តម្រូវការ​ជ័រកៅស៊ូក្នុងស្រុកកើនឡើងខ្ពស់ ខណៈ​រោងចក្រ​ផលិត​សំបកកង់រថយន្តចំនួន៨បានដាក់ឱ្យដំណើរការជាបន្តបន្ទាប់

ភ្នំពេញ ៖ គិតត្រឹមខែមីនា ឆ្នាំ២០២៦​នេះ នៅទូទាំង​ប្រទេស​កម្ពុជា​ មានរោងចក្រ​ផលិត​សំបក​កង់រថយន្ត​ចំនួន៨ ដោយ​មួយចំនួនបានដាក់​ដំណើរការរួចរាល់ ហើយមួយចំនួនទៀត​កំពុង​សាងសង់​រោងចក្រ​ដែលនឹង​ដាក់​ឱ្យដំណើរការក្នុងពេលឆាប់ៗខាងមុខនេះ ដែលកាន់តែធ្វើឱ្យតម្រូវការ​កៅស៊ូនៅកម្ពុជា​មានកំណើន​ខ្ពស់។

លោក​ គិន ឧត្តម​មុនីស៊ីណាត នាយកប្រតិបត្តិ​ក្រុមហ៊ុន​ផលិត​សំបក​កង់ឡាន Sailun ស្ថិតនៅក្នុងតំបន់សេដ្ឋកិច្ចពិសេសឈីលូ (Qilu Special Economic Zone) ភូមិតាណរ សង្កាត់ស្វាយតឿ ក្រុងស្វាយរៀង ខេត្ដស្វាយរៀង​ បានមានប្រសាសន៍ប្រាប់​បណ្ដាញ​ព័ត៌មាន AMS ឱ្យដឹងថា​ ក្នុងចំណោមរោងចក្រ​ផលិត​សំបក​កង់ឡាន​ទាំងអស់​នៅក្នុងប្រទេស​កម្ពុជា មានតែរោងចក្រ​ផលិតសំបកកង់ឡាន​សៃលុន​ប៉ុណ្ណោះ​ដែល​ប្រើ​កៅស៊ូខ្មែរ​ច្រើនជាង​គេ​ រហូតដល់ប្រមាន​ ៩៦ភាគរយ​នៃតម្រូវការ​កៅស៊ូ​សរុបរបស់ក្រុមហ៊ុន ដោយឆ្នាំ២០២៦នេះ គឺជា​ឆ្នាំទី៣ហើយ​ដែល​ក្រុមហ៊ុនសៃលុន​បាន​ដំណើរការ​រោងចក្រ ដោយឆ្នាំទី​១ រោងចក្រ​សៃលុន​បានប្រើ​កៅស៊ូ​ខ្មែរអស់​ប្រមាណ៥ម៉ឺន​តោន ឆ្នាំទី២អស់ប្រមាណជាង​១០ម៉ឺនតោន​ និងគ្រោង​ប្រើ​ឱ្យអស់​១៥ម៉ឺនតោនក្នុងឆ្នាំ២០២៦នេះ ។

តាមរយៈខ្សែច្រវាក់​ផលិតកម្ម​របស់​រោងចក្រ​សៃលុន និង​រោងចក្រផលិត​សំបក​កង់រថយន្តផ្សេងទៀតនៅកម្ពុជា នឹងធ្វើឱ្យតម្រូវការ​កៅស៊ូ​នៅកម្ពុជា​កាន់តែមានកំណើន​ខ្ពស់ជាមួយ​នឹង​តម្លៃល្អប្រសើរ​ ដោយលែង​នៅបារម្ភពីកង្វះទីផ្សារទៀត​ហើយ ។​​ អ្វីដែលពិសេស​ នៅពេល​ដែល​រោងចក្រទាំង៨​ មានដំណើរ​ការ​ពេញលេញ​ តម្រូវការ​ជ័រកៅស៊ូ​សម្រាប់​ផលិតជា​សំបកកង់រថយន្ត​នឹង​កាន់តែ​កើនឡើងខ្ពស់ជាងពេលបច្ចុប្បន្ន។

