សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ មានដីទំនេរនៅក្បែរផ្ទះសូមកុំទុកចោល គួរកែច្នៃដីដាំដុះបង្កបង្កើនផលដំណាំផ្សេងៗ បានទាំងបន្លែសុវត្ថិភាពសម្រាប់បរិភោគដើម្បីសុខភាពខ្លួនឯងហើយ បានទាំងប្រាក់ចំណូលសម្រាប់ដោះស្រាយជីវភាពប្រចាំថ្ងៃមួយចំណែកថែមទៀត។
លោក សៀង សាម៉េត កសិករប្រកបរបធ្វើស្រែវស្សានៅក្នុងភូមិស្តុកជុំ ឃុំកោះជុំ ស្រុកកណ្តៀង ខេត្តពោធិ៍សាត់ បានឱ្យដឹងថា ក្រៅពីទំនេរក្រោយធ្វើស្រែ លោកតែងឆ្លៀតដាំដំណាំនៅក្បែផ្ទះដោយរៀបចំដាក់ដីក្នុងធុងស្នោ និងសំបកកង់ឡានចាស់ៗសម្រាប់ដាំ រួមមាន ស្ពៃ សាឡាត់ ប៉េងប៉ោះ ត្រប់ ម្ទេស ត្រគួន ជីនាងវងជាដើម ដែលអាចផ្តល់ផលនូវបន្លែសុវត្ថិភាពគ្រាន់បានទទួលទានផង និងអាចរកចំណូលបានយ៉ាងហោចណាស់ប្រមាណជា ១០ ០០០រៀលជាប្រចាំថ្ងៃផងដែរ។
លោកបញ្ជាក់ថា ៖
«កាលដើមឡើយ ខ្ញុំគ្រាន់តែដាំដុះទុកគ្រាន់ហូបក្នុងគ្រួសារខ្លួនឯងតែប៉ុណ្ណោះ ប៉ុន្តែនៅពេលបន្លែឱ្យផល អ្នកភូមិនៅក្បែរនោះបានឃើញ គាត់ចេះតែមកសុំទិញ ពីម្នាក់ទៅម្នាក់ជារៀងរាល់ថ្ងៃ តែដោយសារដីខ្ញុំតូច មិនបានច្រើននោះទេ ពោលគឺមួយថ្ងៃបានត្រឹម ១ម៉ឺនរៀល ឬជាងមួយម៉ឺនប៉ុណ្ណោះ»។
កសិករខាងលើនេះអះអាងថា លោកបានដាំដុះដំណាំវិលជុំនៅបរិវេណជុំវិញផ្ទះអស់រយៈពេលជាង១០ឆ្នាំមកហើយ ហើយរបរនេះមិនអាចរកលុយបានច្រើននោះទេ ប៉ុន្តែយ៉ាងហោចណាស់គ្រាន់បានហូបខ្លះៗ ជាពិសេស អាចទទួលបានថវិកាពីការលក់បន្លែសុវត្ថិភាពដែលអ្នកជិតខាងមកទិញ និងយកទៅទិញត្រី សាច់ នៅលើទីផ្សារវិញ ព្រោះវាគ្រាន់តែជាចំណូលបន្ទាប់បន្សំដែលទទួលបានពីពលកម្មក្រោយធ្វើស្រែតាមរដូវ។
លោក ឡេង សុទ្ធចិន្តា មេភូមិស្តុកជុំ បានមានប្រសសាសន៍ថា ក្រៅពីរបរធ្វើស្រែ គ្រួសារលោកក៏បានអនុវត្តការដាំដុះដំណាំជំុវិញផ្ទះសម្រាប់ទុកហូបក្នុងគ្រួសារ និងបានផ្ញើឱ្យកូនខ្លះៗដែលកំពុងធ្វើការនៅក្រុងភ្នំពេញ ហើយនៅសល់ប៉ុន្មាន លោកអាចលក់បានប្រាក់ចំណូលខ្លះៗសម្រាប់ដោះស្រាយជីវភាពផងដែរ។
លោកថា ៖
