អង្គការ SNV និងក្រុមហ៊ុន Kofi ចុះកិច្ចព្រមព្រៀងផ្តល់ហិរញ្ញប្បទានលើកកម្ពស់ និងអភិវឌ្ឍន៍ដំណាំកាហ្វេមណ្ឌលគីរី

ភ្នំពេញ ៖ ស្ថាប័នធំៗចំនួន២ រួមមានអង្គការ SNV ដែលមានប្រភពមកពីប្រទេសហូឡង់ និងក្រុមហ៊ុនឯកជនខូហ្វី (Kofi) នៅកម្ពុជាបានចុះកិច្ចព្រមព្រៀងផ្តល់ហិរញ្ញប្បទាន ដើម្បីអភិវឌ្ឍន៍ពង្រីកការដាំដុះ និងលើកកម្ពស់គុណភាពដំណាំកាហ្វេមណ្ឌលគីរីឱ្យស្របតាមលក្ខណៈបច្ចេកទេសតម្រូវតាមស្តង់ដារទីផ្សារទាំងក្នុង និងក្រៅប្រទេស។

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងនៅថ្ងៃដើមសប្ដាហ៍នេះថា ការចុះអនុស្សរណៈខាងលើ គឺជាការផ្សព្វផ្សាយសកម្មភាពលើកកម្ពស់បរិស្ថាន និងជួយដល់កសិករកម្ពុជា តាមរយៈការដាំកាហ្វេតាមបច្ចេក​ទេសដែលមានគុណភាពស្តង់ដារទទួលស្គាល់ទាំងថ្នាក់ជាតិ និងអន្តរជាតិ ដោយរំពឹងថាកាហ្វេកម្ពុជានឹងត្រូវបានគេស្គាល់នៅលើពិភពលោក។

ឯកឧត្តមបានបញ្ជាក់ថា ៖

“ក្រសួងកសិកម្ម ស្វាគមន៍ និង​គាំទ្រជានិច្ច ទាំងលើទិដ្ឋភាពបច្ចេកទេស, ច្បាប់ និងពាណិជ្ជកម្មនៃការចុះអនុស្សរណៈ (MoU) លើកិច្ចសហប្រតិបត្តិការរវាងក្រុមហ៊ុនខូហ្វី និងអង្គការ SNV ប្រទេសហូឡង់ និងការប្រែប្រួលអាកាសធាតុ (DFCD) ក្នុងចូលរួមកាត់បន្ថយបញ្ហាបម្រែបម្រួលអាកាសធាតុ ដើម្បីលើកកម្ពស់ជីវភាពប្រជាពលរដ្ឋពីសំណាក់វិស័យឯកជន ​តាមរយៈការដាំកាហ្វេគោរពតាមគោលការណ៍បរិស្ថាន និងចាប់យកឱកាសបង្កើនប្រាក់ចំណេញ”

ឯកឧត្តមរដ្ឋមន្ត្រី បានគូសបញ្ជាក់ថា ៖

“ខ្ញុំសង្ឃឹមថា កិច្ចសហការនេះ ព្រមទាំងផលិតផលកាហ្វេកម្ពុជាដែលដាំដុះនៅលើទឹកដីខេត្តមណ្ឌលគិរី នឹងដើរឈានហួសពីទីផ្សារក្នុងស្រុក ហើយឈានឆ្ពោះទៅកាន់ទីផ្សារអន្ដរជាតិនាពេលខាងមុខ ហើយដើម្បីសម្រេចការងារនេះ ក្រសួងនឹងជួយជ្រោមជ្រែងលើការដាំកាហ្វេនេះឱ្យបានត្រឹមត្រូវតាមស្តង់ដារ ថែមទាំងមានទីផ្សារ មានផែនការវិនិយោគច្បាស់លាស់ និងមាននិរន្តរភាពសេដ្ឋកិច្ច”


តំណាងឱ្យក្រុមហ៊ុនខូហ្វី លោក ហ៊ឺ តារា បានលើកឡើងដែរថា ការចុះ MOU នេះ ជាការបើកទំព័រថ្មីរបស់ក្រុមហ៊ុនខូហ្វី ក៏ដូចជាប្រជាកសិករ ដាំកាហ្វេនៅខេត្តមណ្ឌលគីរីផងដែរ ដោយក្រុមហ៊ុនបានបេ្ដជ្ញាចិត្តក្នុងការអភិវឌ្ឍដំណាំកាហ្វេនៅខេត្តមណ្ឌលគិរី ក្នុងគោលបំណងកែលំអគុណភាព និងពង្រីកការដាំដុះ ដំណាំកាហ្វេឱ្យស្របតាមតម្រូវការទីផ្សារ និងបង្កើនផលិតភាពដែលអាចឱ្យកសិករទទួលបាននូវជីវភាពល្អប្រសើរពីដំណាំកាហ្វេ។

