មុខរបរចិញ្ចឹមដង្កូវដួងជាលក្ខណៈគ្រួសារចំណាយកម្លាំងតិច

បាត់ដំបង ៖ បច្ចុប្បន្ននេះ ចំពោះសត្វដង្កូវដួងហាក់ត្រូវបានក្លាយទៅជាអាហារមួយប្រភេទដែលគេនិយមបរិភោគឆៅជាមួយទឹកជ្រលក់ ក៏ដូចជាយកទៅបំពង ឬលីងចម្អិនផងដែរ ដែលធ្វើឱ្យទីផ្សាររបស់សត្វប្រភេទនេះមានតម្រូវការខ្ពស់ និងអាចលក់បានតម្លៃថ្លៃគួរសមរហូតទៅដល់ប្រមាណ៧ម៉ឺនរៀលក្នុងមួយគីឡូក្រាម។

ជាក់ស្ដែង លោក ថា ថៃ ដែលជាអ្នកចិញ្ចឹមសត្វដង្កូវដួងក្នុងទ្រង់ទ្រាយជាលក្ខណៈគ្រួសារសម្រាប់ផ្គត់ផ្គង់ទីផ្សារ ស្ថិតនៅស្រុកបាណន់ ខេត្តបាត់ដំបង បានប្រាប់ AMS ឱ្យដឹងថា លោកអាចរកចំណូលបន្ថែមពីការចិញ្ចឹមដង្កូវដួងលក្ខណៈគ្រួសារសម្រាប់លក់ដោយសារវាមានតម្លៃថ្លៃ និងងាយស្រួលចិញ្ចឹម។

លោកបញ្ជាក់ថា ៖

“ឱ្យតែជាប្រភេទសត្វដែលមានទីផ្សារ ហើយងាយស្រួលចិញ្ចឹម ខ្ញុំចាប់អារម្មណ៍ទាំងអស់ ជាក់ស្ដែងដូចជាប្រភេទសត្វដង្កូវដួងនេះ ខ្ញុំបានចិញ្ចឹមជាង១ឆ្នាំប៉ុណ្ណោះ ក្រោយពេលមើលឃើញពីតម្រូវការទីផ្សារ ហើយអាចលក់បានថ្លៃរហូតដល់ ៧ម៉ឺនរៀលក្នុង១គីឡូក្រាម ហើយការចិញ្ចឹមគឺងាយស្រួល មិនបាច់ថែទាំងច្រើន និងប្រើរយៈពេលខ្លី”

លោកបន្តថា ៖

“ដង្កូវដួង គឺមានបងប្អូនយើងគាំទ្រច្រើន ជាពិសេសអតិថិជនជាអ្នករស់នៅភ្នំពេញដែលគាត់កម្ម៉ង់ទិញតាមអនឡាញ ហើយក៏មានអតិថិជននៅតាមបណ្ដាខេត្តផ្សេងៗទៀតផងដែរ ដែលយើងអាចវេចខ្ចប់ផ្ញើបានតាមរយៈក្រុមហ៊ុនបម្រើសេវាដឹកជញ្ជូន ឬតាមរយៈឡានឈ្នួល ខណៈដែលសព្វថ្ងៃនេះខ្ញុំមានប្រមាណ ៣០០ធុង ដោយ១ធុង យើងអាចប្រមូលផលបាន ៥-៨ខាំ ផងដែរ។ ដោយឡែក រយៈពេលចិញ្ចឹម គឺយើងចំណាយពេលប្រមាណ២ខែក្នុងការបង្កាត់ ហើយអាចទទួលបានកូនដង្កូវជាបន្តបន្ទាប់រយៈពេល១ខែកន្លះមកវិញ”

ទាក់ទងទៅនឹងរបៀបធ្វើចំណីសត្វដង្កូវដួង ត្រូវបានម្ចាស់កសិដ្ឋានខាងលើរៀបរាប់ថា បើចិញ្ចឹមក្នុងម៉ាងជ័រ (ធុងជ័រ) មានមុខកាត់ប្រហែល០.៥ម៉ែត្រ ត្រូវប្រើទឹក ១.៥ – ២លីត្រ លាយជាមួយចំណីជ្រូក ៤-៥ ខាំ ទុកមួយអន្លើឱ្យរីកល្អ។ បន្ទាប់មកបន្ថែមស្កររងូរ ឬស្ករត្នោតប្រមាណ ១ស្លាបព្រាបាយ លាយជាមួយនឹងទឹក EM ១ស្លាបព្រាបាយដូចគ្នាដើម្បីបំបាត់ក្លិន រួចកូរឱ្យលាយចូលគ្នាល្អ។ បន្ទាប់ពីនេះ ដាក់កម្ទេចស្រកីដូងដែលត្រាំទឹករួចដើម្បីឱ្យមានសំណើម ដាក់កាន់តែច្រើនកាន់តែល្អ រួចលាយជាមួយដំឡូងគកាត់ជាដុំៗ ហើយលាយចូលគ្នាឱ្យសព្វ។ បន្ទាប់ពីលាយចំណីហើយ ត្រូវរៀបចំសំបុកឱ្យមេពូជចូលទៅពងដោយប្រើជាបន្ទះស្រកីដូងរៀបនៅលើចំណីតែម្ដង ហើយក្នុង១ធុង អាចដាក់មេពូជពី ៣-៥ គូ អាស្រ័យលើចំនួនមេពូជដែលមានស្រាប់។ ដាក់មេពូជចូលក្នុងធុង និងបន្ថែមចេកទុំខ្លះទុកឱ្យមេពូជស៊ី ហើយគ្របទុកជាការស្រេច។

