សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
យោងតាមតួលេខចុងក្រោយដែលមិនអាចលាក់បាំងបាននោះបានបង្ហាញថា បច្ចុប្បន្ននេះ សហរដ្ឋអាមេរិកបើទោះបីជាមានឈ្មោះជាប្រជាជាតិដែលមានទ្រព្យសម្បត្តិច្រើនបំផុតលើពិភពលោកក្ដី ប៉ុន្តែបើផ្អែកទៅលើផលិតផលក្នុងស្រុក (GDP) និងចំនួននៃពលរដ្ឋដែលរស់នៅក្នុងភាពក្រីក្រនៅមានចំនួនខ្ពស់ធៀបទៅនឹងបណ្តាប្រទេសផ្សេងទៀតដែលមានសេដ្ឋកិច្ចខ្លាំង។
តួលេខជំរឿនចុងក្រោយ និងត្រូវបានយកមកចេញផ្សាយដោយ CNBC បានបង្ហាញថា បច្ចុប្បន្នផលិតផលក្នុងស្រុកសរុបរបស់អាមេរិកមានប្រមាណជា ២៣,៣១ទ្រីលានដុល្លារ ប៉ុន្តែពលរដ្ឋអាមេរិកក្នុងចំនួនទៅដល់ ៣៧,៩លាននាក់ ឬត្រូវជា ១១,៦ភាគរយដែលកំពុងរស់នៅក្រោមបន្ទាត់ភាពក្រីក្រ។ ទោះបីជាយ៉ាងណាក្តី ភាពក្រីក្ររបស់អាមេរិកត្រូវបានគេមើលឃើញថាគឺមិនមែនបង្កមកពីបញ្ហាវិបត្តិមនុស្សធម៌នោះឡើយ ប៉ុន្តែវាត្រូវបានចាត់ទុកថាជាបញ្ហាវិបត្តិសេដ្ឋកិច្ចនោះទៅវិញទេ។
អាមេរិក ជារៀងរាល់ឆ្នាំបានបញ្ចេញថវិការដ្ឋដល់ទៅ ១១ភាគរយនៃចំណែកថវិកាប្រចាំឆ្នាំទាំងអស់ ឬត្រូវជា ៦៦៥ពាន់លានដុល្លារចូលទៅក្នុងកម្មវិធីសន្តិសុខសេដ្ឋកិច្ចរបស់ប្រទេស (Economic Security Programs)។ កម្មវិធីដែលនឹងត្រូវប្រើប្រាស់ថវិកាចាំបាច់ទៅលើកិច្ចការងារសំខាន់ៗដូចជាសន្តិសុខសង្គម ជំនួយស្បៀងអាហារ ឥណទានពន្ធ និងជំនួយលំនៅដ្ឋានដែលអាចជួយផ្តល់ឱកាសតាមរយៈការសម្រាលភាពក្រីក្រ និងការលំបាករយៈពេលខ្លី និងក៏ដូចជាសម្រាប់ធ្វើឱ្យប្រសើរឡើងនូវលទ្ធផលរយៈពេលវែងសម្រាប់ពលរដ្ឋដែលជាកុមារផងដែរ។
យ៉ាងណាក៏ដោយ បើទោះបីជាបានចំណាយថវិកាច្រើនលើសលប់ក្នុងការចូលរួមកិច្ចការងារអន្តរជាតិដើម្បីកាត់បន្ថយភាពក្រីក្រជាមួយនឹងបណ្តាប្រទេសផ្សេងៗក្តី ប៉ុន្តែភាពក្រីក្ររបស់អាមេរិកខ្លួនឯងហាក់ដូចជាមានភាពអាក្រក់ទៅៗ និងមិនទាន់អាចដោះស្រាយបាននៅឡើយចំពោះបញ្ហាភាពក្រីក្រក្នុងប្រទេសរបស់ខ្លួនឯងអស់រយៈពេលជាច្រើនឆ្នាំ ខណៈដែលគិតត្រឹមបញ្ហាភាពក្រីក្ររបស់កុមារ (Child Poverty) ប៉ុណ្ណោះ បានធ្វើឲ្យអាមេរិកខាតបង់ទឹកប្រាក់អស់ប្រមាណជា១ទ្រីលានដុល្លារមកហើយ។
នៅក្នុងរបាយការណ៍ស្រាវជ្រាវចុងក្រោយមួយដែលបានធ្វើឡើងដោយទូរទស្សន៍ CNBC បានរកឃើញថា បញ្ហាភាពក្រីក្រនៅក្នុងប្រទេសអាមេរិកគឺជាវិបត្តិជាយូរឆ្នាំមកហើយ ហើយមកទល់នឹងពេលបច្ចុប្បន្ននេះ អាមេរិកខ្លួនឯងនៅមិនទាន់អាចដោះស្រាយ ឬធ្វើឲ្យប្រសើរឡើងនូវវិបត្តិដ៏រាំរ៉ៃនេះនៅឡើយ។ ចំណងជើងដែល CNBC បានដាក់ធំៗទាំងនៅលើអត្ថបទសរសេរ និងព័ត៌មានជាវីដេអូនោះមានឈ្មោះថា Why The U.S. Can’t End Poverty ឬមានន័យថា ហេតុអ្វីមកទល់ពេលនេះអាមេរិកនៅតែមិនទាន់អាចបញ្ចប់វិបត្តិក្រីក្រនៅក្នុងប្រទេសនៅឡើយ។ គួរឲ្យដឹងដែរថា ក្រុមអ្នកជំនាញសេដ្ឋកិច្ចរបស់ CNBC បានធ្វើការស្រាវជ្រាវ និងពិនិត្យទៅលើស្ថានភាពទូទៅ និងជាក់ស្តែងចំនួន៣នៃវិបត្តិរបស់អាមេរិកមួយនេះក្នុងនោះទី១ គឺជាមូលហេតុដែលនាំកើតមាននៃបញ្ហាក្រីក្រ, ទី២ទៅលើរបៀបនៃការវាស់វែងភាពក្រីក្រ ហើយទី៣គេបានសិក្សាទៅលើដំណោះស្រាយជារួមនាពេលកន្លងមក និងបច្ចុប្បន្ន៕
Account
Security
Favourite Content