លោក​ គិន ឧត្តម​មុនីស៊ីណាត បានបន្ថែមថា​ រោងចក្រ​សៃលុន​ អាចចាត់ទុកជា​រោងចក្រោលិត​សំបក​កង់ឡាន​ដែលធំជា​ងគេ​នៅកម្ពុជា ដែល​គិតត្រឹមឆ្នាំ២០២៦នេះ ក្រុមហ៊ុន​បានបោះទុនវិនិយោគសរុប​ប្រមាណ១ពាន់លានដុល្លារអាម៉េរិកហើយ ដោយបានផលិត​សំបក​កង់ឡាន​ប្រមាណ​ជិត​២៣​លានសំបក​​សម្រាប់នាំចេញ​ និ​ងចែកចាយក្នុងស្រុក ។

ដោយឡែក លោក Chen Gang នាយ​ក​គ្រប់គ្រ​ង​រោងចក្រ​ផលិត​សំបក​កង់ឡាន DoubleStar នៅក្នុងតំបន់​សេដ្ឋកិច្ចពិសេស​យូ ប៊ី​ អ៊ី ស្នួល នៅស្រុក​ស្នួល ខេត្ត​ក្រចេះ ធ្លាប់បានលើកឡើងថា រោងចក្រ​ផលិ​តសំបក​កង់មួយនេះ បានប្រើប្រាស់ជ័រកៅស៊ូរបស់ខ្មែរ​ទាំងស្រុង​ ដោយ​ជំហាន​ដំបូងក្នុងមួយឆ្នាំ មានតម្រូវការ​ប្រើប្រាស់ជ័រ​កៅស៊ូ​ពី​ ៥ ទៅ ៦ម៉ឺនតោន ហើយនឹងបង្កើនការ​ប្រើប្រាស់ជ័​រកៅស៊ូ​ឱ្យបានដល់១០ម៉ឺនតោន​ក្នុងមួយឆ្នាំ ។​

ជាមួយគ្នានេះ លោកបានអំពាវនាវឱ្យកសិករ​ខ្មែរ​ដែលជាម្ចាស់ចម្ការកៅស៊ូ​បង្កើនផ្ទៃដីដាំដុះ​បន្ថែម​ស្របពេល​ក្រុមហ៊ុនក៏មានគម្រោង​ពង្រីកខ្សែសង្វាក់ផលិតកម្ម​កាន់តែធំ ​ដើម្បីបង្កើនការនាំចេញទៅកាន់ទីផ្សារអន្តរជាតិ។​

​លោក ជា សាយិន ម្ចាស់ចម្ការ​កៅស៊ូ​​នៅស្រុកមេមត់ ខេត្តត្បូងឃ្មុំ បានថ្លែង​ប្រាប់​ AMS ឱ្យដឹងថា ចាប់តាំងពី​មានរោងចក្រផលិត​សំបកកង់​រថយន្ត​នៅក្នុង​ប្រទេស​កម្ពុជា​ឃើញថា ​​ទីផ្សារ​ជ័រ​កៅស៊ូ​នៅកម្ពុជា​មិនពិបាក​ដូច​មុនទេ ។

លោកថា​ ៖

«កាលមុន​យើងត្រូវ​លក់ជ័រទឹកទៅឱ្យរោងចក្រ​កែច្នៃជា​ជ័រ​កៅស៊ូក្រែប តែក្រោយពេលមានរោងចក្រផលិត​សំបកកង់រថយន្តមក ក៏មានអ្នក​ដើរប្រមូលទិញជ័រ​កក​ដើម្បី​ដឹកទៅកែច្នៃផលិតជា​សំបកឡាន ។​ ពីមុន​តម្លៃជ័រកៅស៊ូ​ក៏មិនមានភាពនឹងនរដែរ ប៉ុន្តែមកដល់បច្ចុប្បន្ននេះ​ តម្លៃជ័រ​កៅស៊ូ​មានភាពល្អប្រសើរ អត់ពិបាក​ដូចមុន​ទៀត​នោះទេ»។

