មុខរបរលក់ទឹកអំពៅអនាម័យ អាចទទួលបានចំណូលខ្ទង់ពាន់ដុល្លារក្នុងមួយខែ

ភ្នំពេញ ៖ ទឹកអំពៅ ជាភេសជ្ជៈដ៏ពេញនិយមមួយប្រភេទរបស់ប្រជាជនខ្មែរជាទូទៅ ដោយសាររសជាតិផ្អែមឈ្ងុយឆ្ងាញ់ពីធម្មជាតិរបស់អំពៅធ្វើឱ្យអ្នកទទួលទានមានអារម្មណ៍ស្រស់ស្រាយ ជាពិសេសនៅពេលថ្ងៃក្ដៅតែម្ដង ហើយជាទូទៅគេឃើញការលក់ទឹកអំពៅនៅតាមតូបតូចៗ ឬរ៉ឺម៉កតាមផ្លូវប៉ុណ្ណោះ។

ខុសប្លែកពីការលក់ទឹកអំពៅទូទៅ ដែលច្រើនឃើញមាននៅតាមរទេះរុញ រ៉ឺម៉ក់ ឬតូបតូចៗនោះ The FRESH Sugarcane & Juice បានបង្ហាញខ្លួនក្នុងនាមជាទីតាំងលក់ទឹកអំពៅអនាម័យ មានលក្ខណៈទាន់សម័យទំនើប ជាមួយនឹងការកែច្នៃរសជាតិទឹកអំពៅបានច្រើនប្រភេទ ព្រមទាំងមានការវេចខ្ចប់យ៉ាងមានរបៀបបំផុត។

The FRESH Sugarcane & Juice គឺជាយីហោហាងលក់ទឹកអំពៅ មានច្រើនសាខាក្រោយបើកដំណើរការកាលពីឆ្នាំ២០១៨ ដោយផ្ដោតទៅលើគុណភាព រសជាតិ អនាម័យ ការវេចខ្ចប់ស្អាត ជាពិសេសគឺផ្តល់នូវគុណប្រយោជន៍ចំពោះសុខភាពអ្នកទទួលទានផ្ទាល់តែម្ដង។

លោក សយ វុទ្ធា ជាស្ថាបនិករបស់ហាង The FRESH Sugarcane & Juice បានប្រាប់ AMS យ៉ាងដូច្នេះថា ៖

“ខ្ញុំបានចាប់ផ្ដើមអាជីវកម្មមួយនេះគឺដោយ ខ្ញុំជាអ្នកចូលចិត្តញ៉ាំទឹកអំពៅផ្ទាល់ ណាមួយវាល្អសម្រាប់សុខភាព ព្រោះជាភេសជ្ជៈធម្មជាតិ ហើយខ្ញុំក៏មើលឃើញថាវាជាមុខរបរមួយដែលមានសក្កានុពល និងអាចឈរជើងបានយូរ ព្រមទាំងអាចទទួលបានចំណូលផងដែរ”

លោកបន្ថែមឲ្យដឹងថា គំនិតកែច្នៃរសជាតិទឹកអំពៅនេះកើតមានឡើងកាលពីឆ្នាំ២០១៧ បន្ទាប់ពីលោកបានទៅសិក្សានៅទីក្រុងម៉ានីឡា ប្រទេសហ្វីលីពីន ហើយបានឃើញអាជីវកម្មទឹកអំពៅមួយនេះមានច្រើនរសជាតិ ច្រើនមុខ លុះពេលវិលត្រឡប់មកកម្ពុជាវិញ គាត់ក៏ចាប់ផ្ដើមរៀបចំគំនិតអាជីវកម្មនេះ ប៉ុន្តែរៀបចំយ៉ាងណាឱ្យស័ក្ដិសមនឹងបរិបទស្រុកខ្មែរ។

