សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មានក្លិនប្រហើរឈ្ងុយ ដែលត្រូវបានគេយកធ្វើជាគ្រឿងផ្សំបន្ថែមក្លិន និងបន្ថែមរសជាតិនៃម្ហូបអាហារ ជីអង្កាម ជាដំណាំមួយប្រភេទដែលងាយស្រួលដាំ និងមានតម្រូវការទីផ្សារច្រើន ខណៈវាក៏បានផ្តល់នូវគុណប្រយោជន៍ជាច្រើនដល់សុខភាពអ្នកទទួលទាន។
ជីអង្កាម ជាប្រភេទជីម្យ៉ាងដែលមានក្លិនឈ្ងុយប្រហើរ មានសណ្ឋានស្លឹកឆែកៗដុះចេញពីដើមតូចៗ ដែលគេអាចដាំដុះបានស្ទើរគ្រប់សណ្ឋានដី មិនថាដាំដោយការលើកដីជារង ដាំនៅលើដាំរាបស្មើនៅជិតដំណាំដទៃទៀត និងអាចដាំក្នុងកំប៉ុង ឬផើងតូចៗក៏បាន (សម្រាប់អ្នកមិនសូវមានដីទំនេរ) ពោលគឺឱ្យតែមានដី និងស្រចទឹកគ្រប់គ្រាន់ ជាពិសេសដាក់ឱ្យត្រូវពន្លឺថ្ងៃគ្រប់គ្រាន់គឺអាចដុះលូតលាស់បានហើយ។
បើតាមអ្នកជំនាញផ្នែកកសិកម្មបានឱ្យដឹងថា ដើម្បីដាំដុះជីអង្កាមទទួលទិន្នផលល្អ គេអាចដាំបានពីរវិធីគឺទី១ ការយកគ្រាប់ពូជមកបណ្តុះ និងវិធីទី២ គឺប្រើដើមចាស់មកដាំផ្ទាល់តែម្តង ប៉ុន្តែភាគច្រើនគេនិយមប្រើវិធីទី២ច្រើនជាង ព្រោះវាងាយស្រួល និងឆាប់រហ័សជាងប្រើគ្រាប់។ ចំណែកដើមជីភាគច្រើនគេទិញមកពីផ្សារ និងកាត់សម្អាតក៏ដូចជាដាក់ត្រាំទឹកឱ្យដុះឫសជាមុនសិនទើបអាចយកទៅដាំបាន។
ក្នុងការត្រាំដើមជីនេះដែរ គេត្រូវដាក់ជីអង្កាមដែលបានកាត់ ឬទិញពីផ្សារ ១ ទៅ២ ដើម ប៉ុណ្ណោះមកដាក់ត្រាំក្នុងកែវ ដោយផ្នែកឫសត្រូវត្រាំក្នុងទឹក ហើយទុកនៅកន្លែងដែលមានកម្តៅសមល្មម និងមានពន្លឺគ្រប់គ្រាន់។ បន្ទាប់មករង់ចាំរហូតដល់វាដុះចេញឫសប្រមាណ ១-២ តឹក ទើបរៀបចំផើងសម្រាប់ដាំ។
ក្នុងការដាំដុះ គេអាចយកផើងជ័រដែលមានទំហំធំល្មម ព្រោះជីអង្កាមត្រូវការកន្លែងធំដើម្បីលូតលាស់ និងមានរន្ធបង្ហូរទឹកនៅខាងបាត បន្ទាប់មកចាក់ដីដែលមានលាយជីកំប៉ុស្តចូលក្នុងផើងបរិមាណ ១ភាគ៣ ទើបយកជីអង្កាមដែលដុះឫសមកដាក់ដាំក្នុងផើង និងបន្ថែមដីជុំវិញជីអង្កាមសមល្មមនឹងជីអាចដុះលូតលាស់បាន។
អ្នកដាំគួរដាក់វាដាំក្នុងផើងរហូតដល់វាលូតលាស់បានប្រមាណ ១២ ទៅ ១៣ សង់ទីម៉ែត្រ ដោយការថែទាំដែលចាំបាច់ជាងគេនោះគឺការស្រោចទឹកជាប្រចាំ ព្រឹក-ល្ងាច ពោលគឺធ្វើយ៉ាងណាឱ្យដីមានសំណើមជានិច្ច និងដាក់នៅកន្លែងដែលមានពន្លឺគ្រប់គ្រាន់។
គួរបញ្ជាក់ដែរថា ក្រៅពីគ្រឿងផ្សំបន្ថែមក្លិន ជីអង្កាមក៏អាចធ្វើជាឱសថបានថែមទៀតផង ព្រោះវាផ្ទុកដោយសារធាតុប្រឆាំងអុកស៊ីតកម្មដ៏មានឥទ្ធិពលខ្លាំងណាស់។ វាល្អណាស់ក្នុងការគ្រប់គ្រងកម្រិតជាតិស្ករក្នុងឈាម និងព្យាបាលស្ថានភាពស្បែក។ ជីអង្កាមក៏មានភាពត្រជាក់ និងជំនួយដល់ការរំលាយអាហារ និងប្រព័ន្ធដកដង្ហើមផងដែរ។ លើសពីនេះទៅទៀត វាអាចជួយព្យាបាលជំងឺហឺត ផ្ដាសាយ ថែរក្សាសុខភាពមាត់ធ្មេញ ជួយឱ្យស្រកទម្ងន់ ជួយដល់សុខភាពខួរក្បាល ថែរក្សាស្បែក ជួយបន្ធូរអាការៈចាញ់កូន ឬចង្អោរ និងប្រឆាំងភាពតានតឹងអារម្មណ៍ថែមទៀតផង៕
Account
Security
Favourite Content