សេដ្ឋកិច្ច​ឌីជីថល​របស់​ប្រទេស​កម្ពុជា​បង្ហាញ​ពី​កំណើន​យ៉ាង​ឆាប់​រហ័ស​ជាមួយ​នឹង​ទីផ្សារ​ពាណិជ្ជកម្ម​ដែល​មាន​តម្លៃ ១,៦ ពាន់​លាន​ដុល្លារ

ភ្នំពេញ ៖ សហគ្រិនខ្មែរ និង Seedstars បានបើកដំណើរការកម្មវិធី “កម្មវិធីពន្លឿនធុរកិច្ចខ្មែរ” និងបើកទទួលការដាក់ពាក្យសម្រាប់ធុរកិច្ចថ្មីដែលមានសក្តានុពលខ្ពស់ចំនួន ១៥ ដែលកំពុងស្វែងរកឱកាសជំនះឧបសគ្គ ពង្រីកធុរកិច្ច នៅក្នុងប្រព័ន្ធអេកូឡូស៊ីសហគ្រិនភាពដែលរីកលូតលាស់លឿនបំផុតមួយនៅអាស៊ីអាគ្នេយ៍។ គំនិតផ្តួចផ្តើមនេះកើតឡើងនៅពេលដែលទិដ្ឋភាពធុរកិច្ចថ្មីរបស់ប្រទេសកម្ពុជាមានការរីកចម្រើនគួរឱ្យកត់សម្គាល់ក្នុងរយៈពេលថ្មីៗនេះ។ ដោយផ្អែកលើសន្ទុះនេះ សហគ្រិនខ្មែរ និង Seedstars បានរួមគ្នាបើកដំណើរការកម្មវិធីមួយនេះសម្រាប់ធុរកិច្ចថ្មីដែលកំពុងស្វែងរកឱកាសពង្រីកបន្ថែម។

ឯកឧត្តមបណ្ឌិត ឈៀង វណ្ឌមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្តិនៃសហគ្រិនខ្មែរ បានមានប្រសាសន៍ថា ៖

“ប្រព័ន្ធអេកូឡូស៊ីនៅប្រទេសកម្ពុជារបស់យើងកំពុងមានការអភិវឌ្ឍ ហើយភាពជាដៃគូនេះជាការគាំទ្រចំពេលវេលាដើម្បីឱ្យធុរកិច្ចថ្មីឈានដល់សក្តានុពលពេញលេញរបស់ពួកគេ។ កម្មវិធីនេះផ្តល់ការគាំទ្រចំគោលដៅដល់ធុរកិច្ចថ្មីក្នុងដំណាក់កាលរីកចម្រើន ដើម្បីជួយពង្រីកអាជីវកម្មរបស់ពួកគេ”។

ការវាយតម្លៃប្រព័ន្ធអេកូឡូស៊ីនាពេលថ្មីៗនេះបង្ហាញថា ខណៈពេលដែលធរុកិច្ចថ្មីអាចរកបាននូវការផ្តល់មូលនិធិនៅដំណាក់កាលដំបូង ពួកគេក៏ប្រឈមមុខនឹងការពង្រីកធុរកិច្ចបន្ថែមទៀតនៅក្នុងទីផ្សារដំបូង។ កម្មវិធីនេះដោះស្រាយនូវចំណុចលំបាកទាំងនេះ ជាមួយនឹងកម្មវិធីគាំទ្រដ៏ទូលំទូលាយ។

លោក Tom Sebastian នាយកប្រចាំតំបន់អាស៊ីរបស់ Seedstars មានប្រសាសន៍ថា ៖

“អ្វីដែលធ្វើឱ្យទិដ្ឋភាពនៃធុរកិច្ចថ្មីរបស់កម្ពុជាពិតជាគួរឱ្យរំភើបនោះគឺរបៀបដែលធុរកិច្ចថ្មីដោះស្រាយបញ្ហាប្រឈមក្នុងជីវិតពិតជាមួយនឹងគំនិតច្នៃប្រឌិតថ្មីៗ។ យើងឃើញស្ថាបនិកនៅទីនេះបង្កើតដំណោះស្រាយដែលអាចយកទៅប្រើប្រាស់បានយ៉ាងងាយស្រួលនៅទូទាំងអាស៊ីអាគ្នេយ៍ ប៉ុន្តែពួកគេច្រើនតែខ្វះគម្រោងជាក់លាក់ដែលត្រូវការដើម្បីឈានទៅមុខ។ កម្មវិធី​នេះ​​បង្កើត​ឡើង​ដើម្បី​បំពេញគម្លាត​នោះ”។

ធុរកិច្ចថ្មីដែលត្រូវបានជ្រើសរើសនឹងទទួលបាន៖

• ការវិភាគភាពរីកចម្រើនផ្ទាល់ខ្លួន ដើម្បីកំណត់ឧបសគ្គជាក់លាក់ក្នុងការពង្រីកអាជីវកម្ម
• កម្មវិធីបណ្តុះបណ្តាល Bootcamp ដែលផ្តោតលើយុទ្ធសាស្រ្តអនុវត្តជាក់ស្តែង
• ការជួយណែនាំផ្ទាល់ខ្លួនពីសំណាក់សហគ្រិនដែលមានបទពិសោធន៍
• ការតភ្ជាប់ទៅកាន់បណ្តាញអ្នកវិនិយោគក្នុងតំបន់ និងអន្តរជាតិរបស់ Seedstars
• ការបង្ហាញខ្លួនតាមរយៈថ្ងៃធ្វើបទបង្ហាញជាសាធារណៈ

