គ្រឹះស្ថានធនាគារ និងហិរញ្ញវត្ថុនៅកម្ពុជាផ្តល់ឥណទានសរុបជិត ៤៥

ភ្នំពេញ ៖ គ្រឹះស្ថានធនាគារ និងហិរញ្ញវត្ថុនៅកម្ពុជាបានផ្តល់ឥណទានសរុប ១៨៥,១ ទ្រីលានរៀល (៤៤,៩ ពាន់លានដុល្លារអាមេរិក) គិតត្រឹមចុងត្រីមាសទី៣ ឆ្នាំ២០២១នេះ កើនឡើង ២៣ភាគរយ ធៀបនឹងគ្រាដូចគ្នាឆ្នាំមុន។ នេះបើយោងតាមរបាយការណ៍របស់ធនាជាតិនៃកម្ពុជា ស្តីពីឥណទានតាមវិស័យផ្តល់ដោយគ្រឹះស្ថានធនាគារ និងហិរញ្ញវត្ថុ។

ធនាគារជាតិនៃកម្ពុជាបានឱ្យដឹងថា ឥណទាននេះគ្របដណ្តប់លើវិស័យកសិកម្ម សំណង់ កម្មន្តសាល សេវាកម្ម ការជួញដូរដុំនិងរាយ និងអង្គភាពគ្រួសារ ជាដើម។

ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា បានថ្លែងក្នុងរបាយការណ៍ស្តីពី “យុទ្ធសាស្ត្រស្តីពីបរិយាបន្នហិរញ្ញវត្ថុឆ្នាំ២០១៩-២០២៥” ដែលផ្សាយជាផ្លូវការពីដើមខែធ្នូ ឆ្នាំ២០២១នេះថា នៅក្នុងបរិបទសុខសន្តិភាពពេញលេញរបស់កម្ពុជា ការអភិវឌ្ឍនានាបាននិងកំពុងរីកដុះដាលលើគ្រប់វិស័យ ជាមួយសមិទ្ធផលដែលទទួលបាន តាមរយៈការរីកចម្រើននៃវិស័យសេដ្ឋកិច្ចនិងសង្គមកិច្ច។ ស្នាដៃទាំងនេះបានលេចចេញជារូបរាងឡើងក្រោមការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានដឹកនាំនាវាកម្ពុជា ឆ្ពោះទៅរកសុខដុមរមនានិងវឌ្ឍនភាព ក្រោមដំបូលសុខសន្តិភាពនិងស្ថិរភាពនយោបាយ។

ឯកឧត្តមបានថ្លែងថា ក្នុងកំលុងពេលជាង២ទសវត្សរ៍កន្លងមក កម្ពុជាទទួលបានចំណាត់ថ្នាក់ជាប្រទេសដែលមានកំណើនសេដ្ឋកិច្ចខ្ពស់និង លឿនបំផុតលំដាប់ទី៦ នៅលើពិភពលោក ដោយសម្រេចបានកំណើនជាមធ្យមជាង៧ភាគរយ ក្នុងមួយឆ្នាំ ហើយអត្រានៃភាពក្រីក្រក៏បានធ្លាក់ចុះពីប្រមាណ៥៣ភាគរយ ក្នុងឆ្នាំ២០០៤ មកនៅត្រឹមប្រមាណ១០ភាគរយក្នុងឆ្នាំ២០១៨។ ក្នុងដំណើរខិតខំដើម្បីរក្សាបានកំណើនសេដ្ឋកិច្ចប្រកបដោយនិរន្តរភាព រាជរដ្ឋាភិបាល នីតិកាលទី៦នៃរដ្ឋសភា បានបន្តដាក់ចេញនូវយុទ្ធសាស្ត្រចតុកោណដំណាក់កាលទី៤ គោលនយោបាយ អភិវឌ្ឍន៍តាមវិស័យ និងវិធានការជាក់ស្ដែងជាអាទិភាពនានា។ ក្នុងន័យនេះ យុទ្ធសាស្ត្រអភិវឌ្ឍន៍វិស័យ ហិរញ្ញវត្ថុឆ្នាំ២០១៦-២០២៥ បានបន្តធ្វើជាមគ្គុទ្ទេសក៍សម្រាប់ការអភិវឌ្ឍវិស័យហិរញ្ញវត្ថុនៅកម្ពុជា ដែលក្នុងនោះ ការលើកកម្ពស់បរិយាបន្នហិរញ្ញវត្ថុត្រូវបានកំណត់ជាគោលដៅអាទិភាពមួយ។

