សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
Urban Green គឺជាអាជីវកម្មថ្មីមួយប្រភេទដែលត្រូវបានបង្កើតឡើងដោយបុរសម្នាក់មានឈ្មោះថា Noah Verin កំពុងទទួលបានការគាំទ្រយ៉ាងខ្លាំងពីសំណាក់បណ្តាភោជនីយដ្ឋានក្នុងទីក្រុងស៊ីដនីដោយសារតែអាជីវកម្មបែបកែច្នៃនេះកំពុងក្លាយទៅជាការផ្គត់ផ្គង់ដ៏ធំបំផុតនិងចាំបាច់បំផុតសម្រាប់សេវាកម្មបម្រើម្ហូបអាហារប្រចាំថ្ងៃរបស់ពួកគេ។
Urban Green បានប្រើប្រាស់ទីតាំងសួនខុសពីសួនដំណាំកសិកម្មធម្មជាតិទូទៅ ពីព្រោះថាមានទីតាំងស្ថិតនៅកណ្តាលក្រុង និងជាកន្លែងចំណតរថយន្តក្រោមដីទៀតផង ដោយមិនមានប្រើប្រាស់ពន្លឺព្រះអាទិត្យឡើយ។
បច្ចុប្បន្ន Urban Green ប្រើប្រាស់បច្ចេកទេសដាំខុសពីគេ ប៉ុន្តែអាចដាំដំណាំជាបន្លែទទួលទានដល់ទៅ៤០មុខផ្សេងគ្នា និងមិនចំណាយថវិកាច្រើនដូចដំណាំធម្មតាឡើយ។ ស្រកីដូងត្រូវបានប្រើប្រាស់ធ្វើជាដី និងជីជំនួសឲ្យដីធម្មតា ហើយវាទាមទារត្រឹមតែពន្លឺអំពូល LED ដែលចំណាយអគ្គិសនីទីទាបបំផុតជំនួសឲ្យពន្លឺព្រះអាទិត្យ។
មិនត្រឹមតែប៉ុណ្ណោះ Urban Green ប្រើប្រាស់ប្រតិបត្តិការចែកចាយផលិតផលរបស់ពួកគេតាមរយៈកង់ និងរទេះតូចៗតែប៉ុណ្ណោះ ហើយដំណាំភាគច្រើនត្រូវបានប្រគល់ជូនភោជនីយដ្ឋាននានាជាមួយនឹងថូដែលធ្វើពីកំទេចឈើដើម្បីធានាបាននូវភាពស្រស់បានយូរ ដោយមិនប្រើប្រាស់ថង់ប្លាស្ទិកដាច់ខាត។ គោលបំណងធំរបស់ Urban Green ធ្វើយ៉ាងណាដើម្បីក្លាយឲ្យទៅជាអាជីវកម្មដែលមិនប៉ះពាល់ដល់បរិស្ថានសុទ្ធសាធនៅត្រឹមឆ្នាំ២០២៦ ឬមានន័យការដឹកជញ្ជូនជាងពាក់កណ្តាលគឺស្ថិតនៅក្នុងចំងាយមិនដល់មួយគីឡូម៉ែត្រឡើយ។
គួរឲ្យដឹងដែរថា បច្ចុប្បន្នសង្វាក់ផលិតកម្មម្ហូបអាហាររបស់ពិភពលោកបានបង្កើតទៅជាផលផ្ទះកញ្ចក់ដល់ទៅ៦ភាគរយនៃការបំពុលអាកាសទាំងអស់ ដូចនេះ Urban Green គឺជាអាជីវកម្មថ្មីមួយប្រភេទដែលគេជឿជាក់ថា នាពេលអនាគតនឹងអាចមានសក្តានុពលក្លាយទៅជាអាជីវកម្មដែលអាចផលិតបានអាហារបែបនេះឲ្យទៅដល់១៨០លានតោនជារៀងរាល់ឆ្នាំ៕
Account
Security
Favourite Content