លោក តារា បានបន្ថែមថា ៖

“នៅក្នុងគម្រោងនេះក្រុមហ៊ុននឹងបង្កើតជាទីតាំងប្រមូលទិញ និងស្តុកទុកគ្រាប់កាហ្វេ កន្លែងកែឆ្នៃគ្រាប់កាហ្វេ កន្លែងបណ្តុះកូនពូជ និងស្រាវជ្រាវដំណាំកាហ្វេ ហើយក្រុមហ៊ុននឹងបង្កើតជាកសិដ្ឋានគំរូ ដើម្បីបណ្តុះបណ្តាលបងប្អូនកសិករ ហើយក៏ជា កន្លែងអប់រំសាធារណៈ ដែលនឹងអាចទាក់ទាញភ្ញៀវទេសចរ ដែលស្រឡាញ់ និងចូលចិត្តទទួលទានកាហ្វេផងដែរ”

តំណាងឱ្យក្រុមហ៊ុនខូហ្វី​រូបនេះបានបញ្ជាក់ដូច្នេះថា ក្រៅពីជួយទ្រទ្រង់ និងលើកស្ទួយជីវភាពប្រជាកសិករដំណាំកាហ្វេ ក្រុមហ៊ុនក៏មានការសង្ឈឹមយ៉ាងមុះមុតថា ក្នុងថ្ងៃអនាគត គ្រាប់កាហ្វេក្នុងស្រុក អាចនឹងមានគុណភាពល្អល្បីល្បាញនៅលើទីផ្សារអន្តរជាតិ និងនាំចេញទៅក្រៅប្រទេសផងដែរ។

បច្ចុប្បន្ននេះ ដំណាំកាហ្វេក្នុងខេត្តមណ្ឌលគិរីកំពុងដាំដុះដោយជនជាតិដើមភាគតិចព្នង ដែលមានទិន្នផល និងគុណភាពមិនទាន់ប្រសើរ ដោយខ្វះជំនាញបច្ចេកទេសក្នុងការដាំដុះ ការថែទាំនាពេលដាំដុះ និងការទុកដាក់ក្រោយពេលប្រមូលផល។ ការកែឆ្នៃពីគ្រាប់កាហ្វេទុំ មកជាគ្រាប់កាហ្វេឆៅ ឬគ្រាប់កាហ្វេបៃតង បានធ្វើឡើងតាមទម្លាប់ពីមុនៗតាមគ្នា និងដោយផ្ទាល់ដៃ ដែលជាហេតុផលធ្វើឱ្យគុណភាពធ្លាក់ចុះ ហើយត្រូវប្រើប្រាស់កំលាំងពលកម្មច្រើន គ្រាប់កាហ្វេឆៅក៏ទទួលបានតម្លៃទាប និងគ្មានទីផ្សារច្បាស់លាស់។

បើតាមអ្នជំនាញកសិកម្ម ដំណាំកាហ្វេអាចប្រមូលផលបានក្រោយពីដាំក្នុងរយៈពេល ៤ឆ្នាំ ហើយក្នុង១ឆ្នាំ អាចប្រមូលផលបាន ៤ ទៅ៥ តោនក្នុងទំហំដី១០ហិកតា ។ សម្រាប់តម្លៃវិញគឺផ្លែកាហ្វេស្រស់ក្នុង១គីឡូតម្លៃ៤ដុល្លារ កាហ្វេគ្រាប់ស្ងួតតម្លៃ៥ដុល្លារ និងកាហ្វេកិនរួច តម្លៃ៨ដុល្លារ។

សម្រាប់ដំណាំកាហ្វេ មានដាំនៅខេត្តមណ្ឌលគិរីច្រើន ទោះបីមិនមែនជាកន្លែងដែលអំណោយផលខ្លាំងសម្រាប់ដំណាំកាហ្វេក៏ដោយចុះ ព្រោះដំណាំកាហ្វេមានប្រភពពីតំបន់អាហ្វ្រិក និងត្រូវការលក្ខខណ្ឌច្រើន។ តែការដាំដំណាំកាហ្វេមិនមែនជាបញ្ហាឡើយសម្រាប់ពលរដ្ឋកម្ពុជាដែលប្រកបរបរដាំកាហ្វេ ព្រោះទាំងការដាំដុះ និងថែទាំមិនខុសគ្នានឹងដំណាំផ្សេងប៉ុន្មាននោះទេ។

សូមបញ្ជាក់ថា បណ្ដុំកសិករដែលដាំដុះដំណាំកាហ្វេបច្ចុប្បន្នមានប្រមាណ ៦០គ្រួសារ ក្នុងសហគមន៍ដាំកាហ្វេចំនួន២ ស្ថិតនៅស្រុកពេជ្រាដា ខេត្តមណ្ឌលគិរី។ បច្ចុប្បន្ន កាហ្វេមានតម្លៃចន្លោះពី៨ ពាន់ទៅ១ម៉ឺនរៀលក្នុងមួយគីឡូក្រាម​សម្រាប់គ្រាប់កាហ្វេស្រស់ ខណៈដែលមណ្ឌលគិរី មានផ្ទៃដីដាំដុះកាហ្វេចំនួន ៣៦៤ ហិកតា ដែលអាចផលិតគ្រាប់កាហ្វេបានប្រមាណ ៦០០តោនក្នុងមួយឆ្នាំ ៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