សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ របៀបនៃការគ្រប់គ្រង និងចំណាយហិរញ្ញវត្ថុផ្ទាល់ខ្លួនមិនមែនជាមុខវិជ្ជាដែលត្រូវបានហាត់រៀននៅវិទ្យាល័យ ឬមហាវិទ្យាល័យភាគនោះទេ។ កង្វះខាតការអប់រំហិរញ្ញវត្ថុមូលដ្ឋាននេះធ្វើឱ្យយុវវ័យជាច្រើនមិនបានដឹងអំពីរបៀបគ្រប់គ្រងប្រាក់ ការស្នើសុំឥណទាន និងប្រើប្រាស់បំណុលឲ្យមានប្រសិទ្ធភាព។
ខាងក្រោមនេះជាចំណុចសំខាន់ៗចំនួន 6 ស្ដីអំពីហិរវត្ថុសម្រាប់យុវវ័យ។ គន្លឹះហិរញ្ញវត្ថុទាំងនេះត្រូវបានរៀបចំឡើងដើម្បីជួយអ្នកឱ្យរស់នៅជាមួយហិរញ្ញវត្ថុដ៏ល្អ និងទាញយកអត្ថប្រយោជន៍ទាំងដែលអ្នកនៅក្មេង មានពេលវេលាសន្សំ និងវិនិយោគបានកាន់តែច្រើន។
១. រៀនគ្រប់គ្រងខ្លួនឯង ៖ ប្រសិនបើអ្នកមានសំណាង ឪពុកម្តាយរបស់អ្នកបានបង្រៀនជំនាញនេះដល់អ្នកនៅពេលអ្នកនៅក្មេង។ បើមិនដូច្នោះទេ អ្នកក៏អាចរៀនគ្រប់គ្រងខ្លួនឯងដោយខ្លួនឯង ក្នុងការរក្សាហិរញ្ញវត្ថុផ្ទាល់ខ្លួនឱ្យមានសណ្តាប់ធ្នាប់។ ថ្វីត្បិតតែអ្នកអាចប្រើកាតឥណទានទិញទំនិញអនឡាញក្នុងមួយនាទីដែលអ្នកចង់បាន ប៉ុន្តែវាជាការប្រសើរជាងក្នុងការរង់ចាំរហូតដល់អ្នកសន្សំប្រាក់សម្រាប់ទិញ។ កាតឥណទានមានភាពងាយស្រួល និងបង់ប្រាក់យ៉ាងឆាប់រហ័សទាន់ពេលវេលា ហើយអាចជួយអ្នកបង្កើតឥណទានបានល្អ ថែមទាំងពេលខ្លះផ្តល់រង្វាន់ទៀតផង។ ប៉ុន្តែប្រសិនបើអ្នកមានទម្លាប់ទិញទំនិញដោយប្រើកាតឥណទាន ហើយមិនអាចទូទាត់ប្រាក់វិញចុងខែបានទេ អ្នកប្រហែលជាត្រូវចំណាយលើទំនិញនោះក៏មាន ដែលការប្រាក់ត្រូវបានគិតជាបន្តបន្ទាប់។ ដូចនេះយុវវ័យគួរតែចេះគ្រប់គ្រងខ្លួនឯងក្នុងការចាយវាយ។
២. គ្រប់គ្រងអនាគតហិរញ្ញវត្ថុរបស់អ្នក ៖ ប្រសិនបើអ្នកមិនរៀនគ្រប់គ្រងលុយរបស់អ្នកទេ នោះអ្នកផ្សេងទៀតនឹងរកវិធីគ្រប់គ្រងលុយឲ្យអ្នក។ មនុស្សទាំងនេះខ្លះអាចមានចេតនាអាក្រក់ ដូចជាអ្នករៀបចំផែនការហិរញ្ញវត្ថុដែលមិនមានភាពស្មោះត្រង់ ហើយក៏មានអ្នកផ្សេងទៀតអាចមានចេតនាល្អជាដើម។ ជំនួសឱ្យការពឹងផ្អែកលើអ្នកដទៃសម្រាប់ដំបូន្មានហិរញ្ញវត្ថុ អ្នកអាចចំណាយពេលអានសៀវភៅមូលដ្ឋានអំពីហិរញ្ញវត្ថុផ្ទាល់ខ្លួន។ នៅពេលដែលអ្នកមានចំណេះដឹង អ្នកមានសមត្ថភាពគ្របគ្រងហិរញ្ញវត្ថុផ្ទាល់ខ្លួនរបស់អ្នកដោយពុំចាំបាច់ពឹងអ្នកដទៃឡើយ។
