សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ សង្គ្រាមពាណិជ្ជកម្មរបស់ចិន និងអាមេរិកនៅតែមិនទាន់អាចឈានទៅរកដំណោះស្រាយរួមគ្នាបានល្អប្រសើរនៅឡើយខណៈដែលអាមេរិកនៅតែប្រកាន់ជំហចោទប្រកាន់ចិនទៅលើបញ្ហាជាច្រើន រួមទាំងបញ្ហាសិទ្ធិមនុស្ស និងបញ្ហាសន្តិសុខផងដែរក្រៅតែពីបញ្ហាពាណិជ្ជកម្ម។
អាមេរិកខ្លួនឯងក៏ធ្លាប់បានប្រកាសជាសាធារណៈពីក្តីបារម្ភធំបំផុតរបស់ខ្លួននៅពេលនេះគឺជាការកើនឡើងនៃឥទ្ធិពលចិននៅក្នុងបណ្តាប្រទេសនានា ហើយជម្លោះមួយនេះ បានចាប់ផ្តើមតាំងតែពីនៅក្នុងអាណត្តិរបស់អតីតប្រធានាធិបតីអាមេរិកលោក Donald Trump។
កាលពីឆ្នាំ២០១៨ លោក Trump បានចាប់ផ្តើមបង្កើតបញ្ហាពាណិជ្ជកម្មឡើងតាមរយៈការដាក់សម្ពាធតាមរយៈការតម្លើងពន្ធទៅលើផលិតផលជាច្រើនរបស់ចិននិងបានទាមទារឲ្យមានការបញ្ចប់ទៅនៃការប្រើប្រាស់កម្មវិធីបច្ចេកវិទ្យាជាច្រើននៅក្នុងប្រទេសអាមេរិក ឬជម្រើសក្នុងការលក់ហ៊ុនទាំងអស់មកឲ្យក្រុមហ៊ុនរបស់អាមេរិកជំនួសវិញ។
ជម្លោះពាណិជ្ជកម្មត្រូវបានអ្នកជំនាញមើលឃើញបានបណ្តាលឲ្យមានផលប៉ះពាល់ទៅលើភាគីទាំងសងខាង ប៉ុន្តែក្នុងនោះអាមេរិកគឺជាអ្នកខាតបង់ច្រើនជាង ជាពិសេសអំឡុងពេលរាតត្បាតនៃកូវីដបានបង្ហាញឲ្យឃើញកាន់តែច្បាស់ថា សេដ្ឋកិច្ចចិនមានកម្លាំងខ្លាំងប៉ុណ្ណា ដែលខ្លួនបានជាប់ឈ្មោះជាប្រទេសមហាអំណាចសេដ្ឋកិច្ចតែមួយគត់ដែលមានកំណើនវិជ្ជមានសម្រាប់ឆ្នាំ២០២០។
ជាមតិលើកឡើងដោយអ្នកជំនាញគោលនយោបាយការបរទេសម្នាក់របស់សកលវិទ្យាល័យ Havard គឺលោកសាស្ត្រាចារ្យ Stephen Walt កាលពីចុងខែមិថុនាកន្លងទៅនេះបានបញ្ជាក់ថា អ្នកជំនាញគោលនយោបាយបរទេសជាច្រើនរបស់សអាមេរិកបូករួមទាំងលោកផងដែរ ពិតជាមានក្តីបារម្ភខ្លាំងអំពីការកើនឡើងនៃឥទ្ធិពលរបស់ចិន។ តើអាមេរិកនឹងអាចធ្វើដោះស្រាយបញ្ហានេះឲ្យមានប្រសិទ្ធភាពដោយរបៀបណា ខណៈដែលខ្លួនកំពុងរវល់តែរឿងធ្វើសង្គ្រាមជាច្រើនឆ្នាំមកហើយដែលផ្ទុយពីចិនមិនបានចូលរួមនៅក្នុងសង្គ្រាមណាមួយនៅឡើយ ហើយក៏កំពុងតែបង្កើនទ្រព្យធន ជាពិសេសឥទ្ធិពលសេដ្ឋកិច្ចរបស់ខ្លួនទៅវិញ ទាំងនៅប៉ែកអាហ្វ្រិក អាស៊ី ឬសូម្បីតែនៅអឺរ៉ុបមួយចំនួនផងនោះ។