កម្មវិធីនេះផ្តោតលើធុរកិច្ចថ្មីដែលកំពុងរកប្រាក់ចំណូលជាមួយនឹងគំរូអាជីវកម្មដែលមានទីផ្សាររួចជាស្រេច ជាពិសេសនៅក្នុងផ្នែកបច្ចេកវិទ្យាហិរញ្ញវត្ថុ, ពាណិជ្ជកម្មអេឡិចត្រូនិក និងសូហ្វវែរជាសេវាកម្ម (SaaS) ដែលបានបង្ហាញពីការទាក់ទាញទីផ្សារ ប៉ុន្តែប្រឈមនឹងឧបសគ្គចំពោះការពង្រីកក្នុងតំបន់។

កម្មវិធីនេះផ្អែកលើហេដ្ឋារចនាសម្ព័ន្ធឌីជីថលដែលកំពុងរីកចម្រើនរបស់កម្ពុជា នវានុវត្តន៍ក្នុងវិស័យហិរញ្ញវត្ថុឌីជីថល (fintech), ពាណិជ្ជកម្មអេឡិចត្រូនិក (e-commerce) និងកម្មវិធីជាសេវាកម្ម (SaaS) បង្កើតសកម្មភាពសេដ្ឋកិច្ចយ៉ាងខ្លាំង។ យោងតាមធនាគារពិភពលោក សេដ្ឋកិច្ចកម្ពុជាមានអត្រាកំណើន ៥.៣% ក្នុងឆ្នាំ២០២៤ ខណៈដែលវិស័យឌីជីថលកាន់តែមានតួនាទីសំខាន់ជាងមុន។

ការដាក់ពាក្យត្រូវបានបើករហូតដល់ថ្ងៃទី២៩ ខែមិថុនា ឆ្នាំ២០២៥។ ធុរកិច្ចថ្មីដែលមានចំណាប់អារម្មណ៍អាចដាក់ពាក្យតាមរយៈ Link ។

អំពីសហគ្រិនខ្មែរ

សហគ្រិនខ្មែរ (KE) ត្រូវបានបង្កើតឡើងដោយរាជរដ្ឋាភិបាលកម្ពុជា ដើម្បីអនុវត្តកម្មវិធីគាំទ្រនានា និងធ្វើការដោយផ្ទាល់ជាមួយដៃគូ និងអ្នកទទួលផល។ សហគ្រិនខ្មែរមានគោលបំណងកៀរគរការវិនិយោគ និងគ្រប់គ្រងធនធានពីប្រភពស្របច្បាប់ទាំងឡាយ ដើម្បីគាំទ្រដល់ការអភិវឌ្ឍប្រព័ន្ធអេកូឡូស៊ីសហគ្រិនភាពឱ្យមានភាពរស់រវើក និងផ្តល់ការគាំទ្រផ្នែកហិរញ្ញវត្ថុ និងមិនមែនហិរញ្ញវត្ថុដល់អ្នកកសាងពាក់ព័ន្ធក្នុងប្រព័ន្ធអេកូឡូស៊ីសហគ្រិនភាព។ អ្នកទាំងនោះរួមមាន សហគ្រិន ធុរកិច្ចបង្កើតថ្មីដែលមានលក្ខណៈនវានុវត្តន៏ សហគ្រាសធុនតូច និងមធ្យមដែលពោរពេញដោយសក្តានុពល និងស្ថាប័នដៃគូនានា ដែលចូលរួមលើកកម្ពស់សកម្មភាពសហគ្រិនភាពផ្សេងៗ ដើម្បីសំដៅជំរុញនវានុវត្តន៏ និងការបង្កើតតម្លៃបន្ថែមនៅក្នុងសេដ្ឋកិច្ចកម្ពុជា។ សម្រាប់ព័ត៌មានបន្ថែម សូមចូលទៅកាន់គេហទំព័រ

អំពី Seedstars

Seedstars គឺជាអង្គការសកលដែលមានមូលដ្ឋាននៅប្រទេសស្វីស ដែលជះឥទ្ធិពលដល់ជីវិតរបស់មនុស្សនៅក្នុងទីផ្សារដែលកំពុងរីកចម្រើនតាមរយៈបច្ចេកវិទ្យា និងសហគ្រិនភាព។ សកម្មភាពរបស់ក្រុមនេះគ្របដណ្តប់លើប្រព័ន្ធអេកូឡូស៊ីដែលកំពុងរីកចម្រើនជាង ៩០ តាមរយៈគំនិតផ្តួចផ្តើមផ្សេងៗដូចជាកម្មវិធីពន្លឿនការវិនិយោគទុន បណ្តាក់ទុន និងសកម្មភាពធ្វើឱ្យក្រុមហ៊ុនចម្រើនឡើង។ សម្រាប់ព័ត៌មានបន្ថែម សូមចូលទៅកាន់គេហទំព័រ

seedstars.com.

ទំនាក់ទំនង

កញ្ញា ក្រិច ស្រីនាង, អ្នកឯកទេសសហគ្រិនភាព និងនវានុវត្តន៍ នៃសហគ្រិនខ្មែរ, sreyneang.krech.khmerenterprise.info
Michaela Villaroman, អ្នកទំនាក់ទំនងប្រព័ន្ធផ្សព្វផ្សាយ, [email protected]

លោក Tom Sebastian, អ្នជំនាញង្កើតកម្មវិធី និងទំនាក់ទំនង, [email protected]