យោងតាមរបាយការណ៍របស់​អគ្គនាយក​ដ្ឋានកៅស៊ូ នៃក្រសួងកសិកម្ម​រុក្ខា​ប្រមាញ់​​​ និងនេសាទ បានឱ្យដឹងថា គិតត្រឹម​ចុង​ឆ្នាំ២០២៥ ផ្ទៃដីដំណាំកៅស៊ូក្នុងប្រទេស​កម្ពុជា​មានទំហំសរុប ៤៤៨ ០៥១ហិក​តា ហើយផ្ទៃដីដែលអាចជៀរជ័របាន​មាន​ទំហំ ៣៤៦ ៨៤២ហិកតា ក្នុងនោះផ្ទៃដីចៀរជ័រមានចំនួន ៣៤១ ៩៧៨ ហិកតា (ស្មើនឹង ៧៦%, ផ្ទៃដីថែទាំ មានចំនួន ១០៦ ០៧៣ ហិកតា (ស្មើនឹង ២៤%)។ ដោយឡែក ក្នុងឆ្នាំ២០២៥នេះដែរ ទិន្នផល​ជ័រកៅស៊ូ​ទូទាំង​ប្រទេសមានចំនួន ៤២២ ៨៤២តោន​៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រមុខ UN ជំរុញឱ្យបង្កើនការវិនិយោគលើសន្តិភាពក្នុងកិច្ចប្រជុំកំពូលហ្វ្រង់កូហ្វូនីនៅ កម្ពុជា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ការបង្កើនការវិនិយោគលើសន្តិភាព ពិសេសគោរពតាមច្បាប់អន្តរជាតិ និងប្រព័ន្ធអន្តរជាតិ នឹងធ្វើឱ្យប្លុកហ្វ្រង់កូហ្វូនី ក្លាយជាកន្លែងរស់នៅកាន់តែប្រសើរឡើង នេះបើតាមការអះអាងរបស់អគ្គលេខាធិការអង្គការសហប្រជាជាតិ លោក António Guterres កាលពីថ្ងៃ អាទិត្យ ក្នុងពិធីបើកកិច្ចប្រជុំកំពូលហ្រ្វង់កូហ្វូនីលើកទី២០ នៅកម្ពុជា ។ ក្នុងនាមជាអគ្គលេខាធិការយូអិន មុនពេលចាកចេញពីតំណែង តាមរយៈសារជាវីដេអូទៅកាន់មេដឹកនាំហ្វ្រង់កូហ្វូនី លោក

វេទិកាបច្ចេកវិទ្យាហិរញ្ញវត្ថុ Black swan កម្ពុជា ២០២៦ បង្ហាញ​ចក្ខុវិស័យចំនួន ៤

ព្រឹត្តិការណ៍, ហិរញ្ញវត្ថុ

• 16/11/2026

ភ្នំពេញ៖ វេទិកាបច្ចេកវិទ្យាហិរញ្ញវត្ថុប្លែកស្វន (Black swan) កម្ពុជា ២០២៦ បាន​ឈាន​ចូល​ដល់ថ្ងៃ​ទី២ហើយ នៅ​ថ្ងៃ​ទី១៦ ខែ​វិច្ឆិកា នេះ ដោយ​បាន​ពិភាក្សា​ស៊ីជម្រៅ​លើ​ចក្ខុវិស័យ​ចំនួន ៤ ក្នុង​ប្រព័ន្ធ​ហិរញ្ញវត្ថុ​​ ជាមួយ​នឹង​បច្ចេកវិទ្យាទំនើប កាន់​តែងាយស្រួល និងមាន​សុវត្ថិភាព។ យោង​តាម​សភាពាណិជ្ជកម្មកម្ពុជា បានឱ្យដឹង​ថា កិច្ច​ពិភាក្សា​ចំណុច​ទី១ បានផ្ដោត​លើប្រធាន​បទ

ធនាគារ​ជាតិ​នៃ​កម្ពុជា ​ចាប់​ដៃ Visa ​និង​ Mastercard ​ពង្រីក​ការ​ទូទាត់​ KHQ​R ​សម្រាប់​ភ្ញៀវ​អន្តរជាតិ​

