ចេកណាំវ៉ាតឿ ងាយដាំ ផ្ដល់ប្រយោជន៍ច្រើន ទាំងទិន្នផល និងមានតម្រូវការ

កណ្តាល ៖ ណាំវ៉ាតឿ ជាប្រភេទដំណាំចេកដែលកំពុងមានការពេញនិយមពីសំណាក់ប្រជាជនទូទៅ ក៏ដូចជាប្រជាកសិករផងដែរ ខណៈដែលពូជដំណាំចេកប្រភេទនេះងាយស្រួលដាំ មិនរើសដី ហើយអាចទទួលបានផលច្រើនខុសពីដំណាំចេកណាំវ៉ាធម្មតា និងមានតម្រូវការទីផ្សារខ្ពស់។

មានកម្ពស់ដើមត្រឹមតែ ១.៣ ទៅ ១.៥ ម៉ែត្រ មានទម្រង់ដើមធំកណ្ដាញ់ និងផ្លែមានច្រើនស្និត ចេកណាំវ៉ាតឿ បានក្លាយទៅជាប្រភេទដំណាំម្យ៉ាងដែលផ្ដល់មានការពេញនិយមដាំត្បិតវាបានផ្តល់នូវផលដ៏ប្រសើរ ទាំងត្រយូង ទាំងផ្លែ ស្លឹក និងដើម ហើយគេក៏អាចដាំក្នុងនាមជាប្រភេទរុក្ខជាតិលម្អនៅជុំផ្ទះផងដែរ។

លោក គង់ សំអាត ជាស្ថាបនិក និងជាអ្នកគ្រប់គ្រងផ្សារកសិផលស្នាដៃកសិករ (Farmer Work) នៅក្រុងតាខ្មៅ ខេត្តកណ្ដាល និងជាអ្នកដាំដើមចេកណាំវ៉ាតឿមួយរូបដែរនោះ បានលើកឡើងពីការដាំចេកប្រភេទនេះថា ៖

“ខ្ញុំចូលចិត្តដាំដំណាំ ហើយខ្ញុំគិតថា ចេកនេះវាមានប្រយោជន៍ច្រើន ងាយស្រួលដាំ មិនរើសប្រភេទដី ឬបរិយាកាសនោះទេ ឱ្យតែមានដី មានទឹកគ្រប់គ្រាន់។ ម៉្យាងទៀត ខ្ញុំមើលឃើញថា ចេកណាំវ៉ាតឿ វាមានភាពស្រស់ស្អាត រាងទាប ផ្លែបានច្រើន ហើយមានរសជាតិផ្អែមឆ្ងាញ់ សំបកវាស្តើង អាចដាំក្នុងលក្ខខណ្ឌលំអរក៏បាន”

លោកបញ្ជាក់ថា ៖

“ចេកណាំវ៉ាតឿនេះមិនត្រឹមតែមានមានរសជាតិឆ្ងាញ់នោះទេ ថែមទាំងអាចផ្ដល់ផលច្រើនជាងចេកទូទៅដែលមួយស្ទងវាអាចមានដល់ទៅជិត២០ស្និត ហើយមួយស្និតអាចមានពី ១៨-២០ផ្លែឯណោះ។ ចំណែករូបរាងដើមរបស់វាវិញ គឺទាបស្អាតអាចដាំសម្រាប់លម្អក្បែរផ្ទះ ហាង ឬភោជនីយដ្ឋានបានយ៉ាងស្រស់ស្អាត”

