សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងត្រីមាសទី៣ ទំនាក់ទំនងពាណិជ្ជកម្មរវាងកម្ពុជា-ចិន សម្រេចរួមគ្នាបានក្នុងទំហំទឹកប្រាក់ ៩,៨ពាន់លានដុល្លារ ដែលចំនួននេះមានកំណើន១៣,២ភាគរយ បើធៀបនឹងរយៈពេលដូចគ្នាកាលពីឆ្នាំ២០២៣ ខណៈដែលការនាំចេញរបស់កម្ពុជាទៅកាន់ប្រទេសចិន មានប្រមាណ ១ ២៧០លានដុល្លារ កើន២១ភាគរយ ហើយការនាំចូលពីចិនមកវិញមានទំហំ ៨,៥២ពាន់លានដុល្លារ កើន១២ភាគរយ។
ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានបញ្ជាក់ពីទិន្នន័យខាងលើនេះនៅក្នុងវេទិកាសហប្រតិបត្តិការសេដ្ឋកិច្ចឌីជីថល ចិន-កម្ពុជា ឆ្នាំ២០២៤ និង ពិធីសម្ពោធសមាគមឧស្សាហកម្មសេដ្ឋកិច្ចឌីជីថល ចិន-កម្ពុជា នាថ្ងៃទី៤ ខែវិច្ឆិកា ឆ្នាំ២០២៤ ហើយក្រសួងសេដ្ឋកិច្ច នឹងដាក់ឱ្យអនុវត្តនូវប្រព័ន្ធវិក័យប័ត្រអេឡិចត្រូនិក (e-invoicing system) នាពេលខាងមុខដ៏ខ្លី។
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានបញ្ជាក់ថា៖ សម្រាប់ប្រទេសកម្ពុជា ការអភិវឌ្ឍសេដ្ឋកិច្ចឌីជីថលត្រូវបានគេចាត់ទុកថាជាកត្តាជំរុញដ៏សំខាន់ ហើយការដាក់ឱ្យអនុវត្តនូវប្រព័ន្ធវិក័យប័ត្រអេឡិចត្រូនិកនេះ នឹងបង្កភាពកាន់តែងាយស្រួល ដល់ការធ្វើពាណិជ្ជកម្មឆ្លងកាត់ព្រំដែន។
អគ្គបណ្ឌិតសភាចារ្យ អូន ព័ន្ធមុនីរ័ត្ន បានកត់សម្គាល់ថា បច្ចុប្បន្ន ក្រុមហ៊ុនបច្ចេកវិទ្យាធំៗជាច្រើនរបស់ចិនកំពុងវិនិយោគ និងមានប្រតិបត្តិការអាជីវកម្មនៅកម្ពុជា។ កម្ពុជាក៏មានកិច្ចសហការប្រតិបត្តិការថ្មីៗ រវាងវិស័យសាធារណៈ និងវិស័យឯកជនរបស់ចិនផងដែរ ដែលក្នុងនោះ រួមមាន ការរៀបចំធ្វើបរិវត្តកម្ម ឌីជីថល ក្នុងវិស័យសាធារណៈ តាមរយៈក្រសួងប្រៃសណីយ៍ និងទូរគមនាគមន៍ ជាមួយក្រុមហ៊ុន Hauwei, កិច្ចសហប្រតិបត្តិការ លើនវានុវត្តន៍ឌីជីថល ការតភ្ជាប់ក្នុងតំបន់ និងការចែករំលែកចំណេះដឹងអំពីបច្ចេកវិទ្យាឌីជីថល តាមរយៈក្រសួងឧស្សា ហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ ជាមួយស្ថាប័ន China-ASEAN information Harbor ជាដើម។
នៅក្នុងក្របខ័ណ្ឌនៃកិច្ចសហប្រតិបត្តិការសម្រាប់សេដ្ឋកិច្ចឌីជីថល កម្ពុជា-ចិន កំពុងសហការគ្នាយ៉ាងជិតស្និទ្ធ។ សម្រាប់ពាណិជ្ជកម្មតាមប្រព័ន្ធអេឡិចត្រូនិក កម្ពុជាកំពុងអនុវត្តគម្រោង Go4eCam ដែលបានរួមចំណែកក្នុងការអភិវឌ្ឍពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា។ កាលពីឆ្នាំ ២០២៣ កម្ពុជាក៏បានចុះអនុស្សារណៈភាពជា ដៃគូនៃវេទិកាពាណិជ្ជកម្មពិភពលោកបែបអេឡិចត្រូនិក (electronic World Trade Platform-eWTP) ជាមួយក្រុមហ៊ុន Alibaba ដើម្បីជំរុញការនាំចេញ ការពង្រីកទីផ្សារពាណិជ្ជកម្មអេឡិចត្រូនិក ការកសាងសមត្ថភាព និង បច្ចេកវិទ្យា ឌីជីថល និងវិស័យទេសចរណ៍ ផងដែរ ។
សូមរំលឹកដែរថា គិតត្រឹមខែតុលា ឆ្នាំ២០២៤ កម្ពុជាមានរោងចក្រ ដែលមានប្រភពវិនិយោគពីសាធារណរដ្ឋប្រជាមានិតចិនចំនួន ១.២៧៣ ក្នុងទំហំទុនវិនិយោគចំនួន ៩,០៨៦ ប៊ីលានដុល្លារអាមេរិក ស្មើនឹងប្រមាណ ៤៥,៤៩% នៃទុនវិនិយោគសរុប៕
Account
Security
Favourite Content