សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាចជាការជួយជ្រោមជ្រែងដ៏ល្អប្រសើរតាមរយៈការផ្តល់នូវប្រាក់កម្ចី ឬឥណទានពីវិស័យឯកជនស្របតាមគោលនយោបាយរបស់រាជរដ្ឋាភិបាលទៅដល់ម្ចាស់សហគ្រាសធុនតូច ឬមធ្យម ក៏ដូចជាម្ចាស់អាជីវកម្មក្នុងវិស័យ SME បើទោះជាគ្មានទ្រព្យធានាក៏អាចទទួលបានកម្ចី តាមវិធីសាស្ត្រមួយចំនួន។
សហគ្រាសធនតូច និងមធ្យម ឬហៅថា SME គឺសំដៅលើអាជីវកម្មតូចៗ ដែលបានរួមចំណែកក្នុងសេដ្ឋកិច្ចជាតិ។ វិស័យនេះបានទទួលការគាំទ្រពីសំណាក់រដ្ឋាភិបាលពេញទំហឹងក្នុងរយៈពេលប៉ុន្មានឆ្នាំចុងក្រោយ ដោយមានគោលបំណងពង្រឹងអាជីវកម្មពលរដ្ឋឲ្យមានភាពរឹងមាំឡើងវិញ ជាពិសេសក្នុងវិបត្តិកូវីដ១៩នេះ។
កាលពីចុងខែមេសា ឆ្នាំ២០២១ រាជរដ្ឋាភិបាលបានសម្រេចដាក់ឲ្យដំណើរការគម្រោងសហហិរញ្ញប្បទានដើម្បីទ្រទ្រង់សហគ្រាសធុនតូច និងមធ្យមជាមួយទំហំទឹកប្រាក់ ១០០ លានដុល្លារអាមេរិក ដែលនេះជាការអនុគ្រោះមួយដ៏ប្រសើរមួយសម្រាប់អនាគតវិស័យ SME។ សម្រាប់ការស្នើសុំខ្ចីឥណទាននេះ បើទោះបីជាពួកគេមិនមានទ្រព្យសម្រាប់បញ្ចាំក៏ដោយ ក៏អាចមានលទ្ធភាពក្នុងការទទួលបានកម្ចី ដោយតម្រូវឲ្យមានភ្ជាប់ជាមួយនូវឯកសារចាំបាច់ និងលក្ខខ័ណ្ឌមួយចំនួន ដើម្បីអាចធានាដល់ភាពរីកចម្រើនទាំងធនាគារ និងអ្នកខ្ចី។
លោកបណ្ឌិត គា បូរាណ នាយកប្រតិបត្តិនៃគ្រឹះសា្ថនមីក្រូហិរញ្ញវត្ថុ (AMK) បានមានបញ្ជាក់ថា SME នៅតែអាចទទួលបានខ្ចីទោះមិនមានទ្រព្យបញ្ចាំ។
លោកបានមានប្រសាសន៍ថា ៖
«យើងផ្ដល់ឥណទានដល់ SME ដែលពុំមានដាក់ប្លង់ដី ប្លង់ផ្ទះ ដោយប្រើព័ត៌មានផ្សេងជំនួស ដូចជា ផ្អែកលើ Cash Flow របស់អតិថិជន ឬក៏ពេលខ្លះប្រើប្រាស់តួលេខជាចំណូលរបស់គាត់ជាការធានាវិញ»
ក្នុងន័យនេះ លោកបានពន្យល់ដែរថាឲ្យដឹងថា ការត្រួតពិនិត្យឃើញពីភាពច្បាស់លាស់នៃរំហូរសាច់ប្រាក់របស់អាជីវកម្ម គឺជាលទ្ធភាពមួយដែលអាចធានាបាននូវការសងត្រលប់ ដូច្នេះក្នុងករណីនេះ ស្ថាប័នរបស់លោកអនុញ្ញាតឲ្យខ្ចីឥណទានបាន។ មួយវិញទៀត ស្ថាប័នអាចប្រើប្រាស់តួលេខចំណូលប្រចាំខែរបស់ម្ចាស់អាជីវកម្មផងដែរ។ មានន័យថា បើសិនអតិថិជនជាអ្នកផ្គត់ផ្គង់ភ្លើងនៅក្នុងក្របខ័ណ្ឌជនបទ គេច្បាស់ជាមានទ័ន្នន័យពីប្រាក់ចំណូលប្រចាំខែជាក់លាក់ ដែលអាចជាព័ត៌មានសំខាន់ក្នុងការទទួលបានឥណទានពីគ្រឹះស្ថានមីក្រូហិរញ្ញវត្ថុដោយមិនចាំបាច់មានការបញ្ចាំទ្រព្យនោះទេ។