ឯកឧត្តមបានថ្លែងបន្តទៀតថា ៖

“បរិយាបន្នហិរញ្ញវត្ថុ គឺជាលទ្ធភាពទទួលបាននិងប្រើប្រាស់សេវាហិរញ្ញវត្ថុផ្លូវការទាន់ពេលវេលា សមស្របតាមតម្រូវការ មានតម្លៃសមរម្យ និងមានកិច្ចការពារតាមផ្លូវច្បាប់។ ទន្ទឹមនេះ ការលើកកម្ពស់ បរិយាបន្នហិរញ្ញវត្ថុនឹងផ្តល់ផលប្រយោជន៍ជាច្រើន ទាំងផ្នែកសង្គម-សេដ្ឋកិច្ច ដល់សហគ្រាសធុនតូចនិង មធ្យម និងប្រជាជនដែលពុំទាន់មានលទ្ធភាពទទួលបានសេវាហិរញ្ញវត្ថុផ្លូវការ។”

ឯកឧត្តមបានថ្លែងបន្តថា ចំពោះប្រជាជនផលប្រយោជន៍ទាំងនេះរួមមានការជួយសម្រួលដល់ជីវភាពរស់នៅការផ្តល់លទ្ធភាពឲ្យមានការសន្សំហិរញ្ញវត្ថុ និងការបង្កើនឱកាសធុរកិច្ច ដែលនាំឲ្យប្រជាជនកាន់តែមានលទ្ធភាពច្រើនជាងមុនក្នុងការទទួលបានសេវាចាំបាច់នានា ដូចជាការលើកកម្ពស់ការអប់រំ សេវាសុខភាព អនាម័យ និងទឹកស្អាតជាដើម។ ចំពោះសហគ្រាស ធុនតូចនិងមធ្យម ផលប្រយោជន៍មានដូចជា ការបង្កើនលទ្ធភាពវិនិយោគការទទួលបានសេវាប្រឹក្សាជាដើម។ ដូច្នេះ ការរៀបចំឲ្យមានយុទ្ធសាស្ត្រជាតិស្តីពីបរិយាបន្នហិរញ្ញវត្ថុ គឺពិតជាចាំបាច់ក្នុងការសម្រេចបាននូវផលប្រយោជន៍ទាំងនេះ។

យុទ្ធសាស្ត្រជាតិស្តីពីបរិយាបន្នហិរញ្ញវត្ថុត្រូវបានរៀបចំឡើងក្នុងក្របខ័ណ្ឌជាគោលនយោបាយជាតិ ដែលអនុញ្ញាតឲ្យមានការចូលរួមពេញលេញពីសំណាក់ក្រសួង ស្ថាប័ន និងភាគីពាក់ព័ន្ធទាំងឡាយ និងការដាក់ចេញនូវផែនការសកម្មភាពគ្រប់ជ្រុងជ្រោយនិងច្បាស់លាស់។ យុទ្ធសាស្ត្រជាតិនេះជាឧបករណ៍ទ្រទ្រង់ដល់ការអនុវត្តប្រកបដោយប្រសិទ្ធភាពនូវយុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ២០១៦-២០២៥ ដែលមានគោលបំណងសម្រេចបាននូវប្រព័ន្ធហិរញ្ញវត្ថុមួយមានស្ថិរភាព ប្រសិទ្ធភាព និងពិពិធកម្មទីផ្សារ ហិរញ្ញវត្ថុ ប្រកបដោយបរិយាបន្ន ព្រមទាំងឆ្លើយតបទៅនឹងតម្រូវការសេវាហិរញ្ញវត្ថុក្នុងប្រទេស គាំទ្រដល់ចីរភាពនៃកំណើនសេដ្ឋកិច្ច បង្កើនប្រាក់ចំណូលដល់ប្រជាជន និងកាត់បន្ថយភាពក្រីក្រ។

ធនាគារពិភពលោក កាលពីថ្មីៗបានបញ្ជាក់ផងដែរថា លក្ខខណ្ឌហិរញ្ញវត្ថុបន្តមានភាពរឹងមាំដែលគាំទ្រដោយការបន្ធូរបន្ថយគោលនយោបាយរូបិយវត្ថុ។ ក្រោមវិធានការបន្ធូរបន្ថយ រូបិយវត្ថុជុំទី ៣ របស់ខ្លួនដែលត្រូវបានដាក់ឱ្យប្រើប្រាស់ក្នុងខែឧសភា ឆ្នាំ២០២១ ធនាគារកណ្តាលបានសម្រេច ក្នុងចំណោមវិធានការនានា (i) រក្សាសមាមាត្រតម្រូវការទុនបម្រុងនៅកម្រិត ៧ ភាគរយសម្រាប់ប្រាក់បញ្ញើ និងកម្ចីទាំងជាប្រាក់រៀល និងប្រាក់ដុល្លារអាមេរិក រហូតដល់មានការជូនដំណឹងបន្ថែម និង (ii) អនុញ្ញាតឱ្យវិស័យធនាគារ និងមីក្រូហិរញ្ញវត្ថុបន្តរៀបចំកម្ចីឡើងវិញរហូតដល់ចុងឆ្នាំ ២០២១។

