សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រចេះ៖ ក្រុមហ៊ុនផលិតសំបកកង់ DOUBLESTAR មានទីតាំងនៅក្នុងតំបន់សេដ្ឋកិច្ចពិសេសស្នួល ខេត្តក្រចេះ បានផលិតសំបកកង់រថយន្តលក់នៅក្នុងទីផ្សារអឺរ៉ុប និងសហរដ្ឋអាមេរិក ហើយនៅឆ្នាំ២០២៤កន្លងទៅ បាននាំចេញសំបកកង់រថយន្តដំបូងរបស់ខ្លួនប្រមាណ១០ម៉ឺនឈុត។ នេះបើតាមការបញ្ជាក់ពីលោក ឈិន កាង (Chen Gang) នាយកប្រចាំរោងចក្រសំបកកង់ DOUBLESTAR ។
លោក ឈីន កាង បានឱ្យដឹងផងដែរថា ក្រុមហ៊ុនក៏មានគម្រោងដកយកចំណែកនៃផលិតផលសំបកកង់រថយន្តចំនួន ១៥% លក់នៅក្នុងប្រទេសកម្ពុជា ដោយមានគុណភាពល្អដូចសំបកកង់នាំចេញទីផ្សារអឺរ៉ុប និងអាមេរិកដែរ។
លោកនាយកប្រចាំរោងចក្រសំបកកង់ DOUBLESTAR បានបញ្ជាក់ថា៖ ក្នុងមួយឆ្នាំ រោងចក្រត្រូវការជ័រកៅស៊ូក្នុងស្រុកសម្រាប់ផលិតសំបកកង់រថយន្តប្រមាណ ៥ ទៅ ៦ម៉ឺនតោន ហើយបច្ចុប្បន្ន ក្រុមហ៊ុននេះមានបុគ្គលិកសរុបប្រមាណ ១៦០០នាក់ និងបុគ្គលិកជាង ៨០% ជាជនជាតិខ្មែរក្រៅពីនោះជាជនជាតិចិន ដែលជាបុគ្គលិកបច្ចេកទេស។
គួរឱ្យដឹងថា៖ ក្រុមហ៊ុនផលិតសំបកកង់ DOUBLESTAR បានមកសិក្សាពីគម្រោងបង្កើតតំបន់សេដ្ឋកិច្ចពិសេសនៅប្រទេសកម្ពុជានៅខែមករា ឆ្នាំ២០១៣ ហើយបានមករត់ឯកសារពីគម្រោងបង្កើតតំបន់សេដ្ឋកិច្ចពិសេស ស្រុកស្នួល ខេត្តក្រចេះ នៅខែឧសភា ឆ្នាំ២០២៣ និងបានចាប់ផ្ដើមផលិតសំបកកង់នៅតំបន់សេដ្ឋកិច្ចពិសេសនេះ នៅខែឧសភា ឆ្នាំ២០២៤ ដោយមានផលិតលក់នៅលើទីផ្សារអឺរ៉ុប និងសហរដ្ឋអាមេរិក។ក្រុមហ៊ុនDOUBLESTAR មានចំនួន សាខាចំនួន១១ទីតាំងនៅជុំវិញពិភពលោក ក្នុងនោះមាននៅក្នុងប្រទេសដូចជា៖ ប្រទេសកូរ៉េ, អាមេរិក, វៀតណាម, ចិន និងក្នុងប្រទេសបណ្ដាសហគមន៍អឺរ៉ុបមួយចំនួនទៀត៕
Account
Security
Favourite Content