សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ អំបុក ជាចំណីក្រៅពេលរបស់ប្រជាជនខ្មែរ ដែលបានមកពីការលីងគ្រាប់ស្រូវរួចយកទៅបុកឱ្យសំប៉ែត ឬហៅថា ដាល់អំបុក ហើយគេនិយមរិភោគជាប្រភេទអាហារសម្រន់ ជាពិសេសនៅតាមតំបន់ជនបទដែលគេអាចធ្វើអំបុកបន្ទាប់ពីប្រមូលផលស្រូវហើយ។
ជាទូទៅ តាមទម្លាប់របស់ប្រជាជនខ្មែរយើងតែងនិយមបរិភោគអំបុកជាមួយនឹងទឹកដូង ឬចេកទុំ ជាពិសេសនៅក្នុងអំឡុងពេលពិធីបុណ្យអុំទូក អកអំបុក និងសំពះព្រះខែ ប៉ុន្តែមកដល់បច្ចុប្បន្ននេះការនិយមទទួលទានបែបប្រពៃណីហាក់មានភាពប្រែប្រួលបន្តិច ដោយមនុស្សមួយចំនួនបានងាកមកនិយមទទួលទានអំបុកដែលច្នៃបន្ថែមរសជាតិ ដូចជា អំបុកលីង អំបុករសជាតិប្រៃផ្អែមជាដើម ដែលគេអាចរកទិញបាននៅតាមទីផ្សារ ហើយអាចរក្សាទុកបានយូរថ្ងៃទៀតផង។
អ្នកនាង ស៊ុំ ចាន់ដារ៉ា ជាម្ចាស់អាជីវកម្មអំបុកលីង (OMBOK) ស្ថិតក្នុងស្រុកថ្មគោល ខេត្តបាត់ដំបង បានប្រាប់ AMS ឲ្យដឹងថា អ្នកនាងមានលក់ច្រើនប្រភេទដូចជា អំបុកលីងមានរសជាតិប្រៃផ្អែម ដោយមានលាយសាច់ជ្រូក និងបង្គាក្រៀម ធ្វើឱ្យមានរសជាតិឈ្ងុយឆ្ងាញ់ប្លែក និងស្រួយជាងអំបុកមិនទាន់លីង ហើយអាចរក្សាទុកបានយូររហូតដល់រយៈពេល៣ខែផងដែរ។
អ្នកនាង ស៊ុំ ចាន់ដារ៉ា បានបន្តថា ៖
“ចំពោះប្រភេទអំបុកដែលយកមកប្រើ គឺមានប្រភេទស្រូវថ្មី ស្រូវរំដួល ស្រូវផ្កាម្លិះ ក្រៅពីនេះមានស្រូវសែនក្រអូប ដែលគេអាចធ្វើបន្តៗគ្នាតាមរដូវប្រមូលផលស្រូវនីមួយៗ។ ដោយឡែក សម្រាប់ការវេចខ្ចប់វិញ យើងបានវេចខ្ចប់ផលិតអំបុកលីងជា ២ប្រភេទផ្សេងគ្នា គឺប្រភេទកញ្ចប់ក្រដាស និងកំប៉ុងជ័រ ដែលមានទម្ងន់ ១៥០ ក្រាម (មួយខាំកន្លះ) ដូចគ្នា ដែលអំបុកកញ្ចប់មានតម្លៃ ៣ដុល្លារ និងអំបុកកំប៉ុងមានតម្លៃ ៣.៥ដុល្លារ”
គួរបញ្ជាក់ដែរថា ស្ថាបនិករូបនេះបានចាប់ផ្ដើមអាជីវកម្មអំបុកនេះទើបតែប្រមាណជាង១ឆ្នាំប៉ុណ្ណោះ ដោយចំណាយដើមទុនតិចតួច ព្រោះជាប្រភេទអាជីវកម្មខ្នាតតូច ប៉ុន្តែអាចទទួលបានចំណូលបន្ថែមសម្រាប់ផ្គត់ផ្គង់គ្រួសារ ជាពិសេសក្នុងអំឡុងពេលផ្ទុះការរាតត្បាតជំងឺកូវីដ-១៩ គឺមានការគាំទ្រច្រើនពីអ្នករស់នៅរួមខេត្ត។
