​La French ​Tech Phnom Penh ​បាន​ជួប​ពិភាក្សា​ជាមួយ​ ​ឯកឧត្តម ​បណ្ឌិត​ ​ជា វ៉ាន់​ដេត ​រដ្ឋមន្ត្រី​ក្រសួង​ប្រៃសណីយ៍ ​និង​ទូរគមនាគមន៍​ ​និង​មន្ត្រី​ជាន់ខ្ពស់​នៃ​ក្រសួង​ ​(​MPT​C​) ​ដើម្បី​ពិភាក្សា​អំពី​ការ​រៀបចំ​ព្រឹត្តិការណ៍​ ​FrancoTech ​ធ្វើ​បទបង្ហាញ​អំពី​ French ​Tech ​Forum ​Asia Phnom Penh ​និង​ស្វែងរក​គំនិត​ផ្តួចផ្តើម​ដែល​អាច​ធ្វើ​ទៅ​បាន​ ​ដើម្បី​ពង្រឹង​ប្រព័ន្ធ​អេកូឡូស៊ី​បច្ចេកវិទ្យា​ ​និងន​វានុវត្តន៍​របស់​កម្ពុជា​បន្ថែម​ទៀត​។

​ឯកឧត្តម​រដ្ឋមន្ត្រី​មាន​ការ​ចូលរួម​ពី​ ​ឯកឧត្តម​ ​ស វិសុទ្ធិ​ ​(​So Visothy​)​ ​រដ្ឋលេខាធិការ​ ​ឯកឧត្តម ​សំ ​សេដ្ឋ​សិរី ​(​Sam ​Sethserey​)​ ​អគ្គ​នាយក​នៃ​អគ្គ​នាយកដ្ឋាន​បច្ចេកវិទ្យា​ព័ត៌មាន​ ​និង​ទំនាក់ទំនង​ ​និង​ឯកឧត្តម​ ​សេង​ សុភាព ​(​Seng Sopheap​)​ ​ប្រធាន​បណ្ឌិត្យ​សភា​បច្ចេកវិទ្យា​ឌីជីថល​កម្ពុជា​។​

​ប្រតិភូ ​La French ​Tech Phnom Penh ​ដែល​ដឹកនាំ​ដោយ​ ​លោក​ Thierry Tea ​និង​លោក​ ​Cedric ​Kang ​មាន​តំណាង​មកពី​ ​Canadia ​Impact ​Fund​,​ ​TechFlow ​Agency​,​ Redbridge ​Cybersecurity​,​ S​BI​,​ O​CI​C ​និង​ U​mami ​ដែល​បាន​ប្រមូលផ្តុំ​ជំនាញ​ផ្នែក​វិនិយោគ​ ​បច្ចេកវិទ្យា ​សន្តិសុខ​សាយ​បី ​សេវាកម្ម​អាជីវកម្ម​ ​និងន​វានុវត្តន៍​។

​កិច្ច​ប្រជុំ​បាន​ស្វែងយល់​ពី​របៀប​ដែល​កិច្ច​សហប្រតិបត្តិការ​កាន់តែ​ជិត​ស្និទ្ធ​រវាង​ស្ថាប័ន​សាធារណៈ​ ​ក្រុមហ៊ុន​ឯកជន​ វិនិយោគិន ​ស្ថាប័ន​អប់រំ​ ​និង​បណ្តាញ​អន្តរជាតិ​ ការ​អភិវឌ្ឍ​ទេពកោសល្យ​ខ្មែរ​ ​អាច​រួមចំណែក​ដល់​ការ​ផ្លាស់ប្តូរ​ឌីជីថល​របស់​កម្ពុជា​ ​និង​ការ​ជួយ​ឱ្យ​ក្រុមហ៊ុន​បច្ចេកវិទ្យា​ក្នុង​ស្រុក​ចូល​ដល់​ទីផ្សារ​អន្តរជាតិ​។

