មោទនភាព ៖ កម្ពុជា ​ជាប់ចំណាត់ថ្នាក់១លេខ​លើ​ពិភពលោកជា​ប្រទេស​ដែល​និរន្តរភាពដីធ្លី និងមានធនធាន​ល្អជាងគេ​

ភ្នំពេញ ៖ យោងតាមការ​សិក្សា​ស្រាវជ្រាវ​របស់​ U.S News & World Report បានយកមកផ្សព្វផ្សាយបន្តដោយ Asian Speech បង្ហាញឱ្យដឹងថា កម្ពុជា ​ជាប្រទេសជាប់ចំណាត់ថ្នាក់លេខ១ ក្នុង​តំបន់អាស៊ីអាគ្នេយ៍ និ​ងនៅលើ​ពិភពលោក​ជា​ប្រទេសដែល​មាននិរន្តរភាពដីធ្លី និងធនធានធម្មជាតិ​ល្អបំផុត​ ។

បើតាមការ​ចុះផ្សាយ​របស់​សារព័ត៌មានសហរដ្ឋអាមេរិក​បានឱ្យដឹងថា របាយការណ៍ដែលបានចាត់​ចំណាត់ថ្នាក់​លើប្រទេស​នៅក្នុងពិភពលោក​ជា​ប្រទេសដែលមានិរន្តរភាពដីធ្លី និងធនធា​ល្អជាង​គេ ដោយផ្អែក​លើ​សូចនាករ​សំខាន់ៗដែលវិជ្ជមាន រួមទាំង​ការ​កាត់បន្ថយបំភាយ​ឧស្ម័ន​កាបូន ការទប់ស្កាត់​កាប់បំផ្លាញព្រៃឈើ មានតំបន់​ធម្មជាតិដែល​ស្ថិតនៅក្នុង​ដែនការពារ ការអនុវត្ត​ពាណិជ្ជកម្ម​ប្រកបដោយនិរន្តរភាព និងការ​គ្រប់គ្រ​ងធនធានទឹក ។

តាមការ​វាយតម្លៃ​ និងដាក់ចំណាត់​ថ្នាក់​ប្រទេស​ដែលមាននិរន្តរភាព​ដីធ្លី ក៏បានផ្អែកលើ​របាយការណ៍​នៃការ​វាស់វែង និងចុះបញ្ជី​ដីធ្លី ផងដែរ ហើយជាក់ស្ដែង​ កម្ពុជាបានសម្រេចការ​វាស់វែង​ដីធ្លី​បញ្ចប់ជាស្ថាពរ និងកំពុង​ដំណើរការ​ចុះបញ្ជី និ​ងត្រៀម​ចេញ​បណ្ណជូនម្ចាស់​កម្មសិទ្ធិដីធ្លីឱ្យបានគ្រប់ៗគ្នា មិនថា​កម្មសិទ្ធិ​ឯកជន ជាកម្មសិទ្ធិ​សមូហភាព និងជា​កម្មសិទ្ធិ​ឯកជន​របស់​រដ្ឋនោះទេ ។

នៅក្នុង​ឱកាស​អញ្ជើញ​ចូលរួមក្នុងវេទិកា​របស់​អង្គការសហប្រជាជាតិ​ នាទីក្រុ​ងបាគូ ប្រទេស​អាល់​ស៊ែបៃហ្សង់ កាលពី​ដើម​សប្ដាហ៍​នេះ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា​ កម្ពុជា រំពឹងថានឹងដោះស្រាយបញ្ហានៃការតាំងទីលំនៅក្រៅផ្លូវការទាំងស្រុងនាពេលអនាគតដ៏ខ្លីខាងមុខនេះ ។ ក្នុងន័យនេះ ប្រជាជនកម្ពុជា​ទូ​ទាំង​ប្រទេស នឹង​ទទួលបានលំនៅឋានជាក់​លាក់​មួយ​សមរម្យ​ ក្នុងពេលដែល​រាជរដ្ឋាភិបាល​តាមរយៈក្រសួងរៀបចំដែនដី នគរូបនីយកម្ម និងសំណង់​ ក៏នឹង​ចុះបញ្ជី​ដីធ្លី​ជូនពលរដ្ឋ​ទូទាំងប្រទេស​ឱ្យអស់​ទាំ​ងស្រុង​នា​ពេលឆាប់ៗនេះដែរ​ ។