ព្រឹត្តិការណ៍, ហិរញ្ញវត្ថុ

• 16/11/2026

​ ធនាគារ​ជាតិ​នៃ​កម្ពុជា​ ​បាន​ចុះ​អនុស្សរណៈ​យោគ​យល់​ចំនួន​ពីរ​ដាច់ដោយឡែក​ពី​គ្នា​ជាមួយ​ក្រុមហ៊ុន​បណ្ដាញ​បណ្ណ​ទូទាត់​អន្តរជាតិ​ Visa ​និង​ Mastercard ​ដើម្បី​សហការ​អភិវឌ្ឍ​មុខងារ​ ​QR ​Connector ​ក្នុង​គោលដៅ​ពង្រីក​លទ្ធភាព​ទូទាត់​តាម​ K​HQR ​និង​សម្រួល​ដល់​ការ​ទូទាត់​ឆ្លង​ប្រទេស​

​CSX​ ​ទទួល​បាន​សញ្ញា​បណ្ណ​ហេដ្ឋារចនាសម្ព័ន្ធ​បៃតង​ថ្មី​​ កៀរ​គរ​ទុន​រយៈពេល​វែង​ជិត​ ​១០០ ​លាន​ដុល្លារ​

ព្រឹត្តិការណ៍, សេដ្ឋកិច្ច

• 16/11/2026

ផ្សារ​មូលបត្រ​កម្ពុជា​ ​(​CSX​)​ ​បាន​ទទួល​ក្រុមហ៊ុន​ SchneiTec ​Jupiter ​Co​.​,​ Ltd​. ​ចុះ​បញ្ជី​លក់​សញ្ញា​បណ្ណ​ហេដ្ឋារចនាសម្ព័ន្ធ​បៃតង ​ដោយ​អាច​កៀរ​គរ​ទុន​រយៈពេល​វែង​បាន​ប្រមាណ​ ​១០០​ លាន​ដុល្លារ​អាម៉េរិក​ ​ដែល​នឹង​រួមចំណែក​គាំទ្រ​ដល់​ការ​វិនិយោគ​លើ​ហេដ្ឋារចនាសម្ព័ន្ធ​ថាមពល​ស្អាត ​និង​ការ​អភិវឌ្ឍ​សេដ្ឋកិច្ច​បៃតង​នៅ​កម្ពុជា

ប្រវត្តិខ្លះៗរបស់ប្រធានាធិបតីស្រីដំបូងគេបង្អស់របស់ប៊ុលហ្គារី លោកជំទាវ Iliana Iotova ដែលអញ្ជើញចូលរួមកិច្ចប្រជុំកំពូលហ្វ្រង់កូហ្វូនីលើកទី ២០ នៅកម្ពុជា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

លោកជំទាវ Iliana Malinova Iotova គឺជាប្រធានាធិបតីស្រីដំបូងគេបង្អស់នៅក្នុងប្រវត្តិសាស្ត្រប៊ុលហ្គារី ដែលបានឡើងកាន់តំណែងនៅថ្ងៃទី២៣ ខែមករា ឆ្នាំ២០២៦ បន្ទាប់ពីលោក Rumen Radev លាលែងពីតំណែង

អ្នក​ជំនាញ​៖​ ​ដំណើរ​ទស្សនកិច្ច​របស់​ប្រធានាធិបតី​បារាំង បើក​ឱកាស​នយោបាយ ​និង​សេដ្ឋកិច្ច​ថ្មី​សម្រាប់​កម្ពុជា​

ព្រឹត្តិការណ៍, សេដ្ឋកិច្ច

• 16/11/2026

​អ្នក​ជំនាញ​ប្រវត្តិសាស្ត្រ ​និង​នយោបាយ​កម្ពុជា​ ​លោក​សាស្ត្រាចារ្យ​ ​ឥន សុផល ​មើល​ឃើញ​ថា​ ​ដំណើរ​ទស្សនកិច្ច​ផ្លូវការ​របស់​ឯកឧត្តម​ ​Emmanuel ​Macron ​ប្រធានាធិបតី​បារាំង ​មកកាន់​កម្ពុជា​ចាប់​ពី​ថ្ងៃ​ទី​១៤ ​ដល់​ថ្ងៃ​ទី​១៦​ ​ខែ​វិច្ឆិកា ​ឆ្នាំ​២០២៦ ​និង​ការ​ចូលរួម​កិច្ច​ប្រជុំ​កំពូល​ហ្វ្រង់​កូហ្វូនី​លើក​ទី​២០ ​នឹង​ផ្តល់​អត្ថប្រយោជន៍​ជា​ច្រើន​ដល់​កម្ពុជា​ ទាំង​ផ្នែក​នយោបាយ​ ​និង​សេដ្ឋកិច្ច

