រដូវបុណ្យកាន់បិណ្ឌ-ភ្ជុំបិណ្ឌ! ផ្លែឈើក្នុងស្រុកមានតម្រូវការខ្ពស់

ភ្នំពេញ៖ ផ្លែឈើក្នុងស្រុកកាន់តែមានតម្រូវការខ្ពស់ក្នុងអំឡុងពិធីបុណ្យកាន់បិណ្ឌ និងភ្ជុំបិណ្ឌ ដោយសារប្រជាពលរដ្ឋត្រូវការយកទៅរៀបចំជាចង្ហាន់ ប្រគេនទេយ្យទានដល់ព្រះសង្ឃ រៀបចំអាសនៈ និងសែនដូនតា។ ការកើនឡើងនៃបរិមាណលក់បានក្លាយជាឱកាសសំខាន់សម្រាប់អាជីវករ និងកសិករខ្មែរ ក្នុងការបង្កើនចំណូល។

ផ្លែឈើក្នុងស្រុកដូចជា ចេកណាំវ៉ា ចេកពងមាន់ ចេកអំបូង មៀន ក្រូចពោធិ៍សាត់ ស្រកានាគ ទទឹម ស្វាយ មង្ឃុត ល្មុត សេដា ដូង ក្រូចថ្លុង និងម្នាស់ ត្រូវបានប្រជាពលរដ្ឋនិយមយកទៅប្រើប្រាស់ក្នុងពិធីបុណ្យប្រពៃណីនេះ ដោយត្រូវបានចាត់ទុកថាជានិមិត្តរូបនៃភាពសម្បូរសប្បាយ និងត្រជាក់ត្រជុំ។

តាមការលើកឡើងរបស់អាជីវករ ប្រជាពលរដ្ឋបច្ចុប្បន្នមានទំនោរទិញផ្លែឈើធម្មជាតិក្នុងស្រុកកាន់តែច្រើន ដោយសារកត្តារសជាតិ និងសុវត្ថិភាពម្ហូបអាហារ។ ការគាំទ្រផលិតផលក្នុងស្រុក រួមជាមួយនឹងចលនាប្រជាពលរដ្ឋធ្វើដំណើរទៅស្រុកកំណើត ដើម្បីជួបជុំគ្រួសារ បានជំរុញសកម្មភាពទិញដូរផ្លែឈើប្រចាំតំបន់ ទាំងសម្រាប់ទទួលទានផ្ទាល់ខ្លួន និងធ្វើជាកាដូជូនចាស់ទុំ។

អ្នកស្រី នី ចិន្តា អាជីវករលក់ផ្លែឈើចម្រុះនៅផ្សារប្រាំពីរមករា បានប្រាប់បណ្តាញព័ត៌មាន AMS ថា ក្នុងរដូវកាលបុណ្យកាន់បិណ្ឌ និងភ្ជុំបិណ្ឌ តម្លៃផ្លែឈើមិនមានការប្រែប្រួលខ្លាំងធៀបនឹងថ្ងៃធម្មតានោះទេ។

អ្នកស្រីបានឱ្យដឹងថា ផ្លែឈើដែលមានតម្រូវការប្រចាំថ្ងៃខ្ពស់ មានរង្វង់ចំណេញជាមធ្យមត្រឹម ១៥% ទៅ ២០% ប៉ុណ្ណោះ ប៉ុន្តែការកើនឡើងនៃបរិមាណលក់សរុបបានជួយឱ្យអាជីវករអាចរកប្រាក់ចំណេញបានច្រើន។

អ្នកស្រី ចិន្តា បានបន្តថា មុខទំនិញដែលលក់ដាច់ស្ទើរតែទាំងអស់ រួមមានផ្លែឈើក្នុងស្រុកដូចជា ចេកគ្រប់ប្រភេទ មៀន ក្រូចពោធិ៍សាត់ ល្មុត សាវម៉ាវ ក្រូចថ្លុង និងដូង។ ចំណែកផ្លែឈើនាំចូល និងមុខទំនិញដទៃទៀតដែលមានការលក់ដាច់ រួមមានផ្លែប៉ោមក្រហម និងបៃតង ទំពាំងបាយជូរ ក្រូចឃ្វិចសំបកលឿង និងផ្លែទទឹម។

ចំពោះតម្លៃផ្លែឈើវិញ អ្នកស្រីបានឱ្យដឹងថា មានការប្រែប្រួលតិចតួចប៉ុណ្ណោះ ដោយផ្លែប៉ោមមានតម្លៃចន្លោះពី ១២,០០០ ទៅ ១៥,០០០ រៀល ខណៈផ្លែមៀនមានតម្លៃពី ៨,០០០ ទៅ ១០,០០០ រៀលក្នុងមួយគីឡូក្រាម និងក្រូចសំបកលឿងមានតម្លៃពី ១០,០០០ ទៅ ១៧,០០០ រៀលក្នុងមួយគីឡូក្រាម។