កាលពីខែមេសាកន្លងមកនេះ ប្រធានាធិបតីអាមេរិកលោក Joe Biden ធ្លាប់បានប្រកាសហើយថានឹងដកទ័ពរបស់ខ្លួនចេញពីប្រទេសអាហ្គានីស្ថានឲ្យបានទាំងអស់នៅត្រឹមថ្ងៃទី១១ ខែកញ្ញា ប៉ុន្តែវត្តមានរបស់យោធាអាមេរិកនៅក្រៅប្រទេសគឺនៅតែមានចំនួនច្រើនស្ទើរគ្រប់ទីកន្លែងនៅលើពិភពលោក ឬប្រហែលជា ៨០០មូលដ្ឋានទ័ពនៅក្នុងប្រទេសចំនួន ៧០ ។
ខុសពីចិនដែលទោះបីជាមានឈ្មោះជាមហាយក្សមានចំនួនយោធាច្រើនបំផុតលើពិភពលោក ២.៨ លាននាក់ក្តី ប៉ុន្តែមកដល់ពេលនេះមូលដ្ឋានទ័ពនៅក្រៅប្រទេសរបស់ខ្លួនមានតែមួយគត់នៅលើលោកគឺនៅក្នុងប្រទេស Djibouti និងក៏ជាមូលដ្ឋានដំបូងបំផុតរបស់ប្រទេសចិនផងដែរ។
គោលនយោបាយការបរទេសដែលមានភាពចាំបាច់បំផុត និងកំពុងតែមមាញឹកបំផុតរបស់ចិននៅពេលនេះគឺគម្រោងការផ្លូវសូត្រ (One Belt, One Road)ដែលនឹងតភ្ជាប់រវាងប្រទេសចំនួនដល់ទៅ ៦០ ចាប់រាប់ពីអាស៊ីរហូតទៅដល់អឺរ៉ុប អូសេអានី និងអាហ្វ្រិកខាងកើតផង ដែលអាចមានតម្លៃចំណាយចន្លោះពី ៤ ទៅ ៨ ទ្រីលានដុល្លារ ត្រូវបានគេមើលឃើញថានៅពេលចប់រួចរាល់វានឹងធ្វើឲ្យចិនកាន់តែមានឥទ្ធិពលសេដ្ឋកិច្ចខ្លាំងបន្ថែមទៀត។
លើសពីនេះបើនិយាយពីទ្រព្យសម្បត្តិ និងប្រភពចំណូលរបស់ចិនវិញក៏កាន់តែមានការកើនឡើងឥតឈប់ឈរក្នុងនាមជាប្រទេសរោងចក្រនៃពិភពលោក ហើយបើយោងតាមរបាយការណ៍ទ្រព្យសម្បត្តិរបស់ពិភពលោកដែលបានចេញផ្សាយដោយក្រុមហ៊ុន Credit Suisse សម្រាប់លេខទី ១២ នៅឆ្នាំនេះបានបញ្ជាក់ថាចំនួននៃមហាសេដ្ឋីខ្ទង់លានដុល្លាររបស់ប្រទេសចិននឹងមានការកើនឡើងលឿនជាងអាមេរិកក្នុងរយៈពេល ៥ឆ្នាំខាងមុខ។
របាយការណ៍នេះក៏បានបង្ហាញដែរថា ចំនួនសេដ្ឋីប្រាក់លានដុល្លាររបស់ចិននឹងកើនឡើងក្នុងអត្រាដល់ទៅ ៩៣.៧ ភាគរយ ឬប្រមាណជាង ១០.17 លាននាក់គិតត្រឹមឆ្នាំ២០២៥ ធៀបទៅនឹងអាមេរិកដែលនឹងអាចទទួលបានកំណើនត្រឹមតែ ២៧.៨ ភាគរយទៅដល់ ២៨.០៦ លាននាក់ត្រឹមឆ្នាំ២០២១ ដូចគ្នា។
ដូចនេះ វានឹងមិនខុសពីការវិភាគរបស់អ្នកជំនាញសេដ្ឋកិច្ចមួយចំនួននោះទេថា ចិននឹងក្លាយទៅជាមហាអំណាចសេដ្ឋកិច្ចជំនួសអាមេរិកក្នុងពេលខាងមុខដោយសារតែអាមេរិកបានប្រើប្រាស់ឥទ្ធិពលដែលខ្លួនមានភាគច្រើនទៅធ្វើកិច្ចការងារដែលបានផ្តល់ផលប្រយោជន៍តិចតួច ឬអាចនិយាយថាទទួលបានប្រាក់ចំណេញតិចជាងអ្វីដែលចិនកំពុងតែធ្វើនាពេលបច្ចុប្បន្ន៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
