សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ផលិតផលកសិកម្មរបស់កម្ពុជាមួយមុខទៀតហើយកំពុងចរចាបើកច្រកទីផ្សារសម្រាប់នាំចេញទៅកាន់ប្រទេសចិន ខណៈផលិតផលកសិកម្មជាបន្តបន្ទាប់ត្រូវបានចិនអនុញ្ញាតឱ្យនាំចូលរួចហើយ។ ផ្លែមៀនប៉ៃលិន ដែលជាផលិតផលយុទ្ធសាស្ត្រមួយទៀតរបស់កសិករកំពុងស្ថិតនៅក្នុងដំណាក់កាលរៀបចំចុះហត្ថលេខាទទួលស្គាល់ភូតគាមអនាម័យជាមួយភាគីចិន និងត្រៀមនាំចេញទៅកាន់ទីផ្សារចិនផងដែរក្រោយការចរចាទទួលបានជោគជ័យ។
លោក ងិន ឆាយ ប្រតិភូរាជរដ្ឋាបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានមានប្រសាសន៍នៅក្នុងសន្និសីទកាលពីថ្ងៃចុងសប្ដាហ៍កន្លងទៅនេះថា ការចរចារវាងភាគីចិន និងកម្ពុជាលើផលិតផលមៀនប៉ៃលិនបាន និងកំពុងដំណើររលូន ហើយសង្ឃឹមថានឹងចប់នៅពេលឆាប់ៗ។
លោកបញ្ជាក់ថា ៖
“ក្រោយពីឆ្លងផុតដំណាក់កាលពិធីសារបច្ចេកទេសរួចហើយ យើងនឹងយកមកពិនិត្យឡើងវិញថាតើចំការមៀនដែលបានដាក់ទៅ ភាគីចិននោះ បានអនុវត្តន៍ទៅតាមអ្វីដែលមានចែងនៅក្នុងពិធីសារហើយឬនៅ ដូចជាកន្លែងវេចខ្ចប់ កន្លែងសម្លាប់សមាសភាពចង្រៃបានសាងសង់ត្រឹមត្រូវទៅតាមស្តង់ដារដែលគេបានកំនត់នៅក្នុងពិធីសារហើយឬនៅ ។ នៅពេលពិធីសារនេះចូលជាធរមាន ភាគីចិនចាំបាច់ត្រូវឱ្យភាគីកម្ពុជាត្រូវចុះធ្វើការងារនេះជាបន្ទាន់និងត្រូវបញ្ជូនទៅកាន់ភាគីចិន ដើម្បីឱ្យម្ខាងទៀតពិនិត្យ និងសម្រេច”
លោកបន្តថា ក្នុងការចរចាជាមួយភាគីនគឺមានចំនួន៧ដំណាក់កាល ហើយមកដល់ពេលនេះការចរចាបានឆ្លងដល់ដំណាក់កាលទី៦ហើយ នៅតែមួយដំណាក់ទៀតនឹងអាចនាំចេញផ្លែមៀនប៉ៃលិននៃទៅកាន់ទីផ្សារប្រទេសចិនជាផ្លូវការហើយផងដែរ។ រហូតមកដល់ពេលនេះ កម្ពុជាបាននាំចេញកសិផលទៅកាន់ទីផ្សារចិន៣១មុខរួចមកហើយ ប៉ុន្តែមុខទំនិញខ្លះជាប្រភេទកសិផលនៅក្នុងក្រុមទំនិញមិនជាប់កម្រិតកំណត់ ដូចជាការនាំគ្រាប់ស្វាយចន្ទីមិនតម្រូវឱ្យមានការចរចាបើកច្រកទីផ្សារឬកំណត់ភូតគាមអនាម័យនោះទេ គ្រាន់តែបញ្ជាក់ថាផលិតផលនោះ មិនមានសមាសភាពចង្រៃ និងបំពេញបាននូវភូតគាមអនាម័យអន្តរជាតិ ។
លោក សួន ជុំ អនុប្រធានក្រុមប្រឹក្សាសមាគមមៀនប៉ៃលិនបានឱ្យដឹងថា តាមពិតទៅរោងចក្រកែច្នៃផ្លែមៀនមួយកន្លែងក្រោមការវិនិយោគរបស់ចិនត្រូវបានសាងសង់រួចរាល់ហើយ និងរង់ចាំតែការចរចាសម្រេចរោងចក្រនោះនឹងដំណើរកែច្នៃហើយនាំចេញទៅកាន់ទីផ្សារចិនដោយផ្ទាល់ ។ ក្រុមហ៊ុនវិនិយោគរោងចក្រកែច្នៃមៀននៅកម្ពុជានេះក៏មានរោងចក្រមួយនៅប្រទេសថៃ ហើយបានប្រមូលទិញផ្លែមៀនពីកម្ពុជាទៅកែច្នៃនៅប្រទេសថៃ និងនាំចេញទៅកាន់ប្រទេសចិន។ ដូច្នេះបើសិនជាកម្ពុជាអាចនាំចេញផ្លែមៀនទៅចិនដោយផ្ទាល់នោះកសិករនឹងលែងដឹកផ្លែមៀនទៅប្រទេសថៃទៀតហើយ តែដឹកមកកាន់រោងចក្រនៅក្នុងស្រុកហើយនាំចេញទៅកាន់ដោយផ្ទាល់វិញ ។ លោកបន្តថា កសិកររង់ចាំមើលតែក្រុមហ៊ុនទំលាក់ឯកសារដើម្បីផ្សព្វផ្សាយពីការប្រមូលទិញកែច្នៃក្នុងស្រុកទេ ហើយកសិករក៏ហាក់ស្ដាប់តាមក្រសួងប៉ុន្មានដែរ តែពួកគាត់នឹងធ្វើអ្វីទៅតាមគ្នា បើមានការពង្រីកផ្ទៃដីបន្ថែមពួកគាត់នឹងបន្ថែមដែរ ។លោករំពឹងថាផ្លែមៀនកម្ពុជានឹងលែងមានវិបត្តិដូចកាលពីឆ្នាំមុនទៀត ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មុខរបរចិញ្ចឹមគ្រួច ឆាប់បានទទួលផល ហើយរកចំណូលបានខ្ទង់ពាន់ដុល្លារក្នុងមួយខែៗ
Top News, ជំនួញ, ព្រឹត្តិការណ៍
• 23/06/2026
មុខរបរចិញ្ចឹមគ្រួច ហាក់ត្រូវបានមើលរំលងពីបណ្តាកសិករក្នុងស្រុក ប៉ុន្តែមុខរបរមួយនេះមិនត្រឹមតែងាយស្រួលប្រកប និងឆាប់បានប្រមូលផលលក់នៅលើទីផ្សារប៉ុណ្ណោះទេ ប៉ុន្តែថែមទាំងផ្តល់ចំណូលខ្ពស់រហូតខ្ទង់ពាន់ដុល្លារក្នុងមួយខែៗទៀតផង
សេចក្តីព្រាងច្បាប់វិសោធនកម្មផ្លូវថ្នល់ នឹងជួយអភិវឌ្ឍហេដ្ឋារចនាសម្ព័ន្ធដឹកជញ្ជូនឱ្យកាន់តែប្រសើរ
ព្រឹត្តិការណ៍, អាជីវកម្មថ្មី និងនវានុវត្ត
• 22/06/2026
សេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់មានសារៈសំខាន់ខ្លាំងរបស់រាជរដ្ឋាភិបាលក្នុងគោលបំណងពង្រឹងការគ្រប់គ្រង ថែទាំ និងអភិវឌ្ឍន៍ហេដ្ឋារចនាសម្ព័ន្ធដឹកជញ្ជូនឱ្យកាន់តែមានប្រសិទ្ធភាព និងទាន់សម័យ។
SK Hynix ដណ្តើមតំណែង Samsung ក្លាយជាក្រុមហ៊ុនមានតម្លៃបំផុតនៅកូរ៉េខាងត្បូង
ព្រឹត្តិការណ៍, អាជីវកម្មថ្មី និងនវានុវត្ត
• 22/06/2026
ក្រុមហ៊ុនផលិតបន្ទះឈីបអង្គចងចាំ SK Hynix បានវ៉ាដាច់ក្រុមហ៊ុន Samsung Electronics ក្លាយជាក្រុមហ៊ុនចុះបញ្ជី ដែលមានតម្លៃបំផុតរបស់ប្រទេសកូរ៉េខាងត្បូង
សិប្បកម្មកែច្នៃចំណីអាហារក្នុងស្រុក សម្រុកបង្កើនការផលិតសម្រាប់ផ្គត់ផ្គង់ទីផ្សារ និងជំរុញការនាំចេញទៅក្រៅប្រទេស
ជំនួញ, ព្រឹត្តិការណ៍, អាជីវកម្មថ្មី និងនវានុវត្ត
• 22/06/2026
សិប្បកម្មកែច្នៃចំណីអាហារក្នុងស្រុក ដែលរួមមានទាំងប្រភេទអាហារសម្រេច និងពាក់កណ្តាលសម្រេច កំពុងសម្រុកបង្កើនការផលិតសម្រាប់ផ្គត់ផ្គង់ទីផ្សារ និងជំរុញការនាំចេញទៅក្រៅប្រទេស
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content