សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដើមទុនពីគ្រឹះស្ថានមីក្រូហិរញ្ញវត្ថុបានជួយលើកកម្ពស់ជីភាពប្រជាពលរដ្ឋឱ្យប្រសើរឡើងតាមរយៈការជំរុញឱ្យមានលទ្ធភាពពង្រីកមុខរបររកស៊ីក្រោយពីទទួលបានកម្ចីពីគ្រឹះស្ថានមីក្រូហិរញ្ញវត្ថុ។ ជាក់ស្តែង លោក លី អៀង និងក្រុមគ្រួសារមានជីវភាពល្អប្រសើរដោយមានលទ្ធភាពពង្រីកមុខរបររកស៊ីក្រោយពីទទួលបានកម្ចីពីគ្រឹះស្ថានមីក្រូហិរញ្ញវត្ថុមួយនៅខេត្តកំពង់ចាម។
លោក លី អៀង និងភរិយា អ្នកស្រី អ៊ុន ហេង ដែលជាកសិករ និងសិល្បករបុរាណខ្មែរនៅក្នុងខេត្តកំពង់ចាម បានរៀបរាប់ថា ប្រហែលជា ២០ ឆ្នាំមុន កូនៗរបស់ពួកគាត់នៅតូចនៅឡើយ ប៉ុន្តែពួកគាត់គិតចង់រកចំណូលបន្ថែម ដើម្បីផ្គត់ផ្គង់គ្រួសារដែលកាន់តែរីកធំ ដូច្នេះពួកគាត់ក៏បានទាក់ទងទៅកាន់គ្រឹះស្ថានមីក្រូហិរញ្ញវត្ថុមួយនៅក្នុងស្រុកកំពង់ចាម (ក្រុងកំពង់ចាម) ដើម្បីស្នើសុំប្រាក់កម្ចីពីគ្រឹះស្ថានផ្លូវការនេះ។
អ្នកស្រី អ៊ុន ហេង បានរៀបរាប់បន្តថា កាលពីដំបូងឡើយអ្នកស្រីស្នើសុំកម្ចីត្រឹមតែ ៤ លានរៀលប៉ុណ្ណោះ ហើយបន្ទាប់មកទៀតគឺ ៧លានរៀល ប៉ុន្តែរហូតមកដល់ពេលបច្ចុប្បន្ននេះគឺគ្រួសាររបស់អ្នកស្រីប្រើប្រាស់កម្ចីរហូតដល់ទៅ ៦០០០ ដុល្លារអាមេរិក។ អ្នកស្រីបានបន្តថា កម្ចីដំបូងនោះគឺយកមកប្រើប្រាស់ទិញម៉ាស៊ីនបូមទឹកដើម្បីស្រោចស្របបន្លែ កម្ចីលើកទី ២ យកមកជួសជុលផ្ទះ និងកម្ចីលើកទី ៣ ត្រូវបានប្រើប្រាស់យកទៅទិញជ្រូកដែលជ្រូកមេមួយមានតម្លៃដល់ ៥០០ ដុល្លារ
អស់រយៈពេលជាង ១០ ឆ្នាំមកហើយដែលពួកគាត់បានខ្ចីប្រាក់ដល់ ៦០០០ ដុល្លារអាមេរិក ដើម្បីទិញជ្រូកចិញ្ចឹម។ សព្វថ្ងៃ ពួកគាត់មានជ្រូក ១៣ ក្បាលទាំងមេ និងកូន ហើយក្នុងមួយខែមួយខែពួកគាត់អាចលក់ជ្រូកបានប្រាក់ប្រហែល ៥០០ ដុល្លារអាមេរិក។ ក្នុងរយៈពេល ៣ ទៅ ៤ខែ ក្រុមគ្រួសាររបស់អ្នកស្រីអាចរកចំណូលបាន ២០០០ ដុល្លារអាមេរិក។
ទាក់ទងទៅនឹងការទូទាត់សងទៅកាន់គ្រឹះស្ថានវិញក្នុងមួយខែៗ ក្រុមគ្រួសាររបស់អ្នកស្រីបង់សងក្នុងទឹកប្រាក់ប្រមាណ ២០០ ដុល្លារក្នុងមួយខែ ដែលទំហំបង់សងត្រឡប់នេះ អាចឱ្យក្រុមគ្រួសារអ្នកស្រីមានលទ្ធភាពសងបាន ហើយថែមទាំងសល់ប្រាក់មួយចំនួនពីមុខរបរចិញ្ចឹមជ្រូក និងអាជីពសិល្បៈបុរាណទៀតផង។
ជារួម វិស័យមីក្រូហិរញ្ញវត្ថុ បាន និងកំពុងចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចតាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ។ ការណ៍នេះធ្វើឱ្យវិស័យមីក្រូហិរញ្ញវត្ថុដើរតួនាទីយ៉ាងសកម្មក្នុងការលើកម្ពស់បរិយាបន្នហិរញ្ញវត្ថុនៅកម្ពុជា។
បច្ចុប្បន្ននេះ វិស័យមីក្រូហិរញ្ញនៅកម្ពុជានៅតែបន្តរក្សាបានកំណើន និងស្ថិរភាពតាមរយៈការផ្តល់សេវាប្រកបដោយបរិយាបន្ន ជាមួយស្មារតីទទួលខុសត្រូវខ្ពស់ និងកិច្ចការពារអតិថិជនស្របតាមយុទ្ធសាស្រ្តជាតិស្តីពីបរិយាបន្នហិរញ្ញវត្ថុឆ្នាំ២០១៩-២០២៥។ វិស័យមីក្រូហិរញ្ញវត្ថុក៏បានពង្រីកប្រតិបត្តិការរបស់ខ្លួន ព្រមទាំងបានផ្តល់សេវាហិរញ្ញវត្ថុផ្លូវការដល់ទីជនបទនៅទូទាំងប្រទេស។
Account
Security
Favourite Content