ព្រឹត្តិការណ៍, អត្ថបទពាណិជ្ជកម្ម
• 21/08/2026
សមាគមធនាគារនៅកម្ពុជា(ABC) បានរៀបចំ សន្និសីទធនាគារនៅកម្ពុជា ឆ្នាំ២០២៦រយៈពេល២ថ្ងៃកាលពីថ្ងៃទី១៩ និង២០ ខែសីហា នៅសណ្ឋាគារ សុខា ភ្នំពេញ ក្រោមមូលបទ “ការរក្សាស្ថិរភាព ការពង្រឹងសុចរិតភាពហិរញ្ញវត្ថុ ទំនុកចិត្ត និងភាពជឿជាក់លើប្រព័ន្ធធនាគារ”
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
ព្រឹត្តិការណ៍, អត្ថបទពាណិជ្ជកម្ម
• 21/08/2026
គ្រឹះស្ថាន ខេមា មីក្រូហិរញ្ញវត្ថុ លីមីតធីត និង Mission Alliance ប្រចាំប្រទេសកម្ពុជា បានចុះអនុស្សរណៈយោគយល់គ្នា ដើម្បីរួមគ្នាលើកកម្ពស់ចំណេះដឹងហិរញ្ញវត្ថុ និងជំនាញអាជីវកម្មដល់ម្ចាស់អាជីវកម្មខ្នាតមីក្រូ និងបុគ្គលស្វ័យនិយោជន៍ នៅតាមតំបន់ប្រតិបត្តិការរបស់គ្រឹះស្ថាន ខេមា
ព្រះមហាក្សត្រ ស្ដេចយាងសម្ពោធដាក់ឱ្យប្រើប្រាស់វិមានសាមគ្គីភាពនៃព្រឹទ្ធសភាកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
វិមានសាមគ្គីភាព នៃព្រឹទ្ធសភានៃព្រះរាជាណាចក្រកម្ពុជាត្រូវបានចាត់ទុកថា ការឆ្លុះបញ្ចាំងនូវយុគសម័យរុងរឿងរបស់កម្ពុជា ដែលមានមូលដ្ឋានកើតចេញពីគ្រឹះនៃសន្តិភាព ឯកភាពជាតិ និងកម្លាំងសាមគ្គីភាពជាតិដ៏រឹងមាំ
ចិន បង្ហាញក្ដីបារម្ភខ្លាំង ខណៈជប៉ុនមានលទ្ធភាពអាចផលិតនុយក្លេអ៊ែរបានរាប់ពាន់គ្រាប់
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន ចង់ផលិតអាវុធនុយក្លេអ៊ែរ
បច្ចេកវិទ្យា AI កំពុងស្រូបទាញទុនរាប់ទ្រីលានដុល្លារ បង្កក្តីបារម្ភពីហានិភ័យហិរញ្ញវត្ថុ
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
ក្តីបារម្ភជុំវិញកំណើនបែបពពុះផុយស្រួយ (កំណើនពពុះស្រួយ) ផ្នែកហិរញ្ញវត្ថុ ក្នុងវិស័យបច្ចេកវិទ្យាបញ្ញាសិប្បនិម្មិត (AI) កំពុងក្លាយជាសំណួរដ៏សំខាន់ ខណៈក្រុមហ៊ុនបច្ចេកវិទ្យាយក្សនៅសហរដ្ឋអាមេរិកគ្រោងចំណាយថវិកា ១,១ ទ្រីលានដុល្លារ ចាប់ពីឆ្នាំ ២០២៦ ដល់ឆ្នាំ ២០២៩ ហើយការវិនិយោគលើវិស័យ AI ទូទាំងពិភពលោកត្រូវបានព្យាករណ៍ថានឹងកើនលើស ២,៥ ទ្រីលានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content