មេដឹកនាំ​បារាំង ​និង​កាណាដា ​ជំរុញ​កិច្ច​សហប្រតិបត្តិការ​ហ្វ្រង់​កូហ្វូនី ​និង​បច្ចេកវិទ្យា​ ​AI

ព្រឹត្តិការណ៍, សេដ្ឋកិច្ច

• 16/11/2026

​នាយករដ្ឋមន្ត្រី​កាណាដា ​លោក​ ​Mark ​Carney ​និង​ប្រធានាធិបតី​បារាំង ​លោក​ ​Emmanuel ​Macron ​បាន​ជំរុញ​ឱ្យ​មាន​ការ​ពង្រឹង​កិច្ច​សហប្រតិបត្តិការ​ក្នុង​សហគមន៍​ហ្វ្រង់កូហ្វូនី ​ជាពិសេស​លើ​វិស័យ​បច្ចេកវិទ្យា​ ​ពាណិជ្ជកម្ម​ ​និង​បញ្ញា​សិប្បនិម្មិត ​(​AI​)​ ​

ឯកឧត្តម ម៉ាក្រុង ចាត់ទុកវត្តមានរបស់លោកនៅកម្ពុជា គឺជាការបើកទំព័រប្រវត្តិសាស្ត្រថ្មីនៃទំនាក់ទំនងបារាំង-កម្ពុជា

Top News, ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ឯកឧត្តម ម៉ាក្រុង (Emmanuel MACRON) ប្រធានាធិបតីបារាំង បានចាត់ទុកវត្តមានបស់ឯកឧត្តមមកកាន់ទឹកដីកម្ពុជានៅពេលនេះ នឹងបើកទំព័រប្រវត្ដិសាស្ត្រថ្មីនៃទំនាក់ទំនងរវាងបារាំង-កម្ពុជា។ ការលើកឡើងដូច្នេះ នៅក្នុងជំនួបទ្វេភាគីជាមួយសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នារសៀលថ្ងៃទី១៥ ខែវិច្ឆិកា ឆ្នាំ២០២៦ អំឡុងពេលអញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅកម្ពុជា

ឯកឧត្តម តូ ឡឹម ប្រធានរដ្ឋវៀតណាម អំពាវនាវឱ្យសហគមន៍ហ្វ្រង់កូហ្វូនីពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

មេដឹកនាំកំពូលវៀតណាមឯកឧត្តម តូ ឡឹម អំពាវនាវឱ្យមានការពង្រឹងកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យាក្នុងអំឡុងពេលថ្លែងសុន្ទរកថានៅក្នុងព្រឹត្តិការណ៍ Franco Tech នៅប្រទេសកម្ពុជា

Hyundai Cambodia សម្ពោធរថយន្ត «All-New Hyundai Grand i10-AURA» ជំនាន់ថ្មី ជាមួយព្រឹត្តិការណ៍ដ៏ប្លែកមិនធ្លាប់មាន

ព្រឹត្តិការណ៍, អត្ថបទពាណិជ្ជកម្ម

• 16/11/2026

រាជធានីភ្នំពេញ៖ ត្រៀមខ្លួនទទួលយកបទពិសោធន៍ថ្មីដ៏អស្ចារ្យ! ក្រុមហ៊ុន Hyundai Cambodia បានបង្កើតភាពភ្ញាក់ផ្អើលតាមរយៈការរៀបចំព្រឹត្តិការណ៍បើកសម្ពោធរថយន្តដ៏ប្លែកខុសគេ ទាក់ទាញ និងមិនធ្លាប់មានពីមុនមកនៅកម្ពុជា កាលពីថ្ងៃទី១៤ ខែវិច្ឆិកា នេះ ដើម្បីអបអរសាទរការមកដល់ជាផ្លូវការនៃរថយន្តស៊េរីថ្មី «All-New Hyundai Grand i10» ម៉ាស៊ីនសាំងជំនាន់ចុងក្រោយ ដែលនាំមកនូវការរចនាយ៉ាងស្រស់ស្អាត ទាន់សម័យ និងការវិវត្តថ្មីមួយកម្រិតទៀត


Leave a Reply

Your email address will not be published.Required fields are marked *