ងាយៗ ស្វែងយល់ពីបច្ចេកទេសសំខាន់ៗដើម្បីបង្កើនទិន្នផលសាលាដ

សាលាដ ជាប្រភេទដំណាំសាកវប្បកម្មមួយដែលដាំដុះជាលក្ខណៈពាណិជ្ជកម្ម មានផ្ទុកអាហាររូបត្ថម្ភច្រើន ហើយមានទីផ្សារខ្ពស់។ ហេតុនេះ អ្នកជំនាញបានចងក្រងបច្ចេកទេសដាំសាលាដ ដើម្បីជួយសម្រួលដល់ប្រជាកសិករក្នុងការដាំដុះ កាត់បន្ថយហានិភ័យ និងបង្កើនទិន្នផល។

នៅប្រទេសកម្ពុជាយើងមានពូជសាលាដល្អច្រើនប្រភេទដែលអាចដាំដុះ និងបន្សាំទៅនឹងលក្ខខណ្ឌអាកាសធាតុនៅមូលដ្ឋាន ហើយពូជដែលគេនិយមដាំគឺសាលាដស្លឹកលាត ឬក្រញាញ់ ដែលអាចដាំបានពេញមួយឆ្នាំ និងឆាប់បានប្រមូលផលក្នុងរយៈពេលពី ២៥-៣០ថ្ងៃ។

សម្រាប់ការរៀបចំដីមុនពេលដាំក្នុងចន្លោះពេលពី ៣០-៤៥ថ្ងៃ ដោយត្រូវភ្ជួរដីឱ្យបាន ២-៣ដង ជម្រៅពី ២៥-៣០សង់ទីម៉ែត្រ ដើម្បីឱ្យដីធូរល្អ បន្ទាប់មកត្រូវលើករងឱ្យបានកម្ពស់ពី ២០-៣០សង់ទីម៉ែត្រ ទទឹងរង ១ម៉ែត្រ ហើយចម្ងាយពីចំណុចកណ្ដាលពីរងមួយទៅរងមួយទៀតប្រមាណ ១.៥ម៉ែត្រ។ ក្រោយពេលរៀបចំរងរួច ត្រូវតម្លើងប្រព័ន្ធស្រោចស្រពតំណក់ទឹក បន្ទាប់មកត្រូវផ្សើមរងឱ្យជោគដើម្បីឱ្យស្មៅដុះ ទើបងាយស្រួលក្នុងការកម្ចាត់មុនពេលដាំកូនសាលាដ។

ចំពោះការដាំ កសិករគួរដាំដោយប្រើកូនបណ្ដុះ ទើបទទួលបានអត្រាដំណុះ និងទិន្នផលខ្ពស់ជាការដាំដោយគ្រាប់។ គ្រាប់ពូជសាលាដដែលល្អត្រូវប្រើគ្រាប់ពូជដែលមានអាយុកាលប្រហែលមួយឆ្នាំ ហើយត្រូវសាបគ្រាប់ពូជ ១០ភាគរយបន្ថែមពីលើចំនួនដែលត្រូវការដើម្បីទុកជួសកូនណាដែលខូចខាត។

ការបណ្ដុះកូននេះទៀតសោត កសិករគួរដាក់គ្រាប់ដាំក្នុងជម្រៅ ០.២សង់ទីម៉ែត្រ នៅចំកណ្ដាលរន្ធថាសបណ្ដុះកូន ហើយត្រូវប្រើថាសបណ្ដុះកូនដែលមានរន្ធថាសទំហំ ២.៥ x ២.៥ x ៣.៨ សង់ទីម៉ែត្រ។ បន្ទាប់ពីសាបគ្រាប់រួច ត្រូវរោយល្បាយដីបណ្ដុះដែលម៉ត់ល្អ ដូចជាផេះអង្កាម និងដីខ្សាច់ដើម្បីគ្របលើគ្រាប់ពូជ រួចស្រោចទឹកឱ្យស្មើសព្វល្អ។ រក្សាទុកថាសបណ្ដុះកូននៅក្នុងឧបករណ៍បណ្ដុះរយៈពេល ២ថ្ងៃ បន្ទាប់មកយកថាសបណ្ដុះទៅដាក់នៅលើធ្នើបណ្ដុះកូន។

ពាក់ព័ន្ធនឹងកូនសាលាដដែលអាចយកទៅដាំបាន គឺបន្ទាប់ពីមានអាយុ ១៨-២១ថ្ងៃ ឬមានស្លឹក ៤-៦សន្លឹក ហើយពេលដាំត្រូវផ្សើមរងឱ្យបានជោគល្អ ដៅរណ្ដៅដាំចន្លោះប្រមាណ ១៥x១៥សង់ទីម៉ែត្រ​ ទៅ ២៥x២៥សង់ទីម៉ែត្រ អាស្រ័យទៅតាមពូជសាលាដ។ ប្រើសូលុយស្យុងជីទ្រាប់បាតទៅតាមរណ្ដៅដាំនីមួយៗ ហើយជ្រើសរើសកូនដំណាំទំហំប៉ុនៗគ្នាទៅដាំចៀសវាងការដុះប្រជែងគ្នា។ បន្ទាប់ពីដាំរួចត្រូវស្រោចទឹកដំណាំឱ្យបានយ៉ាងហោចណាស់ ១ម៉ោងដើម្បីឱ្យសំណើមស្មើល្អនៅតាមគុម្ពដំណាំ។

ទាក់ទងនឹងការថែទាំ អ្នកដាំត្រូវស្រោចទឹកឱ្យបានរាល់ថ្ងៃ ដោយរយៈពេលបីថ្ងៃដំបូងបន្ទាប់ពីដាំ ត្រូវស្រោចទឹកឱ្យបាន៣ដងក្នុងមួយថ្ងៃ ហើយត្រូវផ្អាកស្រោចទឹកមួយរយៈរហូតដល់កូនដំណាំអាចធន់ទ្រាំបាន។ បន្ទាប់ពីនោះ ត្រូវស្រោចទឹករាល់ថ្ងៃ ហើយពេលវេលាស្រោចអាចប្រែប្រួលទៅតាមរដូវកាល និងលក្ខខណ្ឌរបស់ដីផងដែរ។

ក្រៅពីនេះ ដើម្បីឱ្យសាលាដលូតលាស់បានល្អ កសិករត្រូវបន្ថែមជី ដោយធ្វើតាមរយៈប្រព័ន្ធស្រោចស្រពតំណក់ទឹក យ៉ាងហោចណាស់ឱ្យបានម្ដងក្នុងមួយសប្ដាហ៍។ ទន្ទឹមគ្នានេះដែរ សាលាដក៏អាចទទួលរងការបំផ្លាញដោយសត្វល្អិតមួយចំនួនដូចជា កូនខ្យងក្ដក់ ចៃ ដង្កូវដួង និងមមាចស្លឹក ហើយជម្ងឺក៏មាន ដូចជាប្រភេទជំងឺផ្សិតសំឡី និងផ្សិតប្រផេះជាដើម។

ចុងក្រោយគឺការប្រមូលផលដែលអ្នកដាំគួរប្រមូលនៅពេលសាលាដមានស្លឹកធំ រលោង និងមានជាតិល្អ ដោយមិនត្រូវទុកយូរពេកនោះទេ ដែលអាចធ្វើឱ្យស្លឹកកាន់តែស្វិត និងមានរសជាតិកាន់តែល្វីង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