រហូតមកដល់ពេលនេះ The FRESH Sugarcane & Juice បានបំបែកសាខារបស់ខ្លួនចំនួន៥ទីតាំង រួមមានសាខាទី១ នៅបឹងកេងកងទី១ សាខាទី២ បុរីប៉េងហួតបឹងស្នោ សាខាទី៣ ទី៤ និងទី៥ ស្ថិតក្នុងបុរីពិភពថ្មីចំការដូង១ ដែលក្នុងនោះមានជាប្រភេទហាង និងតូបអាស្រ័យតាមទីតាំនីមួយៗផងដែរ។

ដោយឡែក ចំពោះភេសជ្ជៈស្ថិតក្រោមយីហោ The FRESH Sugarcane & Juice មានប្រមាណ ២០រសជាតិ ដែលសុទ្ធសឹងជាភេសជ្ជៈធម្មជាតិ មានរសជាតិឆ្ងាញ់ ស្រស់ល្អ ផ្តល់គុណប្រយោជន៍ដល់សុខភាពអ្នកទទួលទាន ដោយសារវត្ថុធាតុដើមដូចជាដើមអំពៅ ត្រូវទិញពីប្រជាកសិករក្នុងស្រុក ដូចជាខេត្តព្រៃវែង និងខេត្តកណ្តាលជាដើម។ ចំណែកឯតម្លៃគឺមានចាប់ពី ២០០០រៀលឡើងទៅ ដែលជាតម្លៃមួយសមល្មមអាចឱ្យអតិថិជនទិញទទួលទានបានជារៀងរាល់ថ្ងៃ និងជាប្រចាំបាន។

លោក សយ វុទ្ធា បានបន្ថែមថា ចំណុចពិសេសរបស់ទឹកអំពៅ The FRESH Sugarcane & Juice គឺផ្តោតលើចំណុចសំខាន់ៗចំនួន៣ ទី១ សុខភាពដោយប្រើវត្ថុធាតុដើមសុទ្ធពីធម្មជាតិ មិនប្រើស្ករ មិនមានបន្ថែមសារជាតិមេ យកចិត្តទុកដាក់ចំពោះសុខភាពអតិថិជន។ ទី២ គឺអនាម័យ ផ្តោតជាចម្បង ទាំងការទុកដាក់អំពៅ និងការវេចខ្ចប់ ហើយទី៣ គឺផ្នែកសេវាកម្ម ព្យាយាមពន្លឿនឱ្យបានរហ័សមិនឱ្យអតិថិជនរង់ចាំយូរ ដោយមានប្រើម៉ាស៊ីនគាបអំពៅគុណភាពខ្ពស់ ធ្វើពីដែកអ៊ីណុកមិនច្រេះ គាបបានរហ័ស និងមានអនាម័យល្អ ជាមួយនឹងការដាក់លក់ក្នុងតម្លៃថោកសមរម្យ ដែលអតិថិជនអាចទទួលយកបាន។ ជាមួយគ្នានេះ ទាក់ទងទៅនឹងអតិថិជនគោលដៅរបស់ហាង The FRESH Sugarcane & Juice គឺផ្តោតលើអតិថិជនដែលស្ថិតនៅក្នុងតំបន់ជិតៗ ឬជុំវិញទីតាំងហាង មានវ័យចាប់ពី ២០ឆ្នាំឡើងទៅដែលគិតគូរពីសុខភាព។ នេះជាអ្វីដែលម្ចាស់ហាងខាងលើបានលើកឡើង។