ចំពោះមេពូជ គេអាចទិញតែម្ដង ប៉ុន្តែអាចបង្កាត់បាន ៣-៤ដងទើបងាប់ ហើយគេក៏អាចបង្កាត់មេពូជចេញពីកូនដូងដែលញាស់បានផងដែរ ដោយគេអាចរើសកូនដង្កូវដួងដែលមានអាយុប្រមាណ៤០ថ្ងៃ និងមានទំហំធំៗល្អទៅទុកក្នុងធុងចំណី ហើយគ្របចំណីចាស់ពីលើស្រកីដូងឱ្យណែន និងទុកប្រមាណ ៤សប្ដាហ៍នោះវានឹងកាច់សំបុក ដុះស្លាបក្លាយជាមេពូជ។

គួរបញ្ជាក់ដែរថា លោក ថា ថៃ បានចាប់ផ្ដើមចិញ្ចឹមដង្កូវដួងនេះប្រមាណជាង១ឆ្នាំមកហើយ ដោយគិតថាជាការសាកល្បងចាប់ផ្ដើមចិញ្ចឹមពីមេពូជ ៥០គូ ទិញពីខេត្តតាកែវ និងការទិញធុងសម្រាប់ចិញ្ចឹមដោយប្រើដើមទុនប្រមាណ ១០០ដុល្លារតែប៉ុណ្ណោះ។ ចំណែកឯបច្ចេកទេសក្នុងការចិញ្ចឹម និងថែទាំ លោកបានរៀនពីគ្រូជំនាញផ្នែកចិញ្ចឹមសត្វកសិកម្ម និងសាកល្បងអនុវត្តដោយខ្លួនឯងជាបន្តបន្ទាប់រហូតទទួលបានបទពិសោធន៍រហូតមកដល់សព្វថ្ងៃ៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤

ព្រឹត្តិការណ៍, អាជីវកម្មថ្មី និងនវានុវត្ត

• 08/04/2026

សង្គ្រាមនៅតំបន់មជ្ឈិមបូព៌ាអាចធ្វើឲ្យវិស័យទេសចរណ៍ខាតបង់ជាង ៦០០លានដុល្លារក្នុងមួយថ្ងៃ

ព្រឹត្តិការណ៍, សេដ្ឋកិច្ច

• 08/04/2026

ក្រុមប្រឹក្សាការធ្វើដំណើរ និងទេសចរណ៍ពិភពលោក (WTTC) ប៉ាន់ប្រមាណថា សង្រ្គាមនៅមជ្ឈិមបូព៌ាបណ្តាលឱ្យវិស័យទេសចរណ៍នៅក្នុងតំបន់នេះខាតបង់ ៥១៥ លានលានអឺរ៉ូ (៦០២ លានដុល្លារអាម៉េរិក) ក្នុងមួយថ្ងៃ

FBI ព្រមានពលរដ្ឋអាម៉េរិកក្នុងការប្រើប្រាស់កម្មវិធីទូរស័ព្ទរបស់បរទេសរួមទាំង CapCut និង Lemon8

ព្រឹត្តិការណ៍, អាជីវកម្មថ្មី និងនវានុវត្ត

• 08/04/2026

ភ្នាក់ងារស៊ើបអង្កេតអាម៉េរិក ហៅកាត់ថា FBI បានព្រមានពលរដ្ឋរបស់ខ្លួនឲ្យមានការប្រុងប្រយ័ត្នខ្ពស់ចំពោះប្រភេទកម្មវិធីទូរស័ព្ទក្រៅប្រទេសដែលកំពុងពេញនិយមនាពេលបច្ចុប្បន្ន ដែលទំនងជាសំដៅទៅលើកម្មវិធី CapCut និង Lemon8 ជាដើម

គយអាចបាត់បង់ចំណូល ៤៧ លានដុល្លារក្នុងមួយខែ បន្ទាប់ពីរដ្ឋាភិបាលដាក់ចេញវិធានការចំនួន ២ នេះ

ព្រឹត្តិការណ៍, ហិរញ្ញវត្ថុ

• 08/04/2026

វិធានការចំនួន ២ ដែលរាជរដ្ឋាភិបាលដាក់ចេញ ដើម្បីសម្រាលបន្ទុករបស់ធុរជន និងប្រជាពលរដ្ឋ ក្នុងស្ថានការណ៍នៃការកើនឡើងខ្ពស់នៃតម្លៃប្រេងឥន្ធនៈជាសកល នឹងធ្វើឱ្យអគ្គនាយកដ្ឋានគយ និងរដ្ឋាករកម្ពុជាបាត់បង់ចំណូលប្រមាណ ៤៧ លានដុល្លារអាម៉េរិក ក្នុងមួយខែ។