ការ​តភ្ជាប់​កម្ពុជា​ជាមួយ​ប្រព័ន្ធ​អេកូឡូស៊ី ​French ​Tech ​អន្តរជាតិ​

​La ​French ​Tech Phnom Penh ​បាន​ធ្វើ​បទបង្ហាញ​អំពី​បណ្តាញ French ​Tech ​អន្តរជាតិ​ ​ដែល​តភ្ជាប់​ក្រុមហ៊ុន​ចាប់ផ្តើម​អាជីវកម្ម​(​startups​)​សហគ្រិន​វិនិយោគិន​សាជីវកម្ម​និង​ស្ថាប័ន​សាធារណៈ​នៅ​ទូទាំង​ប្រទេស​បារាំង ​និង​ប្រព័ន្ធ​អេកូឡូស៊ី​អន្តរជាតិ​ជាង​ ​៦០​។

​នៅ​កម្ពុជា​សហគមន៍​នេះ​មាន​គោលបំណង​ដើរ​តួ​ជា​ស្ពាន​តភ្ជាប់​ទៅកាន់​ប្រទេស​បារាំង​អឺរ៉ុប​និង​ទីផ្សា រ​និយាយ​ភាសា​បារាំង ​ដោយ​សម្រួល​ដល់​ភាព​ជា​ដៃគូ​ ​ការ​ផ្លាស់ប្តូរ​ចំណេះដឹង​ ​និង​ឱកាស​អាជីវកម្ម​។

ប្រតិភូ​ក៏​បាន​ចែក​រំលែក​ព័ត៌មាន​ថ្មី​ៗ​អំពី​ FrancoTech ​ដែល​នឹង​ប្រព្រឹត្តទៅ​រួម​ជាមួយ​កិច្ច​ប្រជុំ​កំពូល​បារាំងសាស្ត្រ​(​Sommet ​de la Francophonie​)​ ​និង​បាន​ធ្វើ​បទបង្ហាញ​អំពី​ French ​Tech ​Forum ​Asia Phnom Penh ​ដែល​គ្រោង​នឹង​ប្រព្រឹត្តទៅ​នៅ​ថ្ងៃ​ទី​១៤​ដល់​ទី​១៧​ខែ​វិច្ឆិកា​ឆ្នាំ​២០២៦​។

វេទិកា​នេះ​មាន​គោលបំណង​តភ្ជាប់​ប្រព័ន្ធ​អេកូឡូស៊ី​បច្ចេកវិទ្យា​នៅ​ទូទាំង​អាស៊ី​និង​ពិភពបារាំង​សាស្ត្រ​ ​លើកកម្ពស់​ភាព​ជ​ដៃ​គូ​អន្តរជាតិ​ ​និង​បង្ហាញ​ពី​សហគមន៍ន​វានុវត្តន៍​ដែល​កំពុង​រីកចម្រើន​របស់​កម្ពុជា​។

​គំនិត​ផ្តួចផ្តើម​ដែល​អាច​ធ្វើ​ទៅ​បាន​ដើម្បី​ពង្រឹង​ប្រព័ន្ធ​អេកូឡូស៊ី​បច្ចេកវិទ្យា​របស់​កម្ពុជា​ ការ​ពិភាក្សា​បាន​កំណត់​អត្តសញ្ញាណ​វិស័យ​ជា​ច្រើន​សម្រាប់​កិច្ច​សហប្រតិបត្តិការ​ដែល​អាច​មាន​៖​

• ការ​អភិវឌ្ឍ​កម្មវិធី ​និង​សេវា​ឌីជីថល​៖​ ពង្រឹង​សមត្ថភាព​ក្នុង​ស្រុក​ ​និង​គាំទ្រ​ក្រុមហ៊ុន​កម្ពុជា​ក្នុង​ទីផ្សារ​អន្តរជាតិ​។

• ​ពាណិជ្ជកម្ម​អេឡិចត្រូនិក ​និង​ពាណិជ្ជកម្ម​ឌីជីថល​៖​

• ​បញ្ហា​សិប្បនិម្មិត ​និង​ប្លុក​ឆេន ​(​Blockchain​)​៖ ​លើក​ទឹកចិត្ត​ការ​ទទួល​យក​បច្ចេកវិទ្យា​ទាំងនេះ​ នវានុវត្តន៍​ជាក់ស្តែង​ ​និង​ជំនាញ​ក្នុង​បច្ចេកវិទ្យា​ថ្មី​ៗ​។​

