សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចេក ជាដំណាំមួយប្រភេទដែលគេអាចដាំដុះជាលក្ខណៈគ្រួសារនៅជុំវិញផ្ទះ ឬជាលក្ខណៈចំការទ្រង់ទ្រាយធំ ជាពិសេសនៅតាមបណ្តាខេត្ត ហើយអាចទាញយកអត្ថប្រយោជន៍ជាច្រើន រាប់តាំងពីផ្លែ ត្រយោង ស្លឹក ស្រទប និងដើម។ បន្ថែមពីនេះ ក្រោមគំនិតច្នៃប្រឌិត គេក៏អាចយកដើមចេកធ្វើជាថ្នាលសម្រាប់ដាំស្លឹកខ្ទឹម ហើយទទួលបានផលល្អមិនចាញ់ដាំលើដីនោះទេ។
តាមរយៈវីដេអូខ្លីមួយដែលត្រូវបានបង្ហាញនៅក្នុងបណ្តាញទំនាក់ទំនងសង្គមគណនី «យល់ដឹងពីកសិកម្ម» បានបង្ហាញពីបច្ចេកទេសនៃការកែច្នៃដើមចេកដែលធ្លាប់តែត្រូវបានគេមើលរំលងពីអត្ថប្រយោជន៍ ឬបោះបង់ចោលនោះ ដើម្បីដាំស្លឹកខ្ទឹម ហើយទទួលបានផលល្អស្ទើរមិនគួរឱ្យជឿ។ នៅក្នុងវីដេអូដដែលនេះបានបង្ហាញថា ដើម្បីអាចអនុវត្តនូវវិធីកែច្នៃនេះបាន កសិករត្រូវយកដើមចេកណាដែលមានទំហំធំល្មម ហើយកាត់សម្អាតផ្នែកដែលខូចៗ(ស្អុយ រលួយ)ចោល រួចចោះប្រឡោះតាមបណ្ដោយដើមទំហំល្មមដែកអាចដាក់មើមខ្ទឹមចូល និងត្រូវមានគម្លាតឃ្លាតៗគ្នាល្មមដែលដើមស្លឹកខ្ទឹមអាចបែកគុម្ពបានល្អ។
ចំពោះមើមខ្ទឹមក្រហម គេត្រូវកាត់ឫស និងក្បាលវាចេញ រួចយកទៅដាក់ក្នុងប្រឡោះដើមចេកដែលបានចោះរួច។ យកដើមចេកដែលដាក់មើមខ្ទឹមរួចហើយទៅដាក់លើធ្នើណាមួយផុតពីដី និងដាក់ឱ្យត្រូវពន្លឺថ្ងៃទើបស្លឹកខ្ទឹមអាចលូតលាស់បានល្អ។ ក្នុងរយៈពេលមួយសប្ដាហ៍ក្រោយមក មើមខ្ទឹមនឹងដុះចេញជាពន្លកប្រមាណ ២ថ្នាំងដៃ លុះដល់ ១៥ថ្ងៃ ស្លឹកខ្ទឹមចាប់ផ្ដើមបែកគុម្ព ចំណែកឯដើមចេកក៏ចាប់ផ្ដើមស្វិតក្រៀមជាបន្តបន្ទាប់រហូតដល់រយៈពេល ២០ថ្ងៃ ទើបស្លឹកខ្ទឹមលូតលាស់ល្អល្មមអាចកាត់យកទៅបរិភោគបាន។
តាមរយៈការកែច្នៃនេះ កសិករដែលមានធនធានជុំវិញផ្ទះស្រាប់ ដូចជា ដើមចេក ឬផ្ទៃដីនៅទំនេរ ក៏អាចសាកល្បងដាំបាន ដែលវាជាផ្នែកមួយក្នុងការកែច្នៃ និងប្រើប្រាស់ធនធានដែលមានស្រាប់ឱ្យអស់ពីលទ្ធភាពដើម្បីទទួលផលប្រយោជន៍ ក៏ដូចជាការកាត់បន្ថយចំណាយលើការទិញបន្លែសម្រាប់មុខម្ហូបប្រចាំថ្ងៃបានមួយផ្នែកផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content