ធនាគារពិភពលោកបានឱ្យដឹងទៀតថា ៖

“ទោះបីស្ថិតនៅក្រោមកម្រិតមុនជំងឺរាតត្បាតក៏ដោយ កំណើនសាច់ប្រាក់ជារួមរបស់ប្រទេសកម្ពុជាមានភាពរឹងមាំក្នុងអត្រា ១៥,៣ ភាគរយក្នុងមួយឆ្នាំ គិតត្រឹមខែកញ្ញា ឆ្នាំ២០២១។ ដោយសារទំនុកចិត្តកាន់តែប្រសើរលើប្រព័ន្ធធនាគារ និងលំហូរទុននៅតែបន្តកំណើនប្រាក់បញ្ញើជារូបិយប័ណ្ណបរទេសដែលបានថមថយយ៉ាងខ្លាំងក្នុង អំឡុងឆមាសទីមួយនៃឆ្នាំ២០២០ បានកើនឡើងវិញចាប់តាំងពីពេលនោះមក ដោយបានរួមចំណែក ១១,៥ ភាគរយន ១៥,៣ ភាគរយនៃកំណើនសាច់ប្រាក់ជារួមនៅក្នុងខែកញ្ញា ឆ្នាំ ២០២១“

ធនាគារពិភពលោកបានឱ្យដឹងទៀតថា ដោយឆ្លុះបញ្ចាំងពីតម្រូវការឥណទានកាន់តែខ្លាំង កំណើនឥណទានក្នុងស្រុកក៏ស្ទុះងើបឡើងវិញដែរ ដោយកើនឡើង ២៤,០ ភាគរយធៀបនឹងមួយឆ្នាំមុន ក្នុងខែកញ្ញា ឆ្នាំ២០២១ ប៉ុន្តែនៅតែទាបជាងអត្រាកំណើនមុនជំងឺរាតត្បាត ដែលមានអត្រា ២៧,០ ភាគរយ នៅក្នុងខែធ្នូ ឆ្នាំ២០១៩៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

ទំនាក់ទំនងភ្ជាប់សេវាកម្ម៖

093 222 034 ឬ 088 222 0765

www.neocomisp.com NeocomISP Limited

ទំនាក់ទំនងលេខទូរសព្ទ៖

023 22 02 02 ឬ 1800 200 200

ការប្រាក់ត្រឹមតែ

សម្រាប់ឆ្នាំទី១

ទំហំកម្ចីជាង២០.០០០ដុល្លារ

របាយការណ៍ថ្មីៗ

មើលទាំងអស់ ➧

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

អាជីវកម្មថ្មី ប្លែក យកក្រដាសលុយរៀលច្នៃជាបាច់ផ្កាគួរឱ្យទាក់ទាញ កំពុងទទួលបានការគាំទ្រខ្លាំង

ជំនួញ, បទយកការណ៍

• 20/10/2023

បាច់ផ្កា ជាវត្ថុអនុស្សាវរីយ៍ដែលគេនិយមទិញជូនគ្នានៅពេលមានកម្មវិធីអបអរ ឬក្នុងឱកាសពិសេសណាមួយ ដែលគេអាចប្រើបានទាំងបាច់ផ្កាធ្វើពីផ្កាស្រស់ ផ្កាជ័រ ឬច្នៃទៅតាមតម្រូវការរបស់អតិថិជន....

សិប្បកម្មកែច្នៃត្រីបឹងរំពេរ មានសមត្ថភាពកែច្នៃត្រីគ្រប់ប្រភេទ និងកំពុងជំរុញផលិតផលចូលទីផ្សារឱ្យបានច្រើន

ជំនួញ, បទយកការណ៍

• 15/09/2023

កំពង់ធំ ៖ សិប្បកម្មស្ត្រីកែច្នៃត្រីបឹងរំពេរ គឺជាសិប្បកម្មកែច្នៃត្រីមួយកន្លែងស្ថិតនៅភូមិចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ បានប្រកាសថាខ្លួនមានសមត្ថភាពផលិតត្រីប្រកបដោយគុណភាព.....