ពាក់ព័ន្ធទៅនឹងបច្ចេកទេសនៃការដាំវិញត្រូវបានលោក សំអាត បញ្ជាក់ប្រាប់ថា ចំពោះប្រភេទដើមចេកណាំវ៉ាតឿនេះគឺងាយស្រួលដាំ ងាយស្រួលថែទាំ ធន់នឹងជំងឺ និងមិនរើសប្រភេទដី តែដើម្បីឱ្យដំណាំកាន់តែល្អក៏ត្រូវមើលថែ ស្រោចទឹក ដាក់ជីបំប៉នផងដែរ ហើយចំពោះបងប្អូនដែលដាំនៅតាមលំនៅដ្ឋាន ត្រូវដាំមានចម្ងាយពីផ្ទះបន្តិច ដែលយ៉ងណាស់ចម្ងាយប្រមាណពី ៣-៤ម៉ែត្រពីជញ្ជាំងផ្ទះ ចំណែកឯគម្លាតនៃការដាំពីដើមមួយទៅដើមមួយទៀត ត្រូវរក្សាគម្លាតយ៉ាងហោចណាស់ ២.៥ ម៉ែត្រ មានន័យថា មិនគួរដាំជិតគ្នាពេកនោះទេ ដោយសារចេកវានឹងមានដុះកូនជាបន្តបន្ទាប់ ដោយយ៉ាងយូរក្រោយការដាំដើមដំបូងរយៈពេល៦ខែ នឹងមានកូនចាប់ផ្តើមដុះចេញ។

លោក គង់ សំអាត បានបញ្ជាក់ថា ៖

“ចំពោះការជីករណ្តៅដីដាំ យើងត្រូវជីកជម្រៅកន្លះម៉ែត្ររាង ៤ ជ្រុង ដែលអាចថែមដីកំប៉ុសទ្រាប់បាតដើម្បីជួយឱ្យកូនចេកឆាប់ធំធាត់លឿន។ ពេលកប់កូនចេក យើងមិនគួរកប់ឱ្យលិចជ្រៅពេកនោះទេ គួរទុក ៥០សង់ទីម៉ែត្រគិតចាប់ពីផ្នែកខាងលើនៃគល់ចេក។ បន្ទាប់ពីនោះ យើងគួរស្រោចទឹកមួយថ្ងៃ២ដងក្នុងរដូវប្រាំង និង ២-៣ ថ្ងៃម្តង ដោយឡែកនៅក្នុងរដូវវស្សាមិនគួរស្រោចច្រើនពេកនោះទេព្រោះមានភ្លៀងធ្លាក់គ្រប់គ្រាន់។ បន្ថែមលើនេះ យើងគួរថែមដីលុបគល់ក្នុងកំឡុងពេល ៦ខែម្តង ដើម្បីជួយឱ្យចេកអាចមានផ្លែច្រើន និងធំល្អ។ យើងក៏ត្រូវកាត់ធាងចេកចោលខ្លះនៅផ្នែកខាងក្រោម ធ្វើយ៉ាងណាកុំឱ្យវាស្ដុកពេក ដែលអាចបង្ករឱ្យចេកមានជំងឺ ឬសត្វល្អិតច្រើនបំផ្លាញដំណាំរបស់យើង”

គួរបញ្ជាក់ដែរថា លោក សំអាត បានដាំចេកណាំវ៉ាតឿនេះតាំងពីឆ្នាំ២០១៨ ដែលលោកបានសុំពូជគេនៅក្រុងតាខ្មៅមកដាំបន្ត និងដុះលូតលាស់កូនជាបន្តបន្ទាប់រហូតមកដល់បច្ចុប្បន្នដែលអាចផ្ដល់ជាកូនពូជខ្លះៗ និងណែនាំទៅរកអ្នកដាំដទៃទៀតបានចំពោះបងប្អូនដែលចង់បានពូជ។ ក្រៅពីដំណាំចេកណាំវ៉ាតឿ លោកក៏មានដាំដំណាំផ្សេងទៀតដូចជា ស្វាយ មៀន ទាបស្វិត ក្រូចឆ្មា ដូង ត្រឡឹងតឹង និងប្រភេទបន្លែស្លឹកមួយចំនួនទៀត រួមមាន សាឡាដ ស្ពៃ ខាត់ណា បន្លែលើទឹកតាមបច្ចេកទេស Hydroponics ដំណាំលើថ្មតាមបច្ចេកទេស Aquaponic និងប្រភេទគ្រឿងទេសស្ទើរគ្រប់មុខរាប់តាំងពីម្ទេស ស្លឹកគ្រៃ ជី ផងដែរ។

