សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍របស់ក្រសួងពាណិជ្ជកម្មបានឱ្យថា នៅក្នុងរយៈពេល ៤ ខែ ដើមឆ្នាំ ២០២២ កន្លងទៅនេះ កម្ពុជាបាននាំចេញកង់ទៅទីផ្សារក្រៅប្រទេសក្នុងតម្លៃជាង ៣០០ លានដុល្លារ បានកើន ៥៤ ភាគរយបើធៀបនឹងរយៈពេលដូចគ្នាកាលពីឆ្នាំ២០២១ ដែលកំណើននេះបានបង្ហាញថាការនាំចេញកង់ជាការរួមចំណែកទ្រទ្រង់សេដ្ឋកិច្ចកម្ពុជាបានមួយចំណែក។
នៅក្នុងទន្នន័យនៃការនាំចេញ-នាំចូលកង់របស់ក្រសួងពាណិជ្ជកម្មកាលពីពេលកន្លងទៅថ្មីៗនេះបានបង្ហាញថា ចាប់ពីខែមករា ដល់ខែមេសា ឆ្នាំ២០២២ ការនាំចេញកង់កម្ពុជាទៅកាន់ទីផ្សារបរទេសមានតម្លៃ ៣០៦ ៤៧៤ ១១៤ ដុល្លារ កើន ៥៤ ភាគរយ បើធៀបនឹងរយៈពេលដូចគ្នាឆ្នាំ២០២១។ ដោយឡែកកម្ពុជាក៏បាននាំចូលកង់មកវិញតម្លៃ ៥ ០៣២ ១២៨ ដុល្លារ ថយចុះ ១៤ ភាគរយបើធៀបនឹងរយៈពេលដូចគ្នាក្នុងឆ្នាំ២០២១។
រដ្ឋលេខាធិការក្រសួងពាណិជ្ជកម្ម ឯកឧត្តម ស៊ាង ថៃ បានប្រាប់ AMS ថា ក្នុងចំនួនទឹកប្រាក់សរុបនៃការនាំចេញកង់ ចំនួន ៣០៦ ៤៧៤ ១១៤ ដុល្លារអាមេរិក ក្នុងនោះប្រទេសចំនួន៥ មានទឹកប្រាក់ច្រើនជាងគេតាមលំដាប់ រួមមាន៖ ១- សហរដ្ឋអាមរិក មានទឹកប្រាក់ចំនួន ១២៩,៣៤ លានដុល្លារ ២-អាល្លឺម៉ង់ ចំនួន៤៧,៩៩លានដុល្លា ៣-បែលហ្សិក៤៧,០៦លានដុល្លារ ៤-អង់គ្លេស២៣,៨៩លានដុល្លារ ៥-ហូឡង់ ១៧,២៤ លានដុល្លារ។
ឯកឧត្តម ស៊ាង ថៃ បានបញ្ជាក់ទៀតថា បច្ចុប្បន្នកម្ពុជាជាប់ចំណាត់លេខ១ ក្នុងការនាំចេញកង់ទៅទីផ្សារតំបន់អាស៊ាន (បន្ទាប់មកមាន ឥណ្ឌូណេស៊ី វៀតណាម ហ៊្វីលីពីន ថៃ សឹង្ហបុរី ម៉ាឡេស៊ី មីយ៉ាន់ម៉ា ព្រុយណេ និងឡាវ ) ក្នុងនោះការនាំចេញកង់របស់កម្ពុជា ក៏បានជាប់ចំណាត់ថ្នាក់លេខ ៥ ក្នុងពិភពលោកផងដែរ បន្ទាប់ពីប្រទេសចិន តៃវ៉ាន់ ហូឡង់ និងប្រទេសអាល្លឺម៉ង់។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានថ្លែងប្រាប់ AMS តាមទូរស័ព្ទថា ចំពោះការនាំកង់ចេញទៅកាន់ទីផ្សារអន្តរជាតិនៅតែមានកំណើន ដែលនេះជាមោទនភាព ព្រោះថា បច្ចុប្បន្ន នៅសហគមន៍អឺរ៉ុប និងសហរដ្ឋអាមេរិកប្រជាជនតែងនិយមជិះកង់ទៅធ្វើការ ឬជិះកម្សាន្ត ព្រោះវាកាត់បន្ថយការស្ទះចរាចរណ៍ផង និងកាត់បន្ថយការបំពុលបរិស្ថានផង ដោយថែមទាំងផ្តល់នូវផលប្រយោជន៍សម្រាប់សុខភាព ដោយជាការធ្វើកីឡា ហាត់ប្រាណផងដែរ។
លោកឧកញ៉ា លឹម ហេង បានមានប្រសាសន៍ថា ៖
“ខ្ញុំសង្ឃឹម និងជឿជាក់ថាកំណើននៃការនាំចេញនឹងនៅតែមានការកើនឡើង ព្រោះតម្រូវការទីផ្សារពិភពលោក នៅតែមានច្រើនសម្រាប់កម្ពុជា”
លោកឧកញ៉ាបានអះអាងថា ៖
“ការនាំចេញរបស់កម្ពុជា ស្ថិតនៅក្នុងការអនុគ្រោះពន្ធ តាមរយៈ EBA និង GSP ដូច្នេះការផលិតកង់នៅកម្ពុជានៅតែមានការកើនឡើង ក្នុងការនាំចេញ ព្រោះថាកំណើនការនាំចេញកង់គឺបានរួមចំណែកនៅក្នុងការទ្រទ្រង់សេដ្ឋកិច្ចកម្ពុជា”
គួរកត់សម្គាល់ថា គិតមកដល់ពេលបច្ចុប្បនេះ កម្ពុជាមានរោងចក្រសម្រាប់ដំឡើងកង់ចំនួន៥ សម្រាប់នាំចេញទៅកាន់ទីផ្សាពិភពលោក។ នៅឆ្នាំ២០២០ ទឹកប្រាក់បានពីការនាំចេញកង់មានចំនួន ៥ ២៣១,៤១លានដុល្លារ កើនឡើង ២៧.៧៨ភាគរយ បើប្រៀបធៀបនឹងឆ្នាំ២០១៩ ។
ដោយឡែកក្នុងរយៈពេល ៤ ខែ ដើមឆ្នាំ២០២២កន្លងទៅនេះ កម្ពុជាបាននាំចេញកង់ទៅទីផ្សារក្រៅប្រទេសមានតម្លៃ ៣០៦ ៤៧៤ ១១៤ ដុល្លារ ដោយបាននាំចេញកង់ទៅទីផ្សារគោលដៅជាច្រើន រួមមាន សហរដ្ឋអាមេរិក អាល្លឺម៉ង់ អង់គ្លេស ប៊ែលហ្សិក អេស្ប៉ាញ ស៊ុយអែត សាធារណរដ្ឋឆែក ស្លូវីនា និងបណ្តាប្រទេសនៅប៉ែកអឺរ៉ុប៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ការនាំចេញរបស់ចិនក្នុងខែឧសភា ហក់ឡើងខ្លាំងលើសការរំពឹងទុក ប៉ុន្តែរងសម្ពាធអន្តរជាតិជុំវិញការលើសសមត្ថភាពផលិត
៣១ ថ្ងៃ កម្ពុជាទទួលបានចំណូលពីការនាំចេញកង់ក្នុងទំហំ ៦៣,៥៧ លានដុល្លារអាម៉េរិក
Account
Security
Favourite Content