ក្រូចឆ្មារសហគមន៍ពោធិ៍សាត់ កំពុងមានតម្រូវការខ្ពស់តាមរយៈការលក់របស់សហគមន៍

ជំនួញ, បទយកការណ៍

• 27/01/2023

ក្រូចឆ្មារ មានតម្រូវការទីផ្សារខ្ពស់ ទើបសហគមន៍មួយនៅខេត្តពោធិ៍សាត់បានប្រមូលផ្ដុំគ្នាដាំ និងចែកចាយក្រូចឆ្មារទៅកាន់អតិថិជនទូទាំងប្រទេស.....

អាជីវកម្មកំប៉ុសគោក ចំណេញទាំងបរិស្ថាន ល្អទាំងដំណាំ ថែមទាំងលើកស្ទួយជីវភាពប្រជាជនក្នុងសហគមន៍

ជំនួញ, បទយកការណ៍

• 25/01/2023

សហគមន៍មួយបានប្រមូលផ្ដុំគ្នាផលិតជីកំប៉ុសលក់ ក្នុងគោលបំណងកាត់បន្ថយកាកសំណល់ ច្នៃធ្វើជាជី និងអាចរកចំណូលបន្ថែមសម្រាប់សេដ្ឋកិច្ចគ្រួសារ.....

មុខរបរដាំត្រកួនលក្ខណៈគ្រួសារ ងាយស្រួល និងអាចដាំបានខួបប្រាំងខួបវស្សា

ជំនួញ, បទយកការណ៍

• 23/11/2022

ត្រកួន ជាដំណាំម្យ៉ាងដែលបងប្អូនយើងចូលចិត្តដាំ ដោយសារតែវាងាយស្រួលដាំ ងាយថែទាំ ឆាប់បានផល ពិសេសគឺជាអាហារដ៏មានប្រយោជន៍សម្រាប់សុខភាព ថែមទាំងមានទីផ្សារគួរសមផងដែរ

តើអាជីវកម្មទាំង ៥ ប្រភេទនេះ អាចនឹងមានទីផ្សារខ្លាំងទៀតទេ ក្រោយពេលកូវីដ១៩ ត្រូវបានបញ្ចប់?

បទយកការណ៍, អាជីវកម្មថ្មី និងនវានុវត្ត

• 14/10/2021

អាជីវកម្ម ៖ មកដល់ពេលនេះ អ្នកដឹកនាំអាជីវកម្មព្រមទាំងសហគ្រិនថ្មីៗភាគច្រើនកំពុងស្វែងរកយុទ្ធសាស្ត្រទប់ទល់នឹងការខាតបង់....

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុ ជារបាំងការពារមួយរបស់ប្រជាពលរដ្ឋក្នុងការជៀសផុតពីការឆបោក និងការកេងប្រវ័ញ្ចផ្នែកហិរញ្ញវត្ថុផ្សេងៗ

ព្រឹត្តិការណ៍, ហិរញ្ញវត្ថុ

• 29/04/2025

ការលើកកម្ពស់ចំណេះដឹងហិរញ្ញវត្ថុ គឺជារបាំងការពារមួយរបស់ប្រជាពលរដ្ឋក្នុងការជៀសផុតពីការឆបោក និងការកេងប្រវ័ញ្ចផ្នែកហិរញ្ញវត្ថុផ្សេងៗ

ខេត្តកំពត កំពុងក្លាយជាតំបន់ឧស្សាហកម្មដ៏មានសក្ដានុពល និងទាក់ទាញមួយក្នុងប្រទេសកម្ពុជា

ព្រឹត្តិការណ៍, អចលនទ្រព្យ

• 29/04/2025

តាមផែនការអភិវឌ្ឍតំបន់ឆ្នេររបស់រាជរដ្ឋាភិបាលកម្ពុជា ខេត្តកំពតបាននិងកំពុងក្លាយជាខេត្តមួយដែលមានការអអភិវឌ្ឍឧស្សាហកម្មនិងកំពុងទាក់ទាញវិនិយោគិនបរទេសចូល....