«សម្រាប់គ្រួសារខ្ញុំបានដាំដុះដំណាំនេះច្រើនឆ្នាំហើយ ព្រោះសល់ពេលទំនេរច្រើនក៏ច្នៃដីក្បែផ្ទះកុំឱ្យទុកចោល ព្រោះគិតថាវាមានប្រយោជន៍ បានទាំងបន្លែធម្មជាតិហូបដាំដោយខ្លួនឯងផង បានផ្ញើឱ្យកូនចៅហូបខ្លះផង និងមានអ្នកភូមិជិតខាងមកទិញជាប្រចាំផងដែរ»។
សូមជម្រាបថា លោក ឡេង សុទ្ធចិន្តា មានដីក្បែរផ្ទះប្រមាណជាង ៣០អា ដាំដំណាំចម្រុះ រួមមាន ស្លឹកគ្រៃ ជីនាងវង ត្រប់ ម្ទេស ម្រះ ពពាយ និងបន្លែស្លឹកច្រើនប្រភេទ ដែលអាចរកចំណូលចន្លោះពី ១ម៉ឺនរៀល ទៅ ១ម៉ឺន ៥ពាន់រៀលជារៀងរាល់ថ្ងៃ។ ក្រៅពីការដាំដំណាំវិលជុំ លោកក៏បានចិញ្ចឹមមាន់ផងដែរ ដែលអាចចាប់លក់បានជាបន្តបន្ទាប់មួយលើកចន្លោះពី ២០ម៉ឺនរៀលទៅ ៣០ម៉ឺនរៀល ទៅតាមចំនួនមាន់តិច ឬច្រើន។
គួរបញ្ជក់ថា នៅក្នុងភូមិស្តុកជុំ មានពលរដ្ឋសរុបចំនួន ៤៦៧គ្រួសារ និងមានកសិករចាប់យករបរដាំដំណាំតាមផ្ទះមានចំនួនប្រមាណជាង ២០គ្រួសារប៉ុណ្ណោះ ដែលដំណាំទាំងនេះទទួលបានការឧបត្ថម្ភ ការបណ្តុះបណ្តាលជំនាញ បច្ចេកទេស ពីអង្គការមិត្តជួយមិត្តដើម្បីសួនដំណាំកម្ពុជាប្រចាំខេត្តពោធិ៍សាត់។
អ្នកនាង អ៊ិន សក្ករ៉ា នាយិការអង្គការមិត្តជួយមិត្តដើម្បីសួនដំណាំកម្ពុជា មានប្រសាសន៍ថា ដើម្បីទទួលបន្លែស្រស់ៗហូបលក្ខណៈគ្រួសារ និងលក់បានចំណូលជាប្រចាំនោះ កសិករត្រូវអនុវត្តដំណាំវិលជុំ ពោលនៅពេលដំណាំមួយប្រមូលផលជិតអស់ ត្រូវចាប់ផ្តើមដាំដំណាំផ្សេងបន្តទៀត ដែលដំណាំទាំងនោះជាប្រភេទបន្លែធម្មជាតិ គ្មានសារធាតុគីមី និងមានសុវត្ថិភាពសម្រាប់សុខភាព។
គម្រោងនេះត្រូវបានបង្កើតឡើងតាំងពីឆ្នាំ២០១៩ ដោយតំណាក់កាលដំបូង អង្គការបង្រៀនកសិករប្រមាណជា ១៧គ្រួសារ ឱ្យក្លាយជាគ្រូបង្គោលនៅក្នុងស្រុកកណ្តៀង និងស្រុកបាកាន ខេត្តពោធិ៍សាត់។ ដោយមានជំនួយគាំទ្រថវិកាពីអង្គកនៅក្រៅប្រទេស មកទល់ឆ្នាំ២០២៦នេះ អង្គការបានបណ្តុះបណ្តាលពលរដ្ឋប្រមាណ ១២៥៤ គ្រួសារ សំដៅទៅលើពលរដ្ឋងាយរងគ្រោះ ជនពិការ ស្រ្តីម៉េម៉ាយ មនុស្សចាស់ ដែលមើលថែកូនចៅនៅផ្ទះជាដើម៕
Account
Security
Favourite Content