• ជួយ​ឱ្យ​អាជីវកម្ម​កម្ពុជា​ទៅ​ដល់​អតិថិជន​នៅ​អឺរ៉ុប​ ​សហរដ្ឋ​អាមេរិក​ ​និង​អាស៊ី ​រួមទាំង​តាមរយៈ​ភាព​សហការ​គ្នា​ដែល​អាច​មាន​ជាមួយ​ ​CambodiaTrade​.​com

• ឌីជីថលបនីយ​កម្ម​៖​ គាំទ្រ​ដំណោះស្រាយ​ឌីជីថល​សម្រាប់​អាជីវកម្ម ​និង​សេវា​សាធារណៈ​ ​ដោយ​ផ្អែក​លើ​គំនិត​ផ្តួចផ្តើម​ដូចជា​ verify​.​gov.kh

• ​សន្តិសុខ​សាយបី​៖​ អ​ភិវឌ្ឍ​ការ​យល់ដឹង​ ​ជំនាញ ​និង​ភាព​ធន់ ​ដើម្បី​សេដ្ឋកិច្ច​ឌីជីថល​ដែល​អាច​ទុកចិត្ត​បាន​។

• ការ​អប់រំ​ ​និង​ការ​អភិវឌ្ឍ​ជំនាញ​៖​ តភ្ជាប់​ការ​អប់រំ​ជាមួយ​តម្រូវការ​របស់​ឧស្សាហកម្ម ​និង​អភិវឌ្ឍ​ទេពកោសល្យ​បច្ចេកវិទ្យា​ខ្មែរ​ជំនាន់​ក្រោយ​។

​ចំណុច​សំខាន់​មួយ​គឺ​ការ​អភិវឌ្ឍ​ទេពកោសល្យ​ខ្មែរ​និង​ការ​ជួយ​ឱ្យ​ក្រុមហ៊ុន​បច្ចេកវិទ្យា​កម្ពុជា​អាច​បម្រើ​អតិថិជន​នៅ​ក្រៅ​ទីផ្សារ​ក្នុង​ស្រុក​។​ ទំនាក់ទំនង​អន្តរជាតិ​ ​និង​កំណើន​អាជីវកម្ម​ប្រកប​ដោយ​ចីរភាព​ ការ​ពិភាក្សា​បាន​គូសបញ្ជាក់​ថា​ ​ជំនាញ​ជាក់ស្តែង​ ​ដំណោះស្រាយ​ដែល​បង្កើតឡើង​ក្នុង​ស្រុក​ ​គឺជា​វិស័យ​សំខាន់​សម្រាប់​ការ​អភិវឌ្ឍ​ឌីជីថល​របស់​កម្ពុជា​ឱ្យ​បន្ត​ទៅ​មុខ​។

La French ​Tech Phnom Penh ​អាច​រួមចំណែក​ដោយ​តភ្ជាប់​សហគ្រិន ​និង​ក្រុមហ៊ុន​បច្ចេកវិទ្យា​កម្ពុជា​ជាមួយ​ដៃគូ​អន្តរជាតិ​ វិនិយោគិន ​អ្នក​ណែនាំ​ ​(​mentors​)​ ​និង​អតិថិជន​ដែល​អាច​មាន​ ​ព្រមទាំង​ជួយ​ពួក​គេ​ឱ្យ​យល់ដឹង​ ​និង​ចូល​ទៅកាន់​ទីផ្សារ​បរទេស​បាន​ប្រសើរឡើង​។

ការ​ធ្វើការ​ជាមួយ​ប្រព័ន្ធ​អេកូឡូស៊ីន​វានុវត្តន៍​របស់​កម្ពុជា​

ការ​ពិភាក្សា​ក៏​បាន​គូសបញ្ជាក់​ពី​សារៈសំខាន់​នៃ​ការ​បំពេញ​បន្ថែម​លើ​គំនិត​ផ្តួចផ្តើម​ដែល​មាន​ស្រាប់ ​និង​ការ​សហការ​ជាមួយ​អង្គការ​ផ្នែក​សហគ្រិន​ភាព​ ន​វានុវត្តន៍ ​និង​ការ​អភិវឌ្ឍ​ជំនាញ​របស់​កម្ពុជា រួម​មាន​ Plug and Play​,​ Khmer ​Enterprise​,​ ​Techo Startup ​Center​,​ ​មូលនិធិ​អភិវឌ្ឍ​សហគ្រិន​ភាព​ ​(​Entrepreneurship Development Fund – ​EDF​)​,​ ​មូលនិធិ​អភិវឌ្ឍ​ជំនាញ ​(​Skills Development Fund – SDF​)​ ​និង​ ​CambodiaTrade​.​com​។

