សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បុណ្យភ្ជុំបិណ្ឌ ជាបុណ្យប្រៃណីជាតិខ្មែរមួយ ជាពិសេសសម្រាប់បងប្អូនអ្នកកាន់ពុទ្ធសាសនា ដែលគេតែងតែយកសង្ហាន់ គ្រឿងឧបភោគបរិភោគ ក៏ដូចជាសម្ភារផ្សេងៗទៅប្រគេនព្រះសង្ឃនៅឯវត្តអារាម។ ដោយឡែក សម្រាប់សម្ភារប្រើប្រាស់ផ្សេងៗ ក្រៅពីផលិតផលនាំចូល យើងគួរតែងាកមកជួយគាំទ្រផលិតផលក្នុងស្រុក ដែលមានគុណភាពមិនចាញ់ផលិតផលបរទេស ដែលជាការរួមចំណែកក្នុងការលើកកម្ពស់ផលិតផលខ្មែរ ក៏ដូចជាជួយជំរុញសេដ្ឋកិច្ចជាតិផងដែរ។
តួយ៉ាង ផលិតផលដែលគេនិយមទិញដាក់នៅក្នុងសាដកសម្រាប់យកទៅប្រគេនព្រះសង្ឃដែលគង់នៅតាមវត្តអារាម ដូចជា មីកញ្ចប់ ទឹកដោះគោ ស្ក ទឹកត្រី ទឹកស៊ីអ៊ីវ ប្រេងកូឡា ប្រេងខ្យល់ ប្រេងរឹត ជាដើម យើងក៏អាចប្ដូរមកប្រើជាផលិតផលក្នុងស្រុកបាន។
អ្នកស្រី អូន សុគន្ធា ស្ថាបនិកសិប្បកម្មផលិតប្រេងខ្យល់ ប្រេងកូឡា រូបនាគព្រួសភ្លើងបានមានប្រសាសន៍នៅក្នុងឱកាសនេះដែរថា៖
«ក្នុងឱកាសបុណ្យភ្ជុំបិណ្ឌនេះយើងមានពេលច្រើនចាប់ពីបិណ្ឌ១ដល់បិណ្ឌទី១៤ ដែលបងប្អូនអាចប្ដូរមកប្រើផលិតផលក្នុងស្រុកជំនួសផលិតផលនាំចូលវិញ ដូចជាផលិតផលប្រេងកូឡា និងប្រេងខ្យល់របស់យើង ជាផលិតផលមានគុណភាព ហើយការប្រើផលិតផលជាតិ គឺស្មើនឹងការចូលរួមជួយសេដ្ឋកិច្ចជាតិផងដែរ»។
អ្នកស្រីបន្ថែមថា ការជៀវប្រងកូឡា និងប្រេងខ្យល់រូបនាគនេះ ដើម្បីប្រគេនព្រះសង្ឃ ដាក់ក្នុងសាដក ឬជូនចាស់ៗ ជាជម្រើសមួយដ៏ល្អ ព្រោះវាជារបស់ចាំបាច់ ដែលអាចជួយសម្រួលដល់បញ្ហាសុខភាពពេលយប់ព្រលប់ផង ឬអាចចែកជូនអ្នកខ្វះខាត អ្នកក្រីក្រ បន្តទៀតក៏បាន។
សម្រាប់កំឡុងពេលបុណ្ឌភ្ជុំបិណ្ឌនេះផងដែរ ខាងប្រេងកូឡា និងប្រេងខ្យល់រូបនាគព្រួសភ្លើង ក៏មានជាការរៀបចំនូវឈុតប្រេងកូឡា និងប្រេងខ្យល់ កាន់តែងាយស្រួលទិញយកទៅវត្ត ឬជូនចាស់ៗ ដោយមានការវេចខ្ចប់ជាឈុតៗ ដែលមានតម្លៃផ្សេងៗគ្នាចាប់ពី ១២ ០០០រៀល ដល់ជាង ៥ម៉ឺនរៀល អាស្រ័យទៅតាមលទ្ធភាពរបស់អតិថិជនផងដែរ។ គួរបញ្ជាក់ដែរថា ប្រេងខ្យល់ និងប្រេងកូឡា ជាឱសថសង្គ្រោះបឋម ដែលគេនិយមប្រើ មិនថាលើបញ្ហាចុក រោយ ថ្លោះ គ្រិច ឈឺក្បាល គឺតែងតែនឹកឃើញឱសថទាំងនេះមុនគេបង្អស់។
Account
Security
Favourite Content