ស្រដៀងគ្នានេះដែរ អ្នកស្រី ម៉ឹង លក្ខិណា នាយិកានៃធនាគារគូកមីនកម្ពុជា ភីអិលស៊ី បានមានប្រសាសន៍ថា ៖
«ធនាគារយើងក៏មិនខុសពីគ្រឹះស្ថានមីក្រូហិរញ្ញវត្ថុដែរ! ពោលគឺយើងនៅតែផ្ដល់ឥណទានជូនអតិថិជន ប៉ុន្តែការផ្ដល់ជូននេះគឺនៅក្នុងកម្រិតដែលយើងសិក្សាឃើញថា មិនប៉ះពាល់ដល់ការសងត្រលប់មកធនាគារវិញ»
អ្នកស្រីបន្ថែមថា ការផ្ដល់ឥណទានដល់ SME ដោយមិនមានទ្រព្យបញ្ចាំគ្រប់គ្រាន់ ធនាគារក៏នៅតែអាចផ្ដល់កម្ចីបានដែរ តែក្នុងតម្លៃមួយសម្រាប់ធានាដល់ហានិភ័យដែលអាចកើតឡើងនាពេលអនាគត។
យ៉ាងណាមិញ ទាំងតំណាងវិស័យមីក្រូហិរញ្ញវត្ថុ ទាំងតំណាងធនាគា បង្ហាញឆន្ទៈមួយចង់ឃើញម្ចាស់អាជីវកម្មដែលបានដាក់ស្នើសុំឥណទាន មានការរៀបចំផែនការអាជីវកម្មជាក់លាក់មួយ ងាយស្រួលដល់វិស័យទាំងពីរក្នុងការសិក្សា។ លើសពីនេះ ម្ចាស់អាជីវកម្មត្រូវផ្ដល់នូវព័ត៌មានពិតប្រាកដពីអាជីវកម្មរបស់ខ្លួន ពោលគឺមានភាពស្មោះត្រង់ក្នុងការចែករំលែកព័ត៌មានទៅកាន់អ្នកផ្ដល់កម្ចី ដើម្បីភាពរីកចម្រើនទាំងសងខាង៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជីប ម៉ុង គាំទ្រការពង្រីកវិសាលភាពកីឡាជិះសេះនៅកម្ពុជា តាមរយៈការបង្កើតទីលានជិះសេះលំដាប់អន្តរជាតិក្រោមស្ថាបត្យកម្មបែបខ្មែរ
ព្រឹត្តិការណ៍, អត្ថបទពាណិជ្ជកម្ម
• 24/08/2026
ជីប ម៉ុង គាំទ្រការពង្រីកវិសាលភាពកីឡាជិះសេះនៅកម្ពុជា តាមរយៈការបង្កើតទីលានជិះសេះលំដាប់អន្តរជាតិក្រោមស្ថាបត្យកម្មបែបខ្មែរ
លុយយេនធ្លាក់ថ្លៃ បន្ថែមសម្ពាធលើវិបត្តិសន្តិសុខស្បៀងរបស់ជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 24/08/2026
នៅពីក្រោយវប្បធម៌ម្ហូបអាហារដ៏ល្បីល្បាញរបស់ជប៉ុន ដូចជា Sushi, Udon និង Sake ប្រទេសមហាអំណាចសេដ្ឋកិច្ចអាស៊ីមួយនេះកំពុងប្រឈមនឹងបញ្ហាសន្តិសុខស្បៀងដ៏ស្មុគស្មាញ ខណៈការពឹងផ្អែកលើការនាំចូល ការធ្លាក់ថ្លៃប្រាក់យេន និងផលប៉ះពាល់ពីគោលនយោបាយកសិកម្មចាស់ៗកំពុងបង្កើនភាពងាយរងគ្រោះ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
Account
Security
Favourite Content