អ្នកស្រី ចិន្តា បានបញ្ជាក់ថា កត្តាគន្លឹះដែលជួយឱ្យអាជីវកម្មរបស់អ្នកស្រីរក្សាបានចំណែកទីផ្សារ គឺការគ្រប់គ្រងខ្សែច្រវាក់ផ្គត់ផ្គង់ ដោយទទួលបានប្រភពទំនិញមានគុណភាព តម្លៃដើមទាប ធានាបានភាពស្រស់ និងមិនឆ្លងកាត់ម៉ូយកណ្តាលច្រើនតំណាក់កាល។

ទោះជាយ៉ាងណា អាជីវកររូបនេះបានគូសបញ្ជាក់ថា អាជីវកម្មនៅបាត់បង់ឱកាសមួយចំនួនក្នុងការបង្កើតតម្លៃបន្ថែមលើផលិតផល ដោយសារខ្វះពេលវេលាក្នុងការរៀបចំកន្ត្រកកាដូ ឬសាដកផ្លែឈើស្រស់ និងការពង្រីកការលក់តាមប្រព័ន្ធឌីជីថល។

អ្នកស្រីបានលើកឡើងថា ការលក់តាម E-Commerce ការបង្កើតទំព័រ Facebook និង TikTok ការថតរូប ឬវីដេអូទាក់ទាញ ព្រមទាំងការភ្ជាប់ជាមួយកម្មវិធីដឹកជញ្ជូន អាចជាឱកាសសម្រាប់បង្កើតតម្លៃបន្ថែម និងពង្រីកទីផ្សារផ្លែឈើ។

អ្នកស្រី ចិន្តា បានបន្ថែមថា សម្រាប់ពិធីបុណ្យកាន់បិណ្ឌ និងភ្ជុំបិណ្ឌនៅឆ្នាំក្រោយ អ្នកស្រីនឹងរៀបចំឱកាសបង្កើតតម្លៃបន្ថែមលើផលិតផលទាំងនេះ ដោយផ្តោតលើប្រភេទផ្លែឈើដែលបានកត់សម្គាល់ថាលក់ដាច់ជាងគេ និងដែលប្រជាពលរដ្ឋនិយមយកទៅរៀបចំជាកន្ត្រកផ្លែឈើ ឬសាដកផ្លែ ដើម្បីប្រគេនព្រះសង្ឃ ឬជូនអ្នកមានគុណ។

ដោយឡែក​ ​អ្នក​ស្រី​ ​លឿត ​គីម​សួយ​ ​អាជីវករ​លក់​ផ្លែ​ឈើ​នៅ​ផ្សារ​ទួលគោក ​បាន​ឱ្យ​ដឹង​ថា​ ​ចរន្ត​នៃ​ការ​ទិញ​លក់​ផ្លែ​ឈើ​នឹង​កើនឡើង​ខ្លាំង​នៅ​ចុង​សប្តាហ៍​ ​គឺ​ថ្ងៃ​សៅរ៍​ ​និង​អាទិត្យ​ ​ព្រោះ​ជា​ពេល​ដែល​ប្រជា​ពលរដ្ឋ​ទំនេរ​ពី​ការងារ​ ​និង​មាន​ពេល​រៀបចំ​ទៅ​វត្ត​អារាម​។

​សរុប​សេចក្តី​មក​ ​ពិធី​បុណ្យ​ភ្ជុំ​បិណ្ឌ​មិន​ត្រឹមតែ​ជា​ពិធី​បុណ្យ​ប្រពៃណី​សាសនា​ប៉ុណ្ណោះ​ទេ ​ប៉ុន្តែ​ក៏​ជា​កាតាលីករ​សេដ្ឋកិច្ច​ដ៏​សំខាន់​ក្នុង​ការ​ជំរុញ​ចរាចរណ៍​សាច់ប្រាក់​ ​គាំទ្រ​ខ្សែ​ច្រវាក់​ផលិតកម្ម​កសិកម្ម​ក្នុង​ស្រុក​ ​និង​បង្កើត​ចំណូល​បន្ថែម​ដល់​អាជីវករ​លក់​ដុំ ​និង​លក់​រាយ​ផ្លែ​ឈើ​នៅ​កម្ពុជា​៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

សហគ្រិនខ្មែរ, Canadia Impact Fund, La French Tech Phnom Penh, Krya Global និង មជ្ឈមណ្ឌលបច្ចេកវិទ្យា AUPP ពង្រឹងប្រព័ន្ធអេកូឡូស៊ីធុរកិច្ចថ្មី និងនវានុវត្តន៍នៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរ (Khmer Enterprise) ដែលជាបរធនបាលកិច្ចរបស់រាជរដ្ឋាភិបាល បង្កើតឡើងក្នុងគោលបំណង ជំរុញការអភិវឌ្ឍប្រព័ន្ធអេកូឡូស៊ីសហគ្រិនភាព តាមរយៈការពង្រឹងធុរកិច្ចថ្មី និងសហគ្រាសធុនតូច និងមធ្យម (SMEs) នៅកម្ពុជា កំពុងបង្កើនកិច្ចសហការយុទ្ធសាស្ត្រជាមួយដៃគូក្នុងស្រុក និងអន្តរជាតិ ដើម្បីពង្រីកឱកាសសម្រាប់សហគ្រិន និងធុរកិច្ចថ្មី។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់សហគ្រិនខ្មែរ ក្នុងការកសាងប្រព័ន្ធអេកូឡូស៊ីសហគ្រិនភាពមួយដែល