សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការធ្វើពាណិជ្ជកម្មរបស់កម្ពុជាទៅកាន់ទីផ្សារអន្តរជាតិរយៈពេល៤ខែ ដើមឆ្នាំ២០២២កន្លងទៅនេះ មានទំហំទឹកប្រាក់សរុប ១៧.៦ពាន់លានដុល្លារអាមេរិក កើនឡើងជាង ២.៣ពាន់លានដុល្លារ ធៀបនឹងរយៈពេលដូចគ្នា កាលពីឆ្នាំ២០២១កន្លងទៅ ដោយក្នុងនោះការនាំចេញមានទឹកប្រាក់ ៧.៦ពាន់លានដុល្លារ កើនឡើង៣២.១% និងការនាំចូលមានទឹកប្រាក់ ១០ពាន់លានដុល្លារ កើនឡើង៥.៤%។
យោងតាមអគ្គនាយកដ្ឋានគយ និងរដ្ឋាករ បានបង្ហាញទិន្នន័យពីការនាំចេញ និងនាំចូលទំនិញរបស់កម្ពុជាចាប់ពីខែមករាដល់ខែមេសាឆ្នាំ២០២២ ក្នុងទំហំទឹកប្រាក់សរុប ១៧ ៦៤៩លានដុល្លារ កើនឡើងជាង២.៣ពាន់លានដុល្លារ បើធៀបនឹងរយៈពេលដូចគ្នា កាលពីឆ្នាំ២០២១ ដែលមានចំនួន ១៥ ២៨៤លានដុល្លារ។ ក្នុងនោះ ការបាននាំចេញទំនិញទៅកាន់ទីផ្សារអន្តរជាតិ របស់កម្ពុជារយៈពេល៤ខែនេះ មានតម្លៃ ៧ ៦០៦លានដុល្លារ កើនឡើង៣២.១% បើធៀបនឹងរយៈពេលដូចគ្នា កាលពីឆ្នាំ២០២១ ដែលមានត្រឹម ៥.៧ពាន់លានដុល្លារ និងនាំចូលមកវិញមានតម្លៃ ១០ ០៤៣ លានដុល្លារកើនឡើង ៥.៤%។
ទិន្នន័យក៏បានបញ្ជាក់ថាទំនិញសំខាន់ដែលកម្ពុជា បាននាំចេញរួមមាន សម្លៀកបំពាក់ក្នងតម្លៃជាង ២.៨ពាន់លានដុល្លារ កើនឡើងជាង ៦០០លានដុល្លារអាមេរិក ស្បែកជើងចំនួន ៥៧០លានដុល្លារ កើនឡើង ៣៧.៩% វត្ថុធ្វើពីស្បែក និងរោមសត្វតម្លៃ ៦៧២លានដុល្លារ កើនឡើង ៥៤.៤% ម៉ាស៊ីន និងឧបករណ៍អគ្គិសនី ៥០៤លានដុល្លារ កើនឡើង៥៧.១% ផ្លែឈើ ៣៤៩លានដុល្លារ កើនឡើង ២០.៥%, ធញ្ញជាតិ ៤៩៥លានដុល្លារថយចុះ៦.២% ខណៈដែលកម្ពុជាបាននាំចេញទំនិញទៅអាមេរិកក្នុងតម្លៃ ២.៩ពាន់លានដុល្លារ កើនឡើង៥៣.៦%, វៀតណាម៩៧៧លានដុល្លារ កើនឡើង ៥%, ចិន ៤២៣ លានដុល្លារ ថយចុះ០.១%។
យានក្រៅពីអយស្ម័យយាន ៣៣៥ លានដុល្លារ កើនឡើង ៥៩.៩% គ្រឿងសង្ហារឹម ២៣០ កើនឡើង៥៧.៧% វត្ថុធាតុប្លាស្ទីក ១៥៨លានដុល្លារ កើនឡើង២៨.៥% កៅស៊ូ និងផលិតផលធ្វើពីកៅស៊ូ ១៤៩លានដុល្លារ កើនឡើង១៦.៥% ឈើ និងធ្យូងឈើ ១១៥លានដុល្លារ កើនឡើង១៤.៥%, បន្លែ ២៤៥លានដុល្លារ កើនឡើង៣៣.៥% គុជខ្យង និងត្បូងមានតម្លៃ១១៤លានដុល្លារ កើនឡើង ១៧៤២% រួមនឹងផលិតផលមួយចំនួនទៀត ។
បណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានថ្លែងប្រាប់ AMS ថា ៖
