ប្រជាសហគមន៍លែងព្រួយបារម្ភរឿងអស់ក្រវាញ ខណៈដែលពួកគេចាប់ផ្ដើមចេះដាំដុះដោយខ្លួនឯង

ក្រវាញ គឺជាឈ្មោះរុក្ខជាតិប្រចាំតំបន់ជួរភ្នំក្រវាញ ដែលវាដុះតាមធម្មជាតិដោយឯកឯង។ រុក្ខជាតិ ប្រភេទនេះច្រើនតែដុះនៅតំបន់ព្រៃទឹកភ្លៀង ដែលមានលក្ខណៈជីវសាស្ត្រត្រជាក់ ហើយសើម និងមានអត្ថប្រយោជន៍ច្រើនដូចជា អាចធ្វើជាម្ហូប អាចធ្វើជាឱសថព្យាបាលជំងឺផ្សេងៗតាមបែបបុរាណថែមទៀតផង។ បន្ថែមលើនេះ ដើមក្រវាញ ក៏មានតម្រូវការទីផ្សារខ្លាំងផងដែរ ដោយការភាគច្រើនគឺយកទៅចម្អិនធ្វើជាម្ហូបអាហារតាមបណ្តាភោជនីយដ្ឋាន។

ដោយសារតែបានផ្តល់អត្ថប្រយោជន៍ជាច្រើនដូចបានលើកឡើងខាងលើនេះ ប្រជាសហគមន៍ដែលរស់នៅតាមតំបន់មានដុះរុក្ខជាតិក្រវាញ តែងអាស្រ័យផលលើរុក្ខជាតិនេះ ដោយការដកយកទៅលក់ឱ្យឈ្មួញកណ្ដាល។ ហេតុនេះហើយ ពីមួយឆ្នាំទៅមួយឆ្នាំ ក្រវាញក៏ចេះតែសល់តិចទៅៗ ហើយប្រជាជនដែលអាស្រ័យផល ក៏ត្រូវចូលព្រៃកាន់តែជ្រៅជាងមុនដើម្បីអាចដកក្រវាញបាន។

ដោយឡែកនៅពេលបច្ចុប្បន្ននេះ ប្រសិនបើប្រជាសហគមន៍​នីមួយៗចេះពីវិធីដាំដុះក្រវាញ ដើម្បីផ្គត់ផ្គង់ទីផ្សារដោយខ្លួនឯង ដែលមិនចាំបាច់ព្រួយបារម្ភថានឹងអស់ក្រវាញដកតទៅទៀត។ ឆ្លើយតបនឹងបញ្ហានេះ ក្រសួងបរិស្ថានក៏បានជួយស្វះស្វែងរកដំណោះស្រាយ ស្វែងយល់ពីរបៀបដាំដុះរុក្ខជាតិប្រភេទនេះ ដើម្បីលើកស្ទួយជីវភាពប្រជាជនមូលដ្ឋានប្រកបដោយបរិយាប័ន្ន។

ជាដំណាក់កាលដំបូង ក្រសួងបានចាប់ផ្ដើមដោយគាំទ្រលើការដាំដុះនៅក្នុងសហគមន៍ចំនួនពីរ គឺសហគមន៍តំបន់ការពារធម្មជាតិភូមិទំព័រ និងសហគមន៍អូរជាំ។ មួយក្នុងចំណោមសហគមន៍ទាំងពីរ គឺសហគមន៍អូរជាំ ដែលស្ថិតក្នុងខេត្តបាត់ដំបង គឺជាសហគមន៍ដែលមានប្រជាជនរស់នៅប្រមាណជា ៣០០គ្រួសារ។ ភាគច្រើននៃប្រជាជននៅក្នុងសហគមន៍មានមុខរបរជាកសិករ និងអាស្រ័យផល​អនុផលធនធានធម្មជាតិ។

ប្រធានសហគមន៍អូរជាំ​ លោក គីម សុង បានឱ្យដឹងថា សហគមន៍របស់លោកទទួលបានការជ្រោមជ្រែងពីក្រសួងបរិស្ថានក្នុងការដាំដុះក្រវាញលើដីសហគមន៍ចំនួន ៥ហិកតា ដែលការដាំដុះនេះ គឺស្ថិតក្នុងដំណាក់កាលសាកល្បងសិន។

លោក គីម សុង បានមានប្រសាសន៍បញ្ជាក់ថា ៖

“យើងបានចែកកូនក្រវាញចំនួន ៤០ភាគរយទៅឱ្យប្រជាជនចំនួន២០គ្រួសារដាំដែរ ហើយក្រៅពីនោះគណកម្មការសហគមន៍យើងជាអ្នកដាំ។ ការដាំក្រវាញទាំងនោះគឺបានមកពីការណែនាំរបស់ក្រសួងខ្លះ និងរៀនមើលពីខាងថៃខ្លះ ហើយបើសិនជាសហគមន៍អាចដាំបានជោគជ័យ នឹងបន្តផ្សុំាកូនបន្តទៀតដើម្បីពង្រីកដីដាំដុះនៅតាមសហគមន៍”

ប្រធានសហគមន៍រូបនេះបានឱ្យដឹងទៀតថា លោកចង់ឱ្យការដាំក្រវាញក្លាយទៅជាមុខរបរគោលរបស់សហគមន៍តែម្ដង ដោយការប្រែក្លាយខ្លួនទៅជាអ្នកផ្គត់ផ្គង់កូនក្រវាញផ្ដាច់មុខ។ ម្យ៉ាងទៀត លោកមានបំណងចង់ក្លាយជាប្រភពសំខាន់ក្នុងការផ្គត់ផ្គង់ក្រវាញទៅកាន់ឈ្មួញកណ្ដាល ឬទៅកាន់ភោជនីយដ្ឋាន។

យ៉ាងណាមិញ ដោយសារតែនេះជាដំណាក់កាលដំបូង លោកក៏មិនទាន់ដាក់ការសង្ឃឹម១០០ភាគរយនោះដែរ ព្រោះវាទាមទារការមើលថែ និងរៀនសូត្រច្រើន។ ម្យ៉ាងទៀត ក្រវាញក៏មិនមែនជាប្រភេទរុក្ខជាតិដែលងាយស្រួលដាំនោះដែរ។ សម្រាប់ដំណាក់កាលនេះ គឺមានតែខំប្រឹងដាំ និងមើលថែឱ្យល្អ ហើយប្រសិនបើធ្វើបាន វាក៏មិនខុសពីការបង្កើតមុខរបរថ្មីជូនប្រជាជនក្នុងសហគមន៍ដែលអាចជួយដល់សេដ្ឋកិច្ចគ្រួសាររបស់ពួកគាត់ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