អាជីវកម្មអំបុកលីងថ្មគោលរបស់អ្នកនាង ស៊ុំ ចាន់ដារ៉ា ធ្វើឡើងជាលក្ខណៈគ្រួសារដោយធ្វើការប្រមូលទិញអំបុកពីអ្នកភូមិ និងធ្វើការកែច្នៃលក់ ផ្ដោតលើអតិថិជននៅតាមបណ្ដាញសង្គមតែប៉ុណ្ណោះ គឺពុំទាន់មានហាង ឬទីបញ្ជលក់នោះទេ។ នៅក្នុងដំណើរការជាងមួយឆ្នាំមកនេះ ត្បិតតែលក់តាមបណ្ដាញសង្គមក៏ពិតមែន ប៉ុន្តែអំបុកលីងមានការគាំទ្រច្រើនពីអិថិជនដោយសាររសជាតិឆ្ងាញ់ជាងអំបុកធម្មតា។
សម្រាប់ថ្ងៃអនាគត អ្នកនាង ស៊ុំ ចាន់ដារ៉ា មានបំណងចង់ពង្រីកអាជីវកម្មអំបុកឱ្យកាន់តែទូលំទូលាយ ក៏ដូចជាធ្វើការផ្សព្វផ្សាយពីចំណីអាហារប្រភេទខ្មែរនេះឱ្យកាន់តែល្បីល្បាញ ហើយបើអាចឈានដល់ការនាំចេញទៅទីផ្សារក្រៅស្រុកកាន់តែប្រសើរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចំណូលប្រជាសហគមន៍នេសាទត្រពាំងសង្កែ មានកំណើនខ្ពស់ក្រោយទទួលបានការជ្រោមជ្រែងពីរដ្ឋមន្ត្រីដែនដី
Top News, ព្រឹត្តិការណ៍, សេដ្ឋកិច្ច
• 19/10/2026
ចំណូលរបស់ប្រជាសហគមន៍នេសាទត្រពាំងសង្កែ មានកំណើនខ្ពស់ក្រោយទទួលបានការជ្រោមជ្រែងពីរដ្ឋមន្ត្រីដែនដី....
អាមេរិក ព្រមានមេដឹកនាំអ៊ុយក្រែន ឲ្យប្រយ័ត្នពាក្យសម្តី និងការផ្សព្វផ្សាយព័ត៌មានមិនពិត
ព្រឹត្តិការណ៍, អាជីវកម្មថ្មី និងនវានុវត្ត
• 19/10/2026
បរទេស ៖ រដ្ឋមន្ត្រីក្រសួងរតនាគារអាមេរិក លោក Scott Bessent បានបដិសេធចំពោះការអះអាងរបស់ប្រធានាធិបតីអ៊ុយក្រែន លោក Vladimir Zelensky ដែលថា សហរដ្ឋអាមេរិកបានផ្អាកការចែករំលែកព័ត៌មានសម្ងាត់ពាក់ព័ន្ធយោធាជាបណ្តោះអាសន្នជាមួយទីក្រុងគៀវ។ កាលពីពេលថ្មីៗនេះ មេដឹកនាំអាមេរិក លោក Scott Bessent បានព្រមានធ្ងន់ៗទៅកាន់មេដឹកនាំអ៊ុយក្រែន ឲ្យមានការប្រុងប្រយ័ត្នចំពោះពាក្យសម្តីដែលថ្លែងសារជាសាធារណៈក្រោយពេលលោក Zelensky
ABA ឈរលេខ ១ ក្នុងចំណោមធនាគារមានទ្រព្យសកម្មច្រើនជាងគេនៅកម្ពុជា តាមការវាយតម្លៃរបស់ SuperBankRatings
ព្រឹត្តិការណ៍, អត្ថបទពាណិជ្ជកម្ម
• 19/10/2026
ភ្នំពេញ៖ ធនាគារ ABA ទទួលបានចំណាត់ថ្នាក់លេខ១ ក្នុងចំណោមធនាគារពាណិជ្ជនៅកម្ពុជាចំនួន៤ ដែលមានទ្រព្យសកម្មលើសពី ៥ ពាន់លានដុល្លារអាម៉េរិក ដោយទទួលបានពិន្ទុ ៤,៥០ លើ ៥ ក្នុងសន្ទស្សន៍វាយតម្លៃធនាគារកម្ពុជា SuperPower Banking Index 2026 របស់ SuperBankRatings ដែលបានចេញផ្សាយលទ្ធផលចុងក្រោយនៅថ្ងៃទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content