“យើងមោទនភាពចំពោះការកើនឡើង តែអ្វីជាការកត់សម្គាល់គឺការនាំចេញរបស់កម្ពុជាមានទឹកប្រាក់ ៧.៦ពាន់លានដុល្លារ និងការនាំចូលមានទឹកប្រាក់ ១០ពាន់លានដុល្លារ កើនឡើងតិចតួច ។ បើយើងធ្វើតុល្យការទំហំទឹកប្រាក់នេះ កម្រិតនៃការនាំចេញរបស់កម្ពុជានៅតែមិនទាន់មានតុល្យភាព ជាមួយកម្រិតនៃការនាំចូលនៅឡើយទេ ព្រោះថាកំណើនសេដ្ឋកិច្ចជាក់ស្តែងរបស់កម្ពុជា ឬរបស់ប្រទេសមួយ គឺផ្អែកទៅលើការនាំចេញមានទំហំកើនឡើង ជាងការនាំចូល ដោយមានបរិមាណជាតុល្យភាពកំណើនព្រមៗគ្នា រវាងការនាំចេញនាំចូល ឬត្រូវមានតុល្យភាពជញ្ជីងពាណិជ្ជកម្មរវាងគ្នានឹងគ្នា”
លោកបណ្ឌិតបានបន្តថា ពាក់ព័ន្ធទៅនឹងការនាំចេញ និងនាំចូលនេះអតុល្យភាពជញ្ជីងពាណិជ្ជកម្មមានច្រើន ដែលធ្វើយ៉ាងណាកម្ពុជាត្រូវតែបង្កើន និងរៀបចំខ្លួន បង្កើនការនាំចេញបន្ថែមទៀត ដើម្បីធ្វើយ៉ាងណាឱ្យមានតុល្យភាពជញ្ជីងពាណិជ្ជកម្ម នៅលើទីផ្សារអន្តរជាតិ ជាពិសេសការនាំចេញ ឱ្យមានកំណើនខ្ពស់ជាងនេះដោយសារការនាំចូល នៅតែមានអត្រាខ្ពស់ជាងការនាំចេញរបស់កម្ពុជា ជាហេតុនាំឱ្យបាត់បង់ទឹកប្រាក់ រូបបិយប័ណ្ណបរទេសដែលកំពុងតែចរាចរនៅកម្ពុជា។ រីឯការនាំចេញមានកម្រិតទាប ធ្វើឱ្យការនាំចូលរូបបិយប័ណ្ណបរទេសមានកម្រិតតិច បើធ្វើការប្រៀបធៀបកម្រិតការនាំចូលពីបរទេស៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ប៊ុលហ្គារី និងក្រិក ប្តេជ្ញាកសាងកិច្ចសហប្រតិបត្តិការដើម្បីធានាសន្តិសុខតំបន់ប៉ែកខាងកើតណាតូ
ព្រឹត្តិការណ៍, អាជីវកម្មថ្មី និងនវានុវត្ត
• 13/03/2026
ជំនួបរវាងមេដឹកនាំប្រទេសប៊ុលហ្ការី និងប្រទេសក្រិក កាលពីពេលថ្មីៗនេះបានបង្ហាញពីលទ្ធផលដ៏ល្អប្រសើរនៃទំនាក់ទំនងទ្វេភាគី ជាពិសេសអាចធានាបាននូវសន្តិសុខ និងស្ថិរភាពនៅក្នុងតំបន់ភាគកើតនៃតំបន់ណាតូថែមទៀតផង
រដ្ឋមន្ត្រីឧស្សាហកម្ម ៖ កម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្មដោយសារបញ្ហាថាមពលនោះទេ
ព្រឹត្តិការណ៍, អាជីវកម្មថ្មី និងនវានុវត្ត
• 13/03/2026
រដ្ឋមន្ត្រីឧស្សាហកម្ម ៖ ទោះបីការផ្គត់ផ្គង់ប្រេងលើទីផ្សារសកលកំពុងរាំងស្ទះ ប៉ុន្តែកម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្ម ដោយសារបញ្ហាថាមពលនោះទេ
ធនាគារ ABA បន្ថែមសាខាថ្មីនៅតំបន់សេដ្ឋកិច្ចពិសេសក្រុងព្រះសីហនុ
ព្រឹត្តិការណ៍, អត្ថបទពាណិជ្ជកម្ម
• 13/03/2026
ធនាគារ ABA បានបើកសាខាថ្មីជាផ្លូវការនៅក្នុងតំបន់សេដ្ឋកិច្ចពិសេសក្រុងព្រះសីហនុ (SSEZ) ដោយពង្រឹងការប្តេជ្ញាចិត្តរបស់ខ្លួនក្នុងការផ្តល់សេវាធនាគារទំនើប សុវត្ថិភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content