នៅក្នុងឱកាសនៃការផ្តល់កិច្ចសម្ភាសន៍ លោក សំអាត ក៏សូមលើកទឹកចិត្តឱ្យបងប្អូនដែលចូលចិត្តដាំដំណាំក្បែរផ្ទះ មិនថាចំពោះអ្នករស់នៅទីក្រុង ឬក៏ជនបទនោះទេ គួរដាំដំណាំបន្ទាប់បន្សំនៅលើផ្ទៃដីទំនេរជុំវិញផ្ទះ ដើម្បីអាចកាត់ប្ថយការចំណាយប្រចាំថ្ងៃលើថ្លៃម្ហូបអាហារ និងអាចទទួលបានបន្លែធម្មជាតិ គ្មានគីមី និងមិនប៉ះពាល់ដល់ខុសភាពថែមទៀតផង។

សូមបញ្ជាក់ផងដែរថា ប្រភេទចេកណាំវ៉ា មានសារធាតិបំប៉នជាច្រើនដែលអាចជួយបំប៉នសុខភាពអ្នកទទួលទានបានយ៉ាងប្រសើរដូចជា ៖ ជួយសម្រួលដល់អាការៈទល់លាម រលាក់ពោះវៀន និងកាត់បន្ថយភាពប្រឈមនឹងជំងឺទឹកនោមផ្អែមជាដើម។

ផ្អែកតាមការសិក្សាបានបង្ហាញថា ផ្លែចេកមួយផ្លែអាចមានផ្ទុកសារធាតុប៉ូតាស្យូមដល់ទៅ៣៦០មីល្លីក្រាម បើមនុស្សម្នាក់ទទួលទានចំណីអាហារមានសារធាតុប៉ូតាស្យូមច្រើន នឹងមិនសូវមានជំងឺលើសឈាមនោះទេ ហើយសូម្បីតែអ្នកដែលមានជំងឺលើសឈាមប្រចាំកាយស្រាប់ទៅហើយ ក៏ការបរិភោគផ្លែចេកជារៀងរាល់ថ្ងៃអាចជួយអ្នកជំងឺឱ្យមានស្ថានភាពបានធូរស្រាលខ្លះ និងមិនអាស្រ័យលើថ្នាំពេទ្យទាំងស្រុងពេកទេ។ សារធាតុប៉ូតាស្យូម ជាជំនួយមួយក្នុងការបញ្ជូនអុកស៊ីសែនទៅខួរក្បាល និងសម្រួលលំនឹងទឹកក្នុងខ្លួន ប៉ុន្តែកម្រិតប៉ូតាស្យូមក្នុងខ្លួនមនុស្សនឹងត្រូវបានកាត់បន្ថយ ប្រសិនបើយើងមានស្រ្តេសពេក ដូច្នេះ ផ្លែចេកនេះឯងដែលគួរទទួលទានបន្ថែមចន្លោះពេលបាយ។ ក្រុមគ្រូពេទ្យអាមេរិកឯកទេសផ្នែកចំណីអាហារ និងថ្នាំឱសថសាស្ត្របានទទួលស្គាល់ និងប្រកាសពីគុណប្រយោជន៍ក្នុងការកាត់បន្ថយគ្រោះតានតឹង និងស្ទះបេះដូងដែលបានមកពីការទទួលទានផ្លែចេកទៀតផង។ ជាមួយគ្នានេះក៏មានការសិក្សារបស់ក្រុមអ្នកជំនាញផ្នែកវេជ្ជសាស្ត្រអង់គ្លេសក៏បានបង្ហាញដែរថា ការទទួលទានផ្លែចេកជាប្រចាំរាល់ថ្ងៃអាចកាត់បន្ថយអត្រាស្លាប់បណ្តាលមកពីជំងឺបេះដូងបានរហូតដល់ប្រមាណ៤០ភាគរយ៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

