ភ្នំពេញ៖ គម្រោងធានារ៉ាប់រងអាយុជីវិត គឺជាការរៀបចំផែនការហិរញ្ញវត្ថុរយៈពេលវែង ដូច្នេះអតិថិជនតែងតែមានតម្រូវការក្នុងការយល់ដឹងអំពីព័ត៌មាន និងអត្ថប្រយោជន៍នៃគម្រោង​ដែលកំពុងប្រើប្រាស់។  ដោយមើលឃើញពីតម្រូវការនេះ ក្រុមហ៊ុន មេនូឡាយហ្វ៍ ខេមបូឌា ​បានបង្កើត និង​ដាក់សម្ពោធជាផ្លូវការនូវកម្មវិធី​ Manulife Cambodia App ក្នុង​គោលបំណងផ្ដល់​លទ្ធភាព​ដល់អតិថិជន​គ្រប់គ្រង​បណ្ណសន្យារ៉ាប់រងរបស់ខ្លួនកាន់តែងាយស្រួល គ្រប់ពេលវេលា គ្រប់ទីកន្លែង ហើយស្របពេលជាមួយគ្នានេះ ក៏អាចភ្ជាប់ទំនាក់ទំនងមកកាន់​ក្រុមហ៊ុន​កាន់តែជិតស្និត រហ័ស និង​ប្រកបដោយទំនុកចិត្តផងដែរ។

កម្មវិធី​នេះ ​នឹងដើរតួជាដៃគូដ៏សំខាន់ក្នុងការ​ជំរុញលើកទឹកចិត្តអតិថិជនឱ្យសម្រេចបាននូវគោលដៅ​ហិរញ្ញ​វត្ថុរបស់ខ្លួន ដើម្បីឆ្ពោះទៅកាន់​អនាគតដ៏រឹងមាំ និងជីវិត​កាន់តែប្រសើរ។​

កម្មវិធី Manulife Cambodia App ​ឆ្លុះបញ្ចាំង​ពីការប្តេជ្ញាចិត្តយ៉ាងមុតមាំរបស់​ក្រុមហ៊ុនក្នុងការ​ផ្តល់ដំណោះស្រាយបែប​ឌីជីថលដើម្បីជំរុញសេវាកម្មឱ្យកាន់តែប្រសើរ​ និងមានទំនុកចិត្តខ្ពស់ជូន​អតិថិជន។ កម្មវិធីថ្មីនេះ ថែមទាំងចូលរួមចំណែក​ក្នុងការកាត់បន្ថយការប្រើប្រាស់ក្រដាស ដែលដើរ​ស្រប​គ្នាយ៉ាងល្អ​ឥតខ្ចោះ​ទៅនឹងយុទ្ធនាការជាសកល Manulife Impact Agenda​ ក្នុងការ​ចូលរួម​ចំណែក​ការពារបរិស្ថាន​​។

ជាមួយនឹងគោលដៅស្របគ្នានេះ ក៏ដូចជាដើម្បីអបអរសាទរដល់ការដាក់ឱ្យប្រើប្រាស់ជាផ្លូវការ​​ ក្រុមហ៊ុននឹងផ្តល់ជូនដើមឈើ ១ ដើមភ្ជាប់ជាមួយស្លាកឈ្មោះសម្រាប់អតិថិជន ៥០០ នាក់ដំបូង​ដែលបើកគណនីដោយជោគជ័យ​។ កូនឈើទាំងនោះផងដែរ គ្រោងដាំនៅ ឧទ្យានសហគមន៍អង្គរ-មេនូឡាយហ្វ៍ ដែលជាគម្រោង​ដាំដើមឈើនៅលើផ្ទៃដីជាង ៥.៥ ហិកតា​ ​នៅរមណីយដ្ឋានអង្គរ ដើម្បី​អភិរក្ស​សម្បត្តិបេតិកភណ្ឌពិភពលោកពីការគំរាមកំហែង​បម្រែបម្រួលអាកាសធាតុ​។

មិនត្រឹមតែប៉ុណ្ណោះ គម្រោង​ដាំដើមឈើនេះ​ក៏បានចូលរួមចំណែកក្នុងកិច្ចខិតខំប្រឹងប្រែង​ទប់ស្កាត់ការប្រែប្រួល​អាកាសធាតុជាសកល តាមរយៈភាពជាដៃគូរបស់ Manulife ជាមួយនឹង វេទិកាសេដ្ឋកិច្ចពិភពលោក (World Economic Forum’s Trillion Trees initiative)។ រហូតមកដល់ពេលនេះ ដើមឈើជាង 1.3 ពាន់លានដើមត្រូវបានដាំដោយក្រុមហ៊ុន Manulife Investment Management ចាប់តាំងពីឆ្នាំ 1985 មក។​​  

 កម្មវិធី Manulife Cambodia App មានមុខងារសំខាន់ៗ​ដូចជា៖

• ​​អតិថិជនអាចចូលប្រើប្រាស់បានដោយគ្រាន់តែ​បញ្ជូលលេខទូរសព្ទ និងថ្ងៃ ខែ ឆ្នាំកំណើត ​ជាពិសេស​ អាច​ភ្ជាប់មុខងារ​ស្កេនមុខ (Face ID) សម្រាប់ងាយស្រួលចូលប្រើប្រាស់លើកក្រោយ
• ​អតិថិជន​អាចពិនិត្យមើលព័ត៌មានបណ្ណសន្យារ៉ាប់រង​ដូចជា​ ទឹកប្រាក់សរុបដែលបានបង់បុព្វលាភធានារ៉ាប់រង ទឹកប្រាក់សំណង និងអត្ថប្រយោជន៍ផ្សេងៗតាមប្រភេទគម្រោង និងផលិតផលដែលអតិថិជនកំពុងប្រើប្រាស់ ​​ក៏ដូចជាឯកសារពាក់ព័ន្ធផ្សេងៗ​​
• អតិថិជន​អាចមើលកាលវិភាគ និងទូទាត់បុព្វលាភធានារ៉ាប់រង​ដោយផ្ទាល់​តាមរយៈបណ្ណឥណពន្ធ ឬឥណទាន ឬKHQR​

• អតិថិជន​អាចភ្ជាប់ទំនាក់ទំនងជាមួយភ្នាក់ងារធានារ៉ាប់រងដោយផ្ទាល់​​​​តាមរយៈលេខទូរសព្ទដែលមាន​ក្នុង​​កម្មវិធីសម្រាប់រាល់តម្រូវការផ្សេងៗបានយ៉ាងឆាប់រហ័ស។
• អតិថិជន​អាចស្វែង​យល់ពីដំណើរការនៃការទាមទារសំណង និងឯកសារ​តម្រូវ​តាមប្រភេទសំណង​គ្រប់ប្រភេទគម្រោង
• ​អតិថិជន​អាចទទួល​ចំណេះដឹងបន្ថែមទាក់ទងនឹងគន្លឹះគ្រប់គ្រងហិរញ្ញវត្ថុ គន្លឹះសុខភាព ក៏ដូចជា​ព័ត៌មានថ្មីៗ និងការផ្តល់ជូនពិសេសៗពីក្រុមហ៊ុន​​

លោកអ្នកអាចទាញយកកម្មវិធី Manulife Cambodia App ពី ​ App Store ឬ Play Store ​តាមរយៈតំណរភ្ជាប់នេះ និងសម្រាប់ព័ត៌មានបន្ថែម សូម​ចូល​ទៅកាន់គេហ​ទំ​ព័រ មេនូឡាយហ្វ៍​​ ៕