ចំណេះដឹងកសិកម្មខ្លីៗ ៖ គន្លឹះសំខាន់ៗក្នុងការធ្វើស្រែឱ្យចំណេញ

ស្រូវ ជាដំណាំមួយដែលប្រជាជនខ្មែរនិយមដាំដុះ ពិសេសនៅតាមស្រុកស្រែដែលជាប្រភពផ្ដល់អង្ករជាស្បៀងអាហារយ៉ាងសំខាន់។ យ៉ាងណាមិញ ការដាំស្រូវ ឬធ្វើស្រែ ក៏ត្រូវការបច្ចេកទេសសំខាន់ៗមួយចំនួនក្នុងការដាំដុះ និងថែទាំ​ ទើបទទួលបានផលល្អ និងមិនខាតបង់ទាំងធនធាន និងពេលវេលា។

ជាក់ស្ដែង លោក គង់ វ៉ុង ជាកសិករដាំស្រូវលើផ្ទៃដី ៦ហិកតា នៅឃុំពពេល ស្រុកត្រាំកក់ ខេត្តតាកែវ បានចែករំលែកពីគន្លឹះសំខាន់ៗមួយចំនួនដល់បងប្អូនប្រជាកសិករ ថាតើគួរធ្វើបែបណាទើបដាំស្រូវមិនខាត។

កសិកររូបនេះបានបញ្ជាក់ថា៖

«មុខរបរណាក៏មានហានិភ័យដែរ តែសម្រាប់ខ្ញុំការធ្វើស្រែគឺវាមិនធំដុំដល់អ្នកខាតទេ គ្រាន់តែចំណេញតិច ឬច្រើន ដោយសារខ្ញុំមានវិធីកាត់បន្ថយចំណាយ ហើយអាចចំណេញបានដល់ទៅជិត ៥០ភាគរយ ដោយច្រូតម្ដងអាចចំណេញប្រមាណ ១៥លានរៀលអីដែរ»។

លោកបន្តថា ៖

«ដីស្រែរបស់យើងមានប្រមាណ ៦ហិកតា ដោយមួយហិកតាអាចច្រូតបានចន្លោះ ៥-៦តោន ហើយមួយឆ្នាំយើងអាចធ្វើបាន ៣ដង។ បច្ចុប្បន្នយើងមានសំណាងមួយដែរ ដោយសារយើងមានគ្រឿងចក្រក្នុងការធ្វើកសិកម្មត្បិតកម្លាំងពលកម្មថ្លៃ ហើយអ្វីដែលសំខាន់គឺកត្តាមនុស្ស មានន័យថា កសិករត្រូវមានការស្រឡាញ់ ការព្យាយាម ក្នុងការមើលថែទាំ និងសិក្សាស្រាវជ្រាវរកបច្ចេកទេស»។

កត្តាមនុស្សនេះទៀតសោត លោក គង់ វ៉ុង បានបន្ថែមថា សកិករត្រូវមានឆន្ទៈ ដូចដែលលោកផ្ទាល់ គឺស្រឡាញ់ មើលថែទាំព្រឹកល្ងាច ពេលមានបញ្ហាណាមួយកើតឡើងគឺអាចដោះស្រាយបានភ្លាមៗ។ ក្រៅពីនេះក៏មានបច្ចេកទេសផ្សេងទៀតដូចជា ត្រូវមើលពេលវេលាធ្វើស្រូវឱ្យទាន់គេទាន់ឯង មិនគួរធ្វើមុន ឬក្រោយគេពេកទេ ដោយសារវាអាចនាំមកនូវផលលំបាកទាំងការរកកម្លាំង និងទីផ្សារ។

លោកបញ្ជាក់ថា ៖

«ការថែទាំស្រូវ យើងកុំដាក់ទឹកច្រើនពេក ព្រោះស្រូវអាចមិនបែកគុម្ពល្អ តួយ៉ាងកំឡុងពេល ១៧-២០ថ្ងៃបន្ទាប់ពីព្រួសយើងគួរផ្ដាច់ទឹកឱ្យគោកម្ដងសិន ទើបបញ្ចូលទឹក និងដាក់ជីវិញទើបស្រូវឆាប់តោងល្អ និងមិនចំណាយជីច្រើន ដែលកាត់បន្ថយទាំងចំណាយ និងមិនសូវមានជំងឺ»។

ពាក់ព័ន្ធនឹងការប្រើជី តាមបទពិសោធរបស់កសិករខាងលើ លោកប្រើជីតិចបំផុត ដោយមួយហិកតាបាចជីត្រឹម ១បាវ កន្លះ ឬបន្ថែមជីអាចម៍មាន់ ១០០ថង់ក្នុងមួយហិកតា ដែលវាមិនសូវមានផលប៉ះពាល់ដល់ស្រូវនិងគុណភាពដី។ តែករណីអ្នកប្រើជីច្រើនពេក ពិសេសជីអ៊ុយរេ ដែលធ្វើឱ្យដើមស្រូវល្អ តែមិនប្រាកដថាគ្រាប់ល្អនោះទេ ព្រោះវាអាចធ្វើគ្រាប់ស្រូវមិនភ្លឺល្អ។

បញ្ហាមួយទៀតសម្រាប់អ្នកធ្វើស្រែ ៣ដង បន្ទាប់ពីប្រមូលផលហើយ គេគួរត្រាំទុកចំបើងក្នុងស្រែ ១៥ថ្ងៃឱ្យវារលួយទៅជាដីសិនទើបចាប់ផ្ដើមព្រួសម្ដងទៀត ចៀសវាងព្រួសភ្លាមៗព្រោះចំបើងមិនទាន់រលួយនៅឡើយធ្វើឱ្យមិនសូវល្អ។ នេះជាអ្វីដែលកសិករខាងលើបានបញ្ជាក់ប្រាប់។

ជាចុងក្រោយកសិករគំរូ លោក គង់ វ៉ុង បានផ្ដល់ជាមតិថា សម្រាប់ការធ្វើស្រូវឱ្យបានចំណេញ កត្តាដែលសំខាន់គឺកត្តាមនុស្សថាតើមានឆន្ទៈក្នុងការមើលថែកម្រិតណា ការជ្រើសរើសពូជស្រូវឱ្យបានត្រឹមត្រូវ និងការចេះស្ទាបស្ទង់តម្រូវការទីផ្សារទើបអាចទទួលបានផលចំណេញ៕ ​


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