វត្តមានចំណតផែកុងតឺន័រទឹកជ្រៅថ្មីជំហានទី១ ជួយកាត់បន្ថយតម្លៃដឹកជញ្ជូនតាមផ្លូវទឹកប្រមាណ២០០ដុល្លារ ក្នុងមួយធីអីយូ

ព្រឹត្តិការណ៍, សេដ្ឋកិច្ច

• 08/04/2026

ក្រោយបញ្ចប់ការសាងសង់ចំណតផែកុងតឺន័រទឹកជ្រៅថ្មីជំហានទី១រួចនៅឆ្នាំ២០២៧ តម្លៃដឹកជញ្ជូនតាមផ្លូវទឹកនឹងត្រូវកាត់បន្ថយ២០០ដុល្លារ ក្នុងមួយធីអីយូ

តម្លៃប្រេងឆៅធ្លាក់ចុះជាង ១៥ ភាគរយ បន្ទាប់ពីមានបទឈប់បាញ់បណ្តោះអាសន្នរវាងអាម៉េរិក-អ៊ីរ៉ង់

ព្រឹត្តិការណ៍, សេដ្ឋកិច្ច

• 08/04/2026

តម្លៃប្រេងឆៅធ្លាក់ចុះយ៉ាងខ្លាំង ខណៈដែលទីផ្សារភាគហ៊ុនបានហក់ឡើង បន្ទាប់ពីសហរដ្ឋអាម៉េរិក និងអ៊ីរ៉ង់បានយល់ព្រមលើកិច្ចព្រមព្រៀងបទឈប់បាញ់ ដែលមានលក្ខខណ្ឌរយៈពេលពីរសប្តាហ៍ និងការបើកច្រកសមុទ្រ Hormuz ឡើងវិញ

ក្រុមហ៊ុនអុិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មី និងបង្ហាញពីផែនការឆ្ពោះទៅរកភាពរីកចម្រើន

ព្រឹត្តិការណ៍, អត្ថបទពាណិជ្ជកម្ម

• 08/04/2026

ក្រុមហ៊ុនអ៊ិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មីនិងបង្ហាញពីផែនការឆ្ពោះទៅរកភាពរីកចម្រើននៅដំណាក់កាលបន្តបន្ទាប់នាពេលអនាគត។

វត្តមាន SMEs ប្រមាណ ៧៥ ម៉ឺនមូលដ្ឋាន បង្កើតការងារជូនប្រជាពលរដ្ឋជិត ៣ លាននាក់

ព្រឹត្តិការណ៍, សេដ្ឋកិច្ច

• 08/04/2026

សហគ្រាសធុនតូច និងមធ្យម (SMEs) គឺជា “ឆ្អឹងខ្នងដ៏រឹងមាំ” ដែលទ្រទ្រង់នូវរចនាសម្ព័ន្ធសេដ្ឋកិច្ចជាតិទាំងមូល ខណៈវត្តមាន SMEs មានប្រមាណ ៧៥ ម៉ឺនមូលដ្ឋាន ដែលកំពុងផ្តល់ដង្ហើមសេដ្ឋកិច្ច និងបង្កើតការងារជូនប្រជាពលរដ្ឋជិត ៣ លាននាក់ ដែលនេះគឺជាឆ្អឹងខ្នងសេដ្ឋកិច្ចមិនអាចខ្វះបាន។

កម្ពុជានឹងមានរោងចក្រផ្គុំដំឡើងម៉ូតូ និងកង់បី នៅខណ្ឌដង្កោ ក្នុងទំហំទុនវិនិយោគ ៨លានដុល្លារអាម៉េរិក

ព្រឹត្តិការណ៍, សេដ្ឋកិច្ច

• 07/04/2026

រោងចក្រផ្គុំដំឡើងទោចក្រយានយន្ត (ម៉ូតូ) និងត្រីចក្រយានយន្ត ( កង់បី ) មួយកន្លែង ត្រូវបានគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា សម្រេចជាស្ថាពរចុះបញ្ជីវិនិយោគជាគម្រោងដែលមានលក្ខណៈសម្បត្តិគ្រប់គ្រាន់នៅក្នុងខណ្ឌដង្កោរ ភ្នំពេញ

កំពង់ផែស្វយ័តក្រុងព្រះសីហនុ និង CSX រៀបចំវេទិកាក្រុមហ៊ុនចុះបញ្ជីលក់មូលបត្រក្រោមប្រធានបទ «សក្តានុពលរបស់កំពង់ផែស្វយ័តក្រុងព្រះសីហនុ»

ព្រឹត្តិការណ៍, ហិរញ្ញវត្ថុ

• 07/04/2026

កំពង់ផែស្វយ័តក្រុងព្រះសីហនុ និងផ្សារមូលបត្រកម្ពុជា CSX បានរៀបចំវេទិកាក្រុមហ៊ុនចុះបញ្ជីលក់មូលបត្រក្រោមប្រធានបទ «សក្តានុពលរបស់កំពង់ផែស្វយ័តក្រុងព្រះសីហនុ»