ក្រសួងពាណិជ្ជកម្ម ជំរុញផ្សារទំនើប និងម៉ាត ដាក់លក់ផលិតផលខ្មែរកាន់តែច្រើន ដើម្បីប្រកួតប្រជែងលើទីផ្សារក្នុងស្រុក និងទីផ្សារក្រៅប្រទេស

ព្រឹត្តិការណ៍, សេដ្ឋកិច្ច

• 29/04/2025

ក្រសួងពាណិជ្ជកម្ម ជំរុញផ្សារទំនើប និងម៉ាត ដាក់លក់ផលិតផលខ្មែរឱ្យបានកាន់តែច្រើន ដើម្បីប្រកួតប្រជែងលើទីផ្សារក្នុងស្រុក និងទីផ្សារក្រៅប្រទេស

ការដ្ឋានសាងសង់ម៉ាស៊ីនរ៉េអាក់ទ័រថ្មី ៣០កន្លែង ត្រួសត្រាយផ្លូវចិនទៅជាមហាអំណាចថាមពលនុយក្លេអ៊ែរជំនួសសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 29/04/2025

នៅត្រឹមចុងខែមេសានេះ រដ្ឋាភិបាលទីក្រុងប៉េកាំងបានអនុម័តកញ្ចប់ថវិកាថ្មីដើម្បីអាចចាប់ផ្តើមការសាងសង់ម៉ាស៊ីនរ៉េអាក់ទ័រថ្មីចំនួន១០កន្លែងទៀតសម្រាប់ឆ្នាំ២០២៥នេះ

ក្រុមហ៊ុនអភិវឌ្ឍន៍អចលនទ្រព្យធំមួយនៅកម្ពុជា ពង្រីកប្រតិបត្តិការអាជីវកម្មដឹកអ្នកដំណើរផ្សារភ្ជាប់តំបន់ទេសចរណ៍រវាងភ្នំពេញ និងក្រុងព្រះសីហនុ

ព្រឹត្តិការណ៍, អចលនទ្រព្យ

• 29/04/2025

ក្រុមហ៊ុនអភិវឌ្ឍន៍ អចលនទ្រព្យធំមួយនៅកម្ពុជាបានបើកដំណើរសេវាដឹកអ្នកដំណើរដើម្បីផ្សារភ្ជាប់ទេសចរណ៍រវាងភ្នំពេញ និងក្រុងព្រះសីហនុ

ក្រុមប្រទេស BRICS ចង់បង្កើតកម្លាំងរួមមួយសម្រាប់ទប់ទល់នឹងគោលនយោបាយពាណិជ្ជកម្មរបស់ប្រធានាធិបតីអាម៉េរិក Donald Trump

ព្រឹត្តិការណ៍, សេដ្ឋកិច្ច

• 29/04/2025

កាលពីថ្ងៃចន្ទ អ្នកការទូតកំពូលៗមកពី ១១ ប្រទេសដែលជាសមាជិក BRICS រួមមាន៖ អេហ្ស៊ីប អេត្យូពី ឥណ្ឌា ឥណ្ឌូនេស៊ី អ៊ីរ៉ង់ អារ៉ាប៊ីសាអូឌីត អាហ្រ្វិកខាងត្បូង និងអេមីរ៉ាត់អារ៉ាប់រួម បានជួបប្រជុំគ្នាដើម្បីរៀបចំរបៀបវារៈរបស់ពួកគេមុនពេលមានកិច្ចប្រជុំកំពូលមេដឹកនាំនៅខែកក្កដាខាងមុខនេះ។

សម្តេចប្រធានរដ្ឋសភា ៖ ការកែទម្រង់រដ្ឋបាលសាធារណៈរបស់រាជរដ្ឋាភិបាលនឹងជួយនាំកម្ពុជាឆ្ពោះទៅសម្រេចបានចក្ខុវិស័យឆ្នាំ២០៥០ ជាប្រទេសមានចំណូលខ្ពស់

ព្រឹត្តិការណ៍, សេដ្ឋកិច្ច

• 29/04/2025

អ្នកសេដ្ឋកិច្ចក្រៅប្រព័ន្ធក្នុងខេត្តកំពង់ស្ពឺ ត្រូវបានលើកទឹកចិត្តឱ្យចុះឈ្មោះតាមថ្នាលឌីជីថល

ព្រឹត្តិការណ៍, អាជីវកម្មថ្មី និងនវានុវត្ត

• 29/04/2025

អ្នកសេដ្ឋកិច្ចក្រៅប្រព័ន្ធក្នុងខេត្តកំពង់ស្ពឺ ត្រូវបានលើកទឹកចិត្តឱ្យចុះឈ្មោះតាមថ្នាលឌីជីថល ដើម្បីរីកធំធាត់ និងចូលរួមក្នុងកំណើនវិស័យឧស្សាហកម្មរបស់ខេត្ត