៣. ដឹងពីចរន្តលុយរបស់អ្នក ៖ នៅពេលអ្នកបានអានសៀវភៅហិរញ្ញវត្ថុផ្ទាល់ខ្លួនពីរ ឬបីក្បាល អ្នកនឹងដឹងថាវាសំខាន់ប៉ុណ្ណាក្នុងការរក្សាចំណាយតិចជាងចំណូល។ ការរៀបចំគម្រោងថវិកាជារឿងសំខាន់។ នៅពេលដែលអ្នកឃើញថាថ្លៃកាហ្វេពេលរសៀលរបស់អ្នកសរុបជាប្រចាំខែ អ្នកនឹងដឹងថាការផ្លាស់ប្តូរតិចតួចដែលអាចគ្រប់គ្រងបានចំពោះការចំណាយប្រចាំថ្ងៃរបស់អ្នក អាចមានផលប៉ះពាល់យ៉ាងធំដល់ស្ថានភាពហិរញ្ញវត្ថុរបស់អ្នក។
៤. ចាប់ផ្តើមមូលនិធិសង្គ្រោះបន្ទាន់ ៖ មិនថាអ្នកជំពាក់ប្រាក់កម្ចីសិក្សា ឬបំណុលកាតឥណទានប៉ុន្មានទេ ហើយមិនថាប្រាក់ខែរបស់អ្នកទាបប៉ុណ្ណាទេ វាជាការប្រសើរក្នុងការដាក់ប្រាក់មួយចំនួនទៅក្នុងកញ្ចប់ថវិកាសម្រាប់គ្រាអាសន្នជារៀងរាល់ខែ។ ការមានលុយសន្សំដើម្បីប្រើសម្រាប់គ្រាអាសន្នអាចធ្វើឱ្យអ្នកមិនមានបញ្ហាផ្នែកហិរញ្ញវត្ថុ និងជួយឱ្យអ្នកគេងលក់ស្រួលនៅពេលយប់។ ប្រសិនបើអ្នកមានទម្លាប់សន្សំប្រាក់ ហើយចាត់ទុកវាជាការចំណាយប្រចាំខែដែលមិនអាចប្រកែកបាននោះ មិនយូរប៉ុន្មានអ្នកនឹងមានលុយច្រើនជាងកញ្ចប់ប្រាក់សម្រាប់គ្រាអាសន្ន។ អ្នកនឹងមានប្រាក់ចូលនិវត្តន៍ ប្រាក់ដើរលេងវិស្សមកាល ឬសូម្បីតែប្រាក់សម្រាប់វិនិយោគបន្ថែម។ បន្ថែមពីនេះអ្នកគួរដាក់កញ្ចប់ប្រាក់របស់អ្នកទៅក្នុងគណនីសន្សំស្តង់ដារ ដែលមានការប្រាក់ខ្ពស់។ បើមិនដូច្នោះទេ អតិផរណានឹងបំផ្លាញតម្លៃនៃការសន្សំរបស់អ្នក។
៥. យល់ដឹងពីពន្ធ ៖ វាមានសារៈសំខាន់ណាស់ក្នុងការស្វែងយល់ពីរបៀបដែលពន្ធគិតលើប្រាក់ចំណូល មុនពេលអ្នកទទួលបានប្រាក់ខែដំបូងរបស់អ្នក។ នៅពេលក្រុមហ៊ុនផ្តល់ឱ្យអ្នកនូវប្រាក់ខែ អ្នកត្រូវដឹងពីរបៀបគណនាថាតើប្រាក់ខែនោះនឹងផ្តល់ឱ្យអ្នកនូវប្រាក់គ្រប់គ្រាន់បន្ទាប់ពីបង់ពន្ធដើម្បីបំពេញកាតព្វកិច្ចហិរញ្ញវត្ថុរបស់អ្នក ហើយសម្រេចតាមគោលដៅរបស់អ្នកដែរឬទេ។ បន្ថែមពីនេះ អ្នកគួរចំណាយពេលរៀនធ្វើបញ្ជីពន្ធដោយខ្លួនឯង ប្រសិនបើអ្នកមិនមានស្ថានភាពហិរញ្ញវត្ថុស្មុគស្មាញទេ។ ហើយអ្នកនឹងមិនមានការចំណាយលើការជួលអ្នកជំនាញសម្រាប់ការងារពន្ធរបស់អ្នកនោះទេ។
៦. ការពារសុខភាពរបស់អ្នក ៖ តើអ្នកនឹងធ្វើអ្វីប្រសិនបើអ្នកត្រូវទៅបន្ទប់សង្គ្រោះបន្ទាន់សម្រាប់របួសដូចជាបាក់ឆ្អឹងដែលអាចចំណាយអស់រាប់ពាន់ដុល្លារ? អ្នកគួរមានធានារ៉ាប់រងសុខភាព ព្រោះវាមានភាពងាយស្រួលជាងអ្នកគិតក្នុងការជួបគ្រោះថ្នាក់ចរាចរណ៍ឬគ្រោះថ្នាក់ផ្សេងៗ។ ក្រៅពីនេះ វាក៏ល្អផងដែរក្នុងការចំណាយប្រចាំថ្ងៃដើម្បីមានសុខភាពល្អដូចជាការញ៉ាំផ្លែឈើ បន្លែ ហាត់ប្រាណ មិនជក់បារី ជៀសវាងការសេពគ្រឿងស្រវឹងច្រើនហួសប្រមាណជាដើម៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content