គួរបញ្ជាក់ដែរថា ការចាប់ផ្តើមអាជីវកម្មនេះលើកដំបូងម្ចាស់អាជីវកម្មខាងលើបានចាប់ផ្ដើមពីការលក់តាមរទេះដោយចំណាយដើមទុនប្រមាណ ១៦០០ដុល្លារ ទៅលើថ្លៃទិញសម្ភារចាំបាច់ ដូចជា ម៉ាស៊ីនគាប និងធុងអនាម័យ រួមទាំងសម្ភារផ្សេងៗ។ ចំណុចសំខាន់របស់អាជីវកម្មមួយនេះ គឺការផ្តោត(Focus)ទៅលើផលិតក្នុងស្រុកតែមួយមុខ និងមានចំណុចពិសេសប្លែកគេ (Unique) ដែលគេពិបាកធ្វើតាម និងពិបាករកនៅកន្លែងផ្សេង។

យ៉ាងណាក៏ដោយ ការបើកអាជីវកម្មអ្វីមួយតែងមានភាពប្រឈម តួយ៉ាងដូចជាហាងទឹកអំពៅមួយនេះក៏ជួបបញ្ហាផងដែរ ដូចជា កាលពីគ្រាដំបូងឡើយគឺត្រូវចំណាយថ្លៃដើមខ្ពស់ ចំណេញតិច លក់បានតិច ព្រោះគេមិនទាន់ស្គាល់ មិនទាន់ទុកចិត្ត មិនចេះមើលគុណភាពអំពៅ ក៏ដូចជាការរើសទីតាំងខុសជាដើម។

ជាចុងក្រោយ លោក សយ វុទ្ធា បាផ្ដល់ជាមានមតិដែរថា ចំពោះអ្នកដែលចង់ចាប់ផ្តើមអាជីវកម្មថ្មី គួរតែមានដើមទុនបម្រុងហើយអ្វីដែលសំខាន់គឺផ្ដោតលើផលិតផលចម្បងតែមួយមុខឱ្យខ្លាំងសិន កុំបែកឆ្វេងម្តងលក់នេះម្តងលក់នោះ ត្រូវរកចំណុចពិសេសរបស់ផលិតផលឱ្យឃើញមុននឹងចាប់ផ្តើមដំណើរការអាជីវកម្ម និងឈានទៅរកការពង្រីកខ្លួន៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា

ព្រឹត្តិការណ៍, អត្ថបទពាណិជ្ជកម្ម

• 15/08/2026

NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា

រដ្ឋាភិបាលបង្កើតក្រុមការងារពិសេស ជួយដល់សហគ្រិនក្នុងវិស័យ MSME

ព្រឹត្តិការណ៍, សេដ្ឋកិច្ច

• 14/08/2026

រាជរដ្ឋាភិបាលកម្ពុជាបានសម្រេចបង្កើតក្រុមការងារចំពោះកិច្ច ដើម្បីជួយសម្រួលការចាប់ផ្ដើម និងប្រតិបត្តិអាជីវកម្មរបស់សហគ្រាសធុនមីក្រូ តូច និងមធ្យម (MSME) តាមរយៈការកែលម្អនីតិវិធី កាត់បន្ថយបែបបទ និងចំណាយពាក់ព័ន្ធនឹងការធ្វើអាជីវកម្ម

កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍

ព្រឹត្តិការណ៍, អាជីវកម្មថ្មី និងនវានុវត្ត

• 14/08/2026

កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍

បន្លែសុវត្ថិភាពជួយសហគមន៍ស្រូវនាងអំ រកចំណូលជិត ៦៩ លានរៀលក្នុងមួយខែ

ជំនួញ, ព្រឹត្តិការណ៍

• 14/08/2026

ការពង្រីកការដាំបន្លែសុវត្ថិភាពក្នុងផ្ទះសំណាញ់ បានជួយឱ្យសហគមន៍កសិកម្មទំនើបស្រូវនាងអំ នៅស្រុកស្វាយលើ ខេត្តសៀមរាប បង្កើតប្រភពចំណូលជាប្រចាំ ដោយបច្ចុប្បន្នអាចប្រមូលផលបន្លែបានប្រមាណ ២៥,៥០០ គីឡូក្រាមក្នុងមួយខែ គិតជាប្រាក់ចំណូល គឺប្រមាណ ៦៨,៨៥០,០០០ រៀល

ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ

Top News, ព្រឹត្តិការណ៍, អចលនទ្រព្យ

• 14/08/2026

កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន

ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ

ព្រឹត្តិការណ៍, អាជីវកម្មថ្មី និងនវានុវត្ត

• 14/08/2026

ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក

កសិករវ័យ ៦៤ ឆ្នាំនៅបាត់ដំបង បង្កើនស្រះត្រីដល់ ២៦ រំពឹងរកចំណូលបាន ៥០ លានរៀល/១ឆ្នាំ

ជំនួញ, ព្រឹត្តិការណ៍

• 14/08/2026

លោក ម៉ៅ ពេក កសិករវ័យ ៦៤ ឆ្នាំ រស់នៅភូមិទួលតាសុខ ឃុំបន្សាយត្រែង ស្រុកថ្មគោល ខេត្តបាត់ដំបង បានពង្រីកស្រះចិញ្ចឹមរហូតដល់ ២៦ ស្រះ លើផ្ទៃដីជាង ២ ហិកតា ដោយរំពឹងថា អាជីវកម្មវារីវប្បកម្មរបស់លោកនឹងអាចបង្កើតចំណូលប្រមាណ ៥០ លានរៀលក្នុងមួយឆ្នាំ

៧ខែ រដ្ឋាភិបាល អនុម័តគម្រោងវិនិយោគចំនួន ៣០៩ ក្នុងទំហំទុនសរុបប្រមាណ ៥.២ ប៊ីលានដុល្លារអាម៉េរិក

ព្រឹត្តិការណ៍, សេដ្ឋកិច្ច

• 14/08/2026

ក្នុងរយៈ៧ខែ ដើមឆ្នាំ២០២៦ គម្រោងវិនិយោគដែលត្រូវបានរដ្ឋាភិបាលអនុម័ត និងចុះបញ្ជីដោយក្រុមប្រឹក្សាអភិវឌ្ឍន៍កម្ពុជា (CDC) រួមជាមួយអនុគណៈកម្មាធិការវិនិយោគរាជធានីខេត្ត មានចំនួន ៣០៩ ក្នុងទំហំទុនសរុបប្រមាណ ៥,២ប៊ីលានដុល្លារអាម៉េរិក

ដ្រូនបរទេសប្រឈមពន្ធរហូតដល់ ១០០% ក្រោមវិធានការថ្មីរបស់លោក ដូណាល់ ត្រាំ

ព្រឹត្តិការណ៍, សេដ្ឋកិច្ច

• 14/08/2026

ប្រធានាធិបតីអាម៉េរិក លោក ដូណាល់ ត្រាំ បានប្រកាសដំឡើងពន្ធលើការនាំចូលដ្រូន និងគ្រឿងបន្លាស់ដ្រូនពីបរទេសរហូតដល់ ១០០ ភាគរយ ដោយរួមបញ្ចូលទាំងការនាំចូលពីប្រទេសជាសម្ព័ន្ធមិត្តសំខាន់ៗរបស់អាម៉េរិកផងដែរ

តម្លៃលំនៅឋានក្នុងរាជធានីភ្នំពេញ ធ្លាក់ចុះ ៤ភាគរយ នៅឆមាសទី១ ឆ្នាំ២០២៦

ព្រឹត្តិការណ៍, អចលនទ្រព្យ

• 14/08/2026

សន្ទស្សន៍តម្លៃលំនៅឋាននៅក្នុងប្រទេសកម្ពុជាបានបន្តធ្លាក់ចុះ ប្រមាណ ២,៩ ភាគរយ ក្នុងឆមាសទី១ ឆ្នាំ២០២៦ ដោយក្នុងនោះតម្លៃលំនៅឋាននៅរាជធានីភ្នំពេញបានធ្លាក់ចុះ ៤ភាគរយ