សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សភាពាណិជ្ជកម្មកម្ពុជាកាលពីពេលកន្លងទៅថ្មីៗនេះ បានស្នើឱ្យ មានការរិយាល័យតំណាងពាណិជ្ជកម្មរបស់ប្រទេសអូស្រ្តាលីមួយនៅក្នុងប្រទេសកម្ពុជា ដែលការស្នើសុំនេះ គឺធ្វើឡើងដើម្បីឱ្យទំនាក់ទំនងពាណិជ្ជកម្មរវាងប្រទេសទាំងពីរកាន់តែមានភាពងាយស្រួល និងស្និទ្ធស្នាលជាងមុន។
ក្រៅតែពីកិច្ចពង្រឹងមិត្តភាពក្នុងនាមជាដៃគូអភិវឌ្ឍន៍ និងទំនាក់ទំនងពាណិជ្ជកម្មជាមួយគ្នា ភាគីកម្ពុជាក៏អាចទទួលបានអត្ថប្រយោជន៍ ជាច្រើនទៀត តាមរយៈកិច្ចព្រមព្រៀងពាណិជ្ជកម្មសេរី អាស៊ាន អូស្ត្រាលី ណូវែលសេឡង់ និងកិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយតំបន់ផងដែរ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានមានប្រសាសន៍ថា ដើម្បីជំរុញ និងបង្រីកទំហំពាណិជ្ជកម្ម ក៏ដូចជាកិច្ចសហប្រតិបត្តិការសេដ្ឋកិច្ចទ្វេភាគីរវាងប្រទេសទាំងពីរកម្ពុជា-អូស្ត្រាលីឱ្យកាន់តែល្អប្រសើរជាងពេលបច្ចុប្បន្ន កម្ពុជាចង់ឱ្យមានការិយាល័យតំណាងពាណិជ្ជកម្មនៃប្រទេសអូស្ត្រាលីនៅកម្ពុជាផ្ទាល់តែម្ដង ដើម្បីឱ្យរាល់កិច្ចដំណើរការពិភាក្សា និងដូចជាកិច្ចទំនាក់ទំនងផ្នែកទីផ្សារកាន់តែស្និទ្ធស្នាល់។
លោកឧកញ៉ាបានបញ្ជាក់ថា ៖
“យើងចង់ឱ្យគាត់ហ្នឹងបង្កើតការិយាល័យពាណិជ្ជកម្មមួយនៅកម្ពុជា ដើម្បីយើងធ្វើការឱ្យកាន់តែជិតស្និទ្ធ ព្រោះកន្លងមកគាត់ធ្វើពីហាណូយប្រទេសវៀតណាមមក ដូច្នេះយើងចង់បានការិយាល័យតំណាងពាណិជ្ជកម្មរបស់គាត់នៅកម្ពុជា។”
លោកឧកញ៉ាបានបញ្ជាក់ពីមូលហេតុយ៉ាងដូច្នេះថា ៖
“ដើម្បីយើងធ្វើការផ្ទាល់ជាមួយការិយាល័យតំណាង ដើម្បីឱ្យកាន់តែមានប្រសិទ្ធភាពក្នុងការអនុវត្តនៃកិច្ចព្រមព្រៀងសេរីពាណិជ្ជកម្ម អាស៊ាន-អូស្ត្រាលី-ណូវែលសេឡង់ ក៏ដូចជាកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់។ ក្រៅពីនេះ វានឹងជំរុញបន្ថែមទៀតនូវការរិយាល័យតំណាងសភាពាណិជ្ជកម្មកម្ពុជា ដែលកម្ពុជាមាន ចំនួន ២ រួចមកហើយ គឺមួយស្ថិតនៅទីក្រុង មែលប៊ន និងមួយទៀតនៅទីក្រុងស៊ីដនី។ ដូច្នេះ ប្រសិនបើប្រទេសអូស្ត្រាលីមានការិយាល័យមួយនៅកម្ពុជា ការធ្វើការនឹងមានភាពជិតស្និទ្ធរវាងសភាពាណិជ្ជកម្មកម្ពុជា និងការិយាល័យពាណិជ្ជកម្មអូស្ត្រាលីនៅកម្ពុជា។”
គួររំលឹកផងដែថា កាលពីពេលកន្លងទៅ ក៏ដូចជាពេលបច្ចុប្បន្ននេះ អូស្រ្តាលីមានគម្រោងជាច្រើននៅកម្ពុជា ដែលគម្រោងទាំងនោះរួមមានដូចជា គម្រោង CAVAC CAPRED សម្រាប់ជំរុញផ្នែកសួនកសិឧស្សាហកម្ម (AIP) នៅកម្ពុជា។ វាកាន់តែមានសារៈសំខាន់ ក្នុងការ ធ្វើការ ជិត ស្និទ្ធជាមួយគ្នាលើគម្រោងទាំងនេះ ដើម្បីការអភិវឌ្ឍនៅកម្ពុជា និងដើម្បីពង្រីងគុណភាពវត្ថុធាតុដើមផ្សេងៗនៅក្នុងស្រុក សម្រាប់នាំចេញទៅប្រទេសអូស្ត្រាលី និងទៅបណ្ដាប្រទេស សហគមន៍អឺរ៉ុប ក៏ដូចជាអាមេរិក ឬក៏អន្តរជាតិតែម្ដង៕
Account
Security
Favourite Content