ឯកឧត្តម ឧបនាយករដ្ឋមន្ត្រី សាយ សំអាល់ បានលើកឡើងថា ក្នុងរយៈពេល១០ឆ្នាំកន្លងមកនេះ រដ្ឋាភិបាលកម្ពុជាបានផ្តល់ដីកសិកម្ម និងលំនៅដ្ឋានដល់ប្រជាពលរដ្ឋរាប់​ច្រើនម៉ឺននាក់ និងបានប្រែជីវភាពរបស់ពលរដ្ឋក្រីក្រចំនួន ៥សែនគ្រួសារផ្លាស់ប្តូរទៅជាគ្រួសារដែលមានជីវភាពមធ្យម ។​ ជាមួយគ្នានេះ រដ្ឋាភិបាលកម្ពុជា ក៏កំពុងជួយដល់ប្រជាពលរដ្ឋដែលរស់នៅក្នុងតំបន់តាំងទីលំនៅក្រៅផ្លូវការ ឱ្យទទួលបានការងារធ្វើ អាចទទួលបានកម្ចីក្នុងអត្រាការប្រាក់ទាប រួមជាមួយនឹងកម្មវិធីសន្សំ និងលំនៅដ្ឋានថ្មី ។

ឯកឧត្តម​ តឹករ៉េត សំរេច រដ្ឋលេខាធិការ​ ក្រសួង​រៀបចំដែនដី នគរូបនីយកម្ម និងសំណង់ បានមានប្រសាសន៍​នៅក្នុងវេទិកា​មួយ​កាលពីពេលថ្មីៗនេះឱ្យដឹង​ថា កម្ពុជា​គ្រោងនឹង​បញ្ចប់ការ​ចុះបញ្ជីដីធ្លី​ទាំង​ស្រុង​នៅអំឡុងឆ្នាំ២០២៧ ហើយចាប់ពីពេលនោះតទៅ កម្ពុជា​នឹងលែង​មានវិវាទដីធ្លី និង​លែង​មានការទិញដីអត់ប្លង់ទៀតហើយ ។​

ឯកឧត្តម​បន្តថា ចាប់តាំងពីឆ្នាំ២០២៧​ តទៅ រាជរដ្ឋាភិបាលនឹង​អាច​គ្រប់គ្រង​ដីធ្លីបានកាន់តែល្អ និងជាការសម្រួលដល់​ការ​វិនិយោគលើវិស័យដីធ្លី ដោយអ្នកវិនិយោគទាំងក្នុង និងក្រៅប្រទេស​ អាចដឹង​អត្ត​សញ្ញាណ​ម្ចាស់​ដីបាន​យ៉ាង​ងាយ​ស្រួលែងពិបាកទៀត​ហើយ ។​

ឯកឧត្តម ​ខ្វៃ អាទិត្យា អ្នកនាំពាក្យ​ក្រសួង​បរិស្ថាន បានមានប្រសាសន៍ប្រាប់បណ្ដាញព័ត៌មាន​ AMS ឱ្យដឹងដែរថា បច្ចុប្បន្ន​កម្ពុជា​មានតំបន់​ការពារ​ធនធាន​ធម្មជាតិ​ចំនួន ៧៣ទីតាំង សរុបជា​ផ្ទៃដីរហូតដល់ ៧លានហិកតា ឬស្មើនឹ​ងប្រមាណ ​៤១ភាគរយ នៃផ្ទៃដីប្រទេស ដែលមានអត្រា​ខ្ពស់បំផុត​បើប្រៀបធៀបនឹង​ប្រទេ​សផ្សេងទៀត​នៅក្នុងតំបន់អាស៊ី និងលើពិភពលោក ។

ឯកឧត្តម​មានប្រសាសន៍ថា តំបន់ការពារធម្មជាតិទាំង ៧៣ទីតាំង បាន និងកំពុងផ្តល់នូវផលសេដ្ឋកិច្ចដល់ប្រជាសហគមន៍នៅតាមមូលដ្ឋានតាមរយៈការទទួលបានចំណូលពីអនុផលព្រៃឈើ និងការផ្តល់សេវាទេសចរណ៍ ជាពិសេសអាចរក្សាបាននូវប្រភពទឹក ធ្វើឱ្យដីមានសំណើមអនុគ្រោះដល់ការដាំដុះ និងអាចទប់ទល់ការបម្រែបម្រួលអាកាសធាតុបានយ៉ាងប្រសើរ ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា


Leave a Reply

Your email address will not be published.Required fields are marked *