សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កិច្ចប្រជុំស្តីពីបម្រែបម្រួលអាកាសធាតុដ៏ធំបំផុតរបស់ពិភពលោក COP26 ទើបតែបានបញ្ចប់ទៅកាលពីពេលថ្មីៗនេះនាទីក្រុង Glasgow ប្រទេសស្កុតឡេន បានក្លាយទៅជាប្រធានបទដ៏គួរឲ្យចាប់អារម្មណ៍បំផុតនាពេលបច្ចុប្បន្ន ជាមួយនឹងការព្យាយាមចូលរួមស្វែងរកដំណោះស្រាយពីសំណាក់ថ្នាក់ដឹកនាំប្រទេសនានាដែលជាសមាជិក។
ជាលទ្ធផលនៃកិច្ចប្រជុំបានបញ្ចប់ទៅដោយមានការប្តេជ្ញាចិត្តយ៉ាងខ្លាំងក្លាចំពោះកិច្ចការងាររួមគ្នាមួយនេះ ហើយក្នុងនោះកញ្ចប់ថវិកាជំនួយដល់ទៅជាង ១០០ពាន់លានដុល្លារត្រូវបានសន្យាផ្តល់ដោយប្រទេសមហាអំណាចក្នុងការយកទៅប្រើប្រាស់ជួយដល់កិច្ចការងារប្រយុទ្ធប្រឆាំងនឹងអាកាសធាតុរបស់ប្រទេសរងគ្រោះធ្ងន់ធ្ងរ ព្រមទាំងទៅលើបច្ចេកវិទ្យា និងការអភិវឌ្ឍគំនិតថ្មីៗ ដើម្បីអាចជួយទប់ស្កាត់ទៅលើបញ្ហាដ៏រសើបមួយនេះផងដែរ។
ជាមួយគ្នានេះ COP26 ក៏បានរំពឹងទុកដែរថា ការផ្សព្វផ្សាយទាំងឡាយនឹងអាចជួយជំរុញឲ្យមនុស្សគ្រប់គ្នាចូលរួមចំណែកនៅក្នុងសកម្មភាពទប់ស្កាត់នេះ ដែលមានន័យថា ការដោះស្រាយវិបត្តិបម្រែបម្រួលអាកាសធាតុគួរតែត្រូវផ្តើមចេញពីមនុស្សម្នាក់ៗជាមុន។
ដោយឡែក សម្រាប់អ្នកដែលមានបំណងចង់រកស៊ីធ្វើអាជីវកម្មថ្មី ឬហៅថា Business Startup នៅពេលនេះ គឺជាឱកាសដ៏ល្អបំផុតប្រសិនបើអ្នកចង់ចូលរួមជួយដល់បញ្ហានេះផង និងចង់បង្កើនប្រាក់ចំណូលផង ពីព្រោះថាជារៀងរាល់ឆ្នាំមនុស្សកាន់តែច្រើននឹងបន្តយល់ដឹងអំពីបញ្ហាបម្រែបម្រួលអាកាសកាន់តែច្រើនឡើង ដូចនេះអាជីវកម្មថ្មីរបស់អ្នកគួរតែត្រៀមទុកឲ្យបានជាមុនសមទៅនឹងទំនោរនាពេលអនាគត ។
ខាងក្រោមនេះគឺជាគំនិតអាជីវកម្មថ្មីៗចំនួន៥ ដែលមិនត្រឹមតែអាចជួយដល់កិច្ចការងារប្រយុទ្ធប្រឆាំងទៅនឹងបម្រែបម្រួលអាកាសធាតុនោះទេ ប៉ុន្តែវាថែមទាំងជួយធ្វើឲ្យអាជីវកម្មកាន់តែមានទីផ្សារបំផុតនៅត្រឹមក្នុងរយៈពេល ៥ ឬ ១០ឆ្នាំខាងមុខ ទោះបីជាបច្ចុប្បន្នមើលទៅវាហាក់ដូចជាមិនសូវទាក់អារម្មណ៍ខ្លាំងក្តី ៖
១.កសិដ្ឋានដំណាំសរីរាង្គ(Organic Farming)
២.សម្លៀកបំពាក់មិនប៉ះពាលបរិស្ថាន(Eco-Friendly Clothing)
៣.ស្ថានីយសាកថ្មរថយន្ត(Car Charging Stations)
៤.បន្ទះសូឡា(Sola Panel)
៥ .សាច់សិប្បនិម្មិត(Meat Alternatives)
អាជីវកម្មទាំង៥ខាងលើនេះ បច្ចុប្បន្នវាមិនទាន់សូវទទួលបានប្រាក់ចំណេញខ្លាំងនោះទេ ប៉ុន្តែប្រសិនបើអ្នកជាមនុស្សដែលគិតគូរចំពោះបញ្ហាបរិស្ថានយ៉ាងហោចណាស់វាក៏អាចជួយឲ្យអ្នកទទួលទានអាហារដែលគ្មានជាតិគិមី ស្លៀកសម្លៀកបំពាកមិនខ្ជះខ្ជាយដល់ធម្មជាតិអាចប្រើប្រាស់រថយន្តអគ្គិសនីដែលឧបករណ៍ចាំបាច់ប្រចាំថ្ងៃ ដើម្បីប្រកបរបរអាជីវកម្ម និងរកស៊ីដោយមិនចាំបាច់ចំណាយច្រើនទៅលើសេវាកម្មសាកថ្ម អាចបង្កើតជាថាមពលអគ្គិសនីប្រើប្រាស់គ្រប់គ្រាន់ឲ្យក្រុមគ្រួសាររបស់អ្នក ឬអាចប្រើប្រាស់សាច់ដែលមិនបានមកពីសកម្មភាពបញ្ចេញឧស្ម័នកាបូនិកផងដែរហើយលើសពីនេះអ្នកក៏អាចចែករំលែកវាទៅកាន់សហគមន៍ជុំវិញខ្លួនរបស់អ្នកផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content