កម្ពុជាមានសមត្ថភាពផលិតស៊ីម៉ង់ត៍ផ្គត់ផ្គង់ទីផ្សារក្នុងស្រុកដោយមិនចាំបាច់នាំចូល

ព្រឹត្តិការណ៍, សេដ្ឋកិច្ច

• 20/03/2026

ភ្នំពេញ ៖ កម្ពុជាលែង

ការប្រើប្រាស់ប្រាក់រៀលជានិមិត្តរូបនៃអធិបតេយ្យជាតិ មោទនភាពជាតិ និងឯករាជ្យភាពនៃគោលនយោបាយសេដ្ឋកិច្ចជាតិ

ព្រឹត្តិការណ៍, ហិរញ្ញវត្ថុ

• 19/03/2026

ការប្រើប្រាស់ប្រាក់រៀល មិនមែនគ្រាន់តែជាការចាយវាយប្រចាំថ្ងៃប៉ុណ្ណោះទេ ប៉ុន្តែវាគឺជានិមិត្តរូបនៃអធិបតេយ្យជាតិ បង្ហាញអំពីមោទនភាពជាតិ និងឯករាជ្យភាពនៃគោលនយោបាយសេដ្ឋកិច្ចជាតិ។

កម្ពុជា បើកទំព័រថ្មីជាប្រវត្តិសាស្ត្រលើការរៀបចំវិស័យដែនដី នគរូបនីយកម្ម

Top News, ព្រឹត្តិការណ៍, អចលនទ្រព្យ

• 19/03/2026

កម្ពុជា បានបើកទំព័រថ្មីមួយជាប្រវត្តិសាស្ត្រលើវិស័យរៀបចំដែនដី នគរូបនីយកម្ម ដោយបានបញ្ចប់ការវាស់វែង ចុះបញ្ជី និងបញ្ចប់វិវាទដីធ្លី.

គ្រូបង្គោលចំនួន ៦៧ ពីឃុំគោលដៅថ្មី នឹងផ្សព្វផ្សាយចំណេះដឹងហិរញ្ញវត្ថុដល់ប្រជាសហគមន៍

ព្រឹត្តិការណ៍, ហិរញ្ញវត្ថុ

• 19/03/2026

ធនាគារជាតិនៃកម្ពុជា សមាគមមីក្រូហិរញ្ញវត្ថុកម្ពុជា និងសមាគមធនាគារនៅកម្ពុជា បានរួមគ្នារៀបចំវគ្គបណ្តុះបណ្តាលស្តីពីការលើកកម្ពស់ចំណេះដឹងផ្នែកហិរញ្ញវត្ថុ សិទ្ធិ និងកិច្ចការពារអតិថិជន ដល់គ្រូបង្គោលចំនួន ៦៧ នាក់ មកពីឃុំគោលដៅថ្មី ដែលនឹងពាំនាំចំណេះដឹងទាំងនេះបន្តទៅកាន់ប្រជាពលរដ្ឋនៅតាមសហគមន៍។

ប៊ុលហ្ការី ត្រៀមខ្លួនរួចរាល់ក្នុងការគាំទ្រ និងពង្រឹងវិស័យថាមពលអ៊ុយក្រែនឡើងវិញ

ព្រឹត្តិការណ៍, អាជីវកម្មថ្មី និងនវានុវត្ត

• 19/03/2026

រដ្ឋាភិបាលនៃប្រទេសប៊ុលហ្គារីស នៅប្តាហ៍នេះបានបង្ហាញពីការប្តេជ្ញាចិត្តក្នុងការគាំទ្រផ្នែកបច្ចេកទេស និងផ្នែកសំណង់ឲ្យទៅប្រទេសអ៊ុយក្រែនដើម្បីរៀបចំហេដ្ឋារចនាសម្ព័ន្ធក្នុងវិស័យថាមពលឡើងវិញ

ចិន ធានាសន្តិសុខផ្នែកថាមពលដល់កោះតៃវ៉ាន់ ប្រសិនបើយល់ព្រមបង្រួបបង្រួមជាតិជាមួយខ្លួន

