនាំចេញ។
អ្វីដែលគួរឲ្យភ្ញាក់ផ្អើល គឺស្វាយដែលអាចនាំទៅចិនបាន ត្រូវបានគេកំណត់យកតែ៦ចម្ការប៉ុណ្ណោះ ធ្វើឲ្យដំណាំស្វាយចំការផ្សេងៗត្រូវចាក់គរចោល ហើយជាលទ្ធផលស្វាយបានធ្លាក់ថ្លៃនៅសល់ត្រឹមតែមួយគីឡូ ៥០-១០០រៀលប៉ុណ្ណោះ ដែលតម្លៃនេះមិនអាចសូម្បីតែស្រោចស្រង់តម្លៃដើមផងនោះ។ ដូច្នេះ រាល់បញ្ហា និងភាពចន្លោះប្រហោងនៃការផ្សព្វផ្សាយព័ត៌មានជាក់លាក់ទាំងអស់នេះ បានក្លាយជាចំណែកមួយនៃឧបសគ្គរារាំងទៅដល់ភាពរីកចម្រើន ក៏ដូចជាការធ្វើពិពិធកម្មរបស់វិស័យកសិកម្មនៅកម្ពុជា។ នេះបើតាមការលើកឡើងរបស់លោកបណ្ឌិត គី សេរីវឌ្ឍន៍ នាយកមជ្ឈមណ្ឌលសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា៕

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ
Top News, ព្រឹត្តិការណ៍, អចលនទ្រព្យ
• 17/11/2026
សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

សហគ្រិនខ្មែរ, Canadia Impact Fund, La French Tech Phnom Penh, Krya Global និង មជ្ឈមណ្ឌលបច្ចេកវិទ្យា AUPP ពង្រឹងប្រព័ន្ធអេកូឡូស៊ីធុរកិច្ចថ្មី និងនវានុវត្តន៍នៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ សហគ្រិនខ្មែរ (Khmer Enterprise) ដែលជាបរធនបាលកិច្ចរបស់រាជរដ្ឋាភិបាល បង្កើតឡើងក្នុងគោលបំណង ជំរុញការអភិវឌ្ឍប្រព័ន្ធអេកូឡូស៊ីសហគ្រិនភាព តាមរយៈការពង្រឹងធុរកិច្ចថ្មី និងសហគ្រាសធុនតូច និងមធ្យម (SMEs) នៅកម្ពុជា កំពុងបង្កើនកិច្ចសហការយុទ្ធសាស្ត្រជាមួយដៃគូក្នុងស្រុក និងអន្តរជាតិ ដើម្បីពង្រីកឱកាសសម្រាប់សហគ្រិន និងធុរកិច្ចថ្មី។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់សហគ្រិនខ្មែរ ក្នុងការកសាងប្រព័ន្ធអេកូឡូស៊ីសហគ្រិនភាពមួយដែល

ប្រមុខ UN ជំរុញឱ្យបង្កើនការវិនិយោគលើសន្តិភាពក្នុងកិច្ចប្រជុំកំពូលហ្វ្រង់កូហ្វូនីនៅ កម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 16/11/2026
ភ្នំពេញ ៖ ការបង្កើនការវិនិយោគលើសន្តិភាព ពិសេសគោរពតាមច្បាប់អន្តរជាតិ និងប្រព័ន្ធអន្តរជាតិ នឹងធ្វើឱ្យប្លុកហ្វ្រង់កូហ្វូនី ក្លាយជាកន្លែងរស់នៅកាន់តែប្រសើរឡើង នេះបើតាមការអះអាងរបស់អគ្គលេខាធិការអង្គការសហប្រជាជាតិ លោក António Guterres កាលពីថ្ងៃ អាទិត្យ ក្នុងពិធីបើកកិច្ចប្រជុំកំពូលហ្រ្វង់កូហ្វូនីលើកទី២០ នៅកម្ពុជា ។ ក្នុងនាមជាអគ្គលេខាធិការយូអិន មុនពេលចាកចេញពីតំណែង តាមរយៈសារជាវីដេអូទៅកាន់មេដឹកនាំហ្វ្រង់កូហ្វូនី លោក





វិថីហិរញ្ញវត្ថុ
























































Account
Security
Favourite Content