មុខរបរធ្វើកាំបិតតពីគ្រួសារ នៅតែមានតម្រូវការលើទីផ្សារ និងទទួលបានចំណូលសមរម្យ

សម្ភារប្រើប្រាស់ប្រចាំថ្ងៃ ជាពិសេសសម្រាប់អ្នករស់នៅតាមទីជនបទ ឬធ្វើស្រែចម្ការ ដូចជា កាំបិត ពូថៅ កណ្ដៀវ ជាដើម សុទ្ធសឹងជាគ្រឿងចាំបាច់ប្រើប្រាស់នៅក្នុងជីវភាពរស់នៅប្រចាំថ្ងៃ ដែលជួយជំរុញឱ្យអាជីវកម្មផលិតកាំបិតបែបប្រពៃណី និងបន្តពីជំនាន់មុនរហូតមកដល់បច្ចុប្បន្ន នៅតែមានដំណើរការ ហើយថែមទាំងផ្គត់ផ្គង់នៅលើទីផ្សារក្រៅតំបន់ទៀតផង។

ជាក់ស្ដែង លោក មីត រ៉ាហ្គែល ជាម្ចាស់សិប្បកម្មផលិតកាំបិតក្រោមយីហោ អ៊ិត យូសុស ដែលមានត្រាសម្គាល់សញ្ញាស្លឹកដូង មានទីតាំងស្ថិតនៅភូមិព្រែកបិ ឃុំកោះធំ ស្រុកកោះធំ ខេត្តកណ្តាល នៅតែមានសកម្មភាពយ៉ាងមមាញឹកក្នុងការផលិតកាំបិត ពូថៅ ចប និងសម្ភារៈផ្សេងៗទៀតដែលមានភាពចាំបាច់សម្រាប់អ្នករស់នៅជនបទ និងអ្នកធ្វើចម្ការ។

ម្ចាស់សិប្បកម្មខាងលើនេះបានមានប្រសាសន៍ប្រាប់ AMS Economy ថា ៖

«សម្រាប់អាជីវកម្មមួយនេះមានតាំងពីជំនាន់ដូនតាខ្ញុំមក២ ទៅ ៣ ជំនាន់ហើយ ព្រោះតែចិត្តស្រលាញ់ ទើប អត់ចង់អោយបាត់បង់មុខរបរបន្តវេនមួយនេះ ណាមួយខ្ញុំគិតថា វាក៏ជាមុខរបរដែលអាចផលិតបាននូវផលិតផលក្នុងស្រុកយើងផង និងចង់ពង្រីកឱ្យកាន់តែធំ រីកចម្រើនថែមទៀត»

លោកបន្តថា៖

«ចំពោះជំនាញក្នុងការផលិត ខ្ញុំចេះពីជីតា និងលោកពុកខ្ញុំ ដែលបានបង្ហាត់បង្រៀនឱ្យយល់ពីបច្ចេកទេសក្នុងការធ្វើកាំបិតនេះតាំងពីខ្ញុំនៅក្មេងៗ ហើយសិប្បកម្មយើងអាចផលិតបានច្រើនមិនថា កាំបិត ពូថៅ កណ្ដៀវ ពោល គឺពាក់ព័ន្ធនឹងវិស័យកសិកម្ម ដែលយើងចែកចាយស្ទើរគ្រប់ខេត្តក្រុង ក្នុងតម្លៃគិតទៅតាមទំហំ និងចំនួនដែលភ្ញៀវបានទិញ និយាយរួម ជាទូទៅមានចាប់ពី ២ម៉ឺនរៀលឡើងទៅ»។

សម្រាប់វត្ថុធាតុដើមវិញ លោក រ៉ាហ្គែល បានរៀបរាប់ទៀតថា ៖

«យើងទិញដែកជន្ទៀសឡានដែលគេប្រើការលែងបាន ឬក៏ទិញពីអេតចាយ ដើម្បីយកមកកែច្នៃចេញជាកាំបិត ដែលជាការកែច្នៃដែកឡើងវិញផង និងអាចផ្ដល់ការងារដល់អ្នកក្នុងតំបន់បានចំនួន ៦នាក់ ដែលអាចជួយឱ្យពួកគាត់ទទួលបានជំនាញ និងចំណូលប្រចាំថ្ងៃយកទៅផ្គត់ផ្គង់គ្រួសារ ក៏ដូចជាជួយឱ្យប្រជាកសិករគាត់ទទួលបានផលិតផលល្អយកទៅប្រើប្រាស់ដែលចំណាយលុយតិច ហើយប្រើបានយូរ»។

ទាក់ទងនឹងបច្ចេកទេសនៃការផលិតវិញ ម្ចាស់សិប្បកម្មខាងលើប្រាប់ឱ្យដឹងថា មុនពេលទទួលបានផលិតផលសម្រេចគេត្រូវឆ្លងកាត់ច្រើនដំណាក់កាលណាស់ និងត្រូវមានភាពអំណត់ជាមួយនឹងកំដៅភ្លើងទើបអាចផលិតចេញជាផ្លែកាំបិតនីមួយៗបាន រាប់ទាំងការយកដុំដែកទៅដុត ហើយកាត់ និងវាយហូតចេញជារូបរាងកាំបិត ទើបធ្វើការឆាបយកមុខ និងលុត (ដុត) ដែលជាទូទៅក្នុងមួយថ្ងៃកម្មករ ៦នាក់អាចផលិតបានចន្លោះពី ២០-៤០ផ្លែ អាស្រ័យទៅតាមមុខទំនិញដែលត្រូវធ្វើជូនភ្ញៀវ។

លោកបញ្ជាក់ថា នៅក្នុងដំណើរការអាជីវកម្មនេះក៏ជួបផលពិបាកច្រើនដែរ ជាពិសេសក្នុងដំណាក់កាលផលិតតែម្ដង ប្រសិនបើមានការធ្វេសប្រហែស ឬធ្វើខុសបច្ចេកទេសគឺអាចមានគ្រោះថ្នាក់ផ្សេងៗកើតឡើង ម្យ៉ាងវិញទៀតត្រូវធ្វើការប្រឈមមុខនឹងកម្ដៅភ្លើងក្តៅខ្លាំង។ យ៉ាងណាមិញ លោក មីត រ៉ាហ្គែល ក៏នៅតែមានបំណងចង់ពង្រីកមុខរបរមួយនេះឱ្យកាន់តែរីកចម្រើនខ្លាំងជាងនេះបន្ថែមទៀត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...