​កិច្ច​សហប្រតិបត្តិការ​ដែល​អាច​មាន​ ​រួម​មាន​ព្រឹត្តិការណ៍​រួមគ្នា​ ​ការ​តភ្ជាប់​អាជីវកម្ម ​(​business ​matching​)​ ការ​ណែនាំ​(​mentorship​)​ ​ការ​ផ្លាស់ប្តូរ​ចំណេះដឹង​និង​ប្រតិភូ​អន្តរជាតិ​ដោយ​រួមបញ្ចូល​ជំនាញ​ក្នុង​ស្រុក​ជាមួយ​បណ្តាញ​អន្តរជាតិ​របស់​ ​La French ​Tech Phnom Penh ​ជាពិសេស​នៅ​ទូទាំង​ប្រទេស​បារាំង​ អឺរ៉ុប ​និង​ប្រទេស​និយាយ​ភាសា​បារាំង​។​

​ចក្ខុវិស័យ​រួម​សម្រាប់​ឆ្នាំ​ខាង​មុខ

​កិច្ច​ប្រជុំ​បាន​គូសបញ្ជាក់​ពី​មហិច្ឆតា​រួម​ក្នុង​ការ​ពង្រឹង​ប្រព័ន្ធ​អេកូឡូស៊ី​បច្ចេកវិទ្យា​និងន​វានុវត្តន៍​រប ស់​កម្ពុជា​តាមរយៈ​កិច្ច​សហប្រតិបត្តិការ​សាធារណៈ​-​ឯកជន​កាន់តែ​ជិតស្និទ្ធ ​និង​ទំនាក់ទំនង​អន្តរជាតិ​កាន់តែ​រឹងមាំ​។

​La French ​Tech Phnom Penh ​បាន​បញ្ជាក់​ម្តង​ទៀត​ពី​ឆន្ទៈ​ក្នុង​ការ​រួមចំណែក​ ​ដោយ​ប្រមូលផ្តុំ​បណ្តាញ​របស់​ខ្លួន​សម្រួល​ភាព​ជា​ដៃគូ​និង​គាំទ្រ​ក្រុមហ៊ុន​កម្ពុជា​ក្នុង​ការ​ចូល​ដល់​ទីផ្សារ​អន្តរជាតិ​ដោយ​មាន​គោលដៅ​រួម ​ក្នុង​ការ​ផ្តល់​សមត្ថភាព​ដល់​ទេពកោសល្យ​ខ្មែរ ​និង​ពង្រឹង​ទំនាក់ទំនង​របស់​កម្ពុជា​ជាមួយ​សេដ្ឋកិច្ច​ឌីជីថល​ក្នុង​តំបន់​ ​និង​សកលលោក​។

​អំពី​ ​La French ​Tech Phnom Penh

​La French ​Tech Phnom Penh ​ជា​ផ្នែក​មួយ​នៃ​បណ្តាញ French ​Tech ​អន្តរជាតិ​ ​ដែល​ប្រមូលផ្តុំ​សហគ្រិន ​ក្រុមហ៊ុន​ចាប់ផ្តើម​អាជីវកម្ម​វិនិយោ​គិន​សាជីវកម្ម​និង​ភាគី​ពាក់ព័ន្ធ​ផ្នែកន​វានុវត្តន៍​។ បេសកកម្ម​របស់​ខ្លួន​កើត​ភ្ជាប់​ប្រព័ន្ធ​អេកូឡូស៊ី​បច្ចេកវិទ្យា​របស់​កម្ពុជា​ជាមួយ​ប្រទេស​បារាំង​និង​ទីផ្សា រ​អន្តរជាតិ​សម្រួល​ភាព​ជា​ដៃគូ ​និង​គាំទ្រន​វានុវត្តន៍​ ​សហគ្រិនភាព ​និង​ការ​អភិវឌ្ឍ​ទេពកោសល្យ​។