ព្រឹត្តិការណ៍, សេដ្ឋកិច្ច

• 19/03/2026

ចិន បានប្រកាសថា នឹងធានាសន្តិសុខផ្នែកថាមពលដល់កោះតៃវ៉ាន់ ប្រសិនបើកោះមួយនេះយល់ព្រមបង្រួបបង្រួមជាតិជាមួយនឹងខ្លួន និងស្ថិតនៅក្រោមការគ្រប់គ្រងរបស់ទីក្រុងប៉េកាំង

ពលរដ្ឋកម្ពុជាជាច្រើនងាកមកប្រើប្រាស់យានយន្តអគ្គិសនី ស្របពេលការនាំចូលប្រេងឥន្ធនៈធ្លាក់ចុះ

ព្រឹត្តិការណ៍, សេដ្ឋកិច្ច

• 19/03/2026

ប្រជាពលកម្ពុជាជាច្រើនចាប់ផ្តើមងាកមកប្រើប្រាស់យានយន្តអគ្គិសនី ដែលជាកត្តាមួយនាំឱ្យការនាំចូលប្រេងឥន្ធនៈធ្លាក់ចុះ ហើយការប្រើប្រាស់យានយន្តអគ្គិសនីនៅកម្ពុជា ត្រូវបានរំពឹងថានឹងបន្តកើនឡើង ដោយសារសម្ពាធសាំងឡើងថ្លៃ។

សមាគម TAFTAC គ្រោងរៀបចំឱ្យមានតំបន់សេដ្ឋកិច្ចពិសេសសម្រាប់ផលិតវត្ថុធាតុដើមនៅក្នុងស្រុក

ព្រឹត្តិការណ៍, សេដ្ឋកិច្ច

• 19/03/2026

សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) គ្រោងរៀបចំឱ្យមានតំបន់សេដ្ឋកិច្ចពិសេសមួយជាក់លាក់ សម្រាប់ការផលិតវត្ថុធាតុដើមក្នុងស្រុក ក្នុងគោលដៅដើម្បីជំរុញការអភិវឌ្ឍវិស័យឧស្សាហកម្មឱ្យកាន់តែមានប្រសិទ្ធភាព និងមានសមត្ថភាពប្រកួតប្រជែងលើទីផ្សារអន្តរជាតិ។

តម្រូវការជ័រកៅស៊ូក្នុងស្រុកកើនឡើងខ្ពស់ ខណៈរោងចក្រផលិតសំបកកង់រថយន្តចំនួន៨បានដាក់ឱ្យដំណើរការជាបន្តបន្ទាប់

ព្រឹត្តិការណ៍, សេដ្ឋកិច្ច

• 18/03/2026

នៅទូទាំងប្រទេសកម្ពុជា មានរោងចក្រផលិតសំបកកង់រថយន្តចំនួន៨ ដោយមួយចំនួនបានដាក់ដំណើរការរួចរាល់ ហើយមួយចំនួនទៀតកំពុងសាងសង់រោងចក្រដែលនឹងដាក់ឱ្យដំណើរការក្នុងពេលឆាប់ៗ

វឌ្ឍនភាពគម្រោងពង្រីកផ្លូវជាតិលេខ៧ ពីស្គន់ទៅក្រុងកំពង់ចាម សម្រេចបានជិត ៩០ភាគរយ

ព្រឹត្តិការណ៍, សេដ្ឋកិច្ច

• 18/03/2026

គម្រោងពង្រីក និងលើកកម្រិតគុណភាពផ្លូវជាតិលេខ៧ ជា ៤គន្លង ចាប់ពីទីប្រជុំជនស្គន់ រហូតដល់ក្រុងកំពង់ចាម ប្រវែង៤៥,៥០៤ គីឡូម៉ែត្រ កំពុងបង្ហាញវឌ្ឍនភាពយ៉ាងឆាប់រហ័សដោយសម្រេចបានលទ្ធផលប្រមាណ ៨៩,៨៨%