សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការដាំដុះបន្លែស្លឹក រួមមានដូចជា ស្ពៃ សាលាដ ខាត់ណា ជាដើម ទាមទារឱ្យកសិករចេះពីបច្ចេកទេសក្នុងការបណ្ដុះគ្រាប់ពូជ និងផ្សាំកូនដំណាំឱ្យបានល្អជាមុនសិន ទើបអាចទទួលបានទិន្នផលល្អនៅពេលយកទៅដាំលើថ្នាល ដែលធ្វើឱ្យដំណាំឆាប់លូតលាស់ធំ និងមានដើមថ្លោសល្អ។
ផ្អែកលើបទពិសោធបណ្ដុះកូនដំណាំរបស់លោក នី ប៊ុនថា ដែលជាអ្នកជំនាញដាំដំណាំផង និងជាម្ចាស់គេហទំព័រចែករំលែកចំណេះដឹងកសិកម្មផង បានប្រាប់ឱ្យដឹងថា ការដាំបន្លែស្លឹក ការបណ្ដុះគ្រាប់ពូជជាចំណេះដឹងដំបូងដែលបងប្អូនប្រជាកសិករ ក៏ដូចជាអ្នកដាំ គួរយកចិត្តទុកដាក់ជាសំខាន់ ដើម្បីដាំដំណាំឱ្យបានជោគជ័យ និងធ្វើឱ្យពូជដំណាំមានសុខភាពល្អ ហើយដាំទៅទទួលបានទិន្នផលខ្ពស់។
អ្នកជំនាញកសិកម្មរូបនេះបានបញ្ជាក់ថា មុននឹងបណ្ដុះ កសិករគួរជ្រើសរើសគ្រាប់ពូជណាដែលល្អ មានការរក្សាទុកត្រឹមត្រូវ ជាគ្រាប់ពូជដែលថ្មី និងមានប្រភពច្បាស់លាស់ ដូចជាប្រភេទស្ពៃ ខាត់ណា សាលាដស្រួយ ជាដើម ដែលមានដើមតូចៗ អាចដាក់បណ្ដុះក្នុងផើងសិន ទើបអាចយកទៅផ្សាំបន្តទៀតបាន។
ដោយឡែក ពាក់ព័ន្ធនឹងការបណ្ដុះនេះផងដែរ គ្រាដំបូងគេត្រូវយកស្រកីដូងម៉ដ្ឋ ឬជាប្រភេទដីមមោក មកដាក់ក្នុងផើងតូចៗ ឬជាធុងដែលអាចដាក់កម្ទេចស្រកីដូងបាន ដោយឡែកស្រកីដូងនេះផងដែរ គេត្រូវរែងយកតែកម្ទេចម៉ដ្ឋៗល្អ ចៀសវាងយកស្រកីដូងមានសរសៃច្រើនដែលអាចធ្វើឱ្យកូនដំណាំមិនដុះលូតល្អ។
បន្ទាប់មក យកគ្រាប់ពូជដំណាំមករោយលើស្រកីដូងនេះស្ដើងៗ រួចយកមេអរម៉ូនលាយជាមួយនឹងទឹកដើម្បីបាញ់ទៅលើគ្រាប់ពូជ ដោយប្រើក្បាលបាញ់មុខតូច បាញ់ទៅលើផើងដំណាំឱ្យជោគល្មមប្រមាណ ៦០ភាគរយនៃល្បាយ។ ក្រៅពីនេះ ត្រូវយកប្លាស្ទិក ឬក្រដាសឡាំងមកគ្របពីលើផើង លុះទុករយៈពេលមួយយប់ គ្រាប់ពូជនឹងអាចលូតលាស់ដុះពន្លកឡើង ឬេគហៅថា បែកមាត់ចាប។
បន្ទាប់ពីគ្រាប់ពូជលូតលាស់ស្រុះគ្នាប្រមាណ ៦០-៧០ភាគរយហើយ គេអាចបើកតង់ ឬយកវាដាក់ចេញ សំដឹលហាលថ្ងៃនាពេលព្រឹក ហើយយកចូលវិញនៅពេលថ្ងៃក្ដៅខ្លាំង ឯការស្រោចទឹក ត្រូវផ្ដល់សំណើមតិចៗនៅពេលឃើញស្រកីដូងមើលទៅស្ងួត ប៉ុន្តែចៀសវាងស្រោចទឹកច្រើនពេកដែលអាចបណ្ដាលឱ្យកើតផ្សិត។
គួរកត់ចំណាំថា នៅពេលកូនដំណាំធំល្មម អ្នកដាំអាចយកវាទៅផ្សាំទាំងលើដី ឬប្រើអេប៉ុង ដោយឡែកការផ្សំនៅលើដី គេត្រូវការលាយដីបញ្ចូលគ្នា ដូចជា ដីមុខលើប្រមាណ ៤០ភាគរយ ធ្យូងអង្កាម ជីលាមកសត្វ និងកម្ទេចស្រកីដូង យកដីទាំងនេះទៅដាក់ក្នុងត្រេបរិមាណសមល្មម មិនហាប់ពេក មិនធូរពេក រួចយកកូនដំណាំពីក្នុងផើងមកផ្សំតាមប្រឡោះត្រេ។
បន្ទាប់ពីផ្សាំហើយ កូនដំណាំត្រូវការជីជាតិពីដីផង ហើយគេក៏អាចបន្ថែមសារធាតុបំប៉ន ដូចជាប្រភេទអរម៉ូនលាយជាមួយទឹកដើម្បីបាញ់ទៅលើកូនដំណាំ ទើបវាឆាប់លូតលាស់បានល្អ ហើយបន្តការថែទាំបែបនេះរហូតដល់កូនដំណាំធំល្មមទើបដកយកទៅដាំផ្ទាល់នៅលើថ្នាល ឬអាចរក្សាទុកក្នុងត្រេនេះក៏បាន៕
Account
Security
Favourite Content