សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា ទំហំពាណិជ្ជកម្មរវាងរុស្ស៊ី និងស្វីស បានកើនឡើងចាប់តាំងពីសហភាពអឺរ៉ុបការដាក់ទណ្ឌកម្មមកលើរុស្ស៊ីមកម្ល៉េះ។
តាមរយៈទិន្នន័យរបស់ស្វីសបានបង្ហាញថា ការនាំចេញរបស់ស្វីសដែលភាគច្រើនជាផលិតផលឱសថបានកើនឡើង ១៩ ភាគរយ ខណៈដែលការនាំចូលពីរុស្ស៊ីបានកើនឡើង ៥៤ ភាគរយដោយគិតចាប់តាំងពីដើមឆ្នាំ២០២២មក។ កំណើននៃការនាំចូលដ៏ច្រើនសន្ធឹកសន្ធាប់នេះ ភាគច្រើនគឺជាការនាំចូលមាសពីរុស្ស៊ី។
កាលពីខែសីហាកន្លងទៅនេះ ស្វីសបានចូលរួមជាមួយនឹងសហភាពអឺរ៉ុបអនុម័តទណ្ឌកម្មទីប្រាំពីទៅលើរុស្ស៊ី ក្នុងការហាមឃាត់លើការទិញ ការនាំចូល ការធ្វើពាណិជ្ជកម្មមាសទាំងផ្ទាល់ និងដោយប្រយោល ដែលមានប្រភពមកពីប្រទេសរុស្ស៊ី ហើយថែមទាំងហាមឃាត់ការនាំចេញពីរុស្ស៊ីទៅកាន់ប្រទេសទាំងនោះទៀតផង។
ទោះជាយ៉ាងណាក្តី យោងតាមទិន្នន័យគយរបស់ស្វីស បានបង្ហាញថា មាសចំនួន ៦,៤ តោន ឬ មានតម្លៃ ៣៧០ លានដុល្លារនាំចូលពីប្រទេសរុស្ស៊ីមកកាន់ស្វីសកាលពីខែវិច្ខិកាកន្លងទៅនេះ ។ យ៉ាងណាមិញ អត្តសញ្ញាណអ្នកទិញមិនត្រូវបានបញ្ជាក់ច្បាស់លាស់នោះទេ ហើយសមាគមនៃក្រុមហ៊ុនផលិត និងចែកចាយមាសនៅស្វីស បានបដិសេដថា ខ្លួនមិនមានទំនាក់ទំនងអ្វីជាមួយមាសរុស្ស៊ីទេ ប៉ុន្តែមាសជាច្រើនបាននាំចូលទៅក្នុងប្រទេសស្វីស ដែលជាមជ្ឈមណ្ឌលពិភពលោកដ៏សំខាន់មួយក្នុងការកែច្នៃលោហៈដ៏មានតម្លៃនេះ។ គេជឿថា មាសរបស់រុស្ស៊ីជាច្រើនបានចូលទៅក្នុងប្រទេសស្វីសតាមរយៈប្រទេសទី៣ ដូចជា ទីក្រុងឌូបៃ ដែលធ្វើឱ្យពិបាកក្នុងការវិនិច្ឆ័យ៕
Account
Security
Favourite Content