សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រោយការអនុវត្តនូវវិធានការក្នុងការទប់ស្កាត់ការនាំចូលសត្វជ្រូក និងផលិតផលផលិតពីសាច់ជ្រូកពីប្រទេសវៀតណាមដោយខុសច្បាប់ ដែលកំពុងមានការ
ផ្ទុះឡើងនៃជំងឺប៉េស្តជ្រូកអាហ្វ្រិកដែលគួរឲ្យព្រួយបារម្ភនោះ បច្ចុប្បន្នការផ្គត់ផ្គង់សាច់ជ្រូកក្នុងស្រុកចាប់ផ្តើមមានកំណើនកើនឡើងជាបណ្តើរៗ និងបានផ្តល់នូវផលចំណូលដល់អ្នកចិញ្ចឹមដែលធ្លាប់ទទួលរងនូវផលលំបាកកាលពីពេលកន្លងទៅ។ នេះបើតាមការលើកឡើងរបស់ប្រធានសមាគមអ្នកចិញ្ចឹមសត្វកម្ពុជា។
លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាបានអះអាងប្រាប់AMSថា ឥឡូវនេះកសិករ និងកសិកដ្ឋានចិញ្ចឹមជ្រូកទទួលបានផលគួរសមបន្ទាប់ពីឆ្លងកាត់ការលំបាករាប់មិនអស់ ខណៈដែលតម្រូវការបរិភោគសាច់ជ្រូកក្នុងស្រុកកំពុងមាននិន្នាការកើនឡើងជាបណ្តើរៗ ហើយ ប្រសិនបើសកម្មភាពទប់ស្កាត់ការនាំចូលពីប្រទេសជិតខាងមានប្រសិទ្ធភាពនោះវារឹតកាន់តែប្រសើរឡើងថែមទៀត។
លោក ស្រ៊ុន ពៅ បានមានប្រសាសន៍ថា ៖
«តម្លៃជ្រូករស់ដែលកសិករលក់ចេញទៅលើទីផ្សារគឺត្រូវមានតម្លៃឯកភាពគ្នា ដើម្បីការពារតម្លៃលើទីផ្សារ ឬក៏ការពារពីការក្រឡុកទីផ្សាររបស់ឈ្មួញកណ្តាល។ ពេលនេះ តម្លៃជ្រូករស់គឺមានតម្លៃក្នុង 1គីឡូក្រាមតម្លៃតែពី 14,000រៀលក្នុង1គីឡូក្រាម ខណៈដែលទីផ្សារលក់រាយតម្លៃដល់ទៅជាង 23,000 ទៅ 25,000រៀលក្នុង 1គីឡូក្រាម»
«ជាកត្តាសំខាន់ បើគ្មានជំងឺឆ្លងដែន(ប៉េស្តជ្រូកអាហ្វ្រិក)តាមរយៈការនាំចូលជ្រូកពីប្រទេសវៀតណាមទេនោះ ក្នុងអំឡុងពេល2 ឆ្នាំទៀតជ្រូកយើងមិនខ្វះទេ គឺអាចផ្គត់ផ្គង់នៅលើទីផ្សារបាន។ យើងអាចលើកឧទាហរណ៍ថា ដោយគិតជាមធ្យមយើងហូបសាច់ជ្រូកប្រមាណជា 8,000 ក្បាលក្នុង1ថ្ងៃ បើទីផ្សារទូលាយ។ តែបើទីផ្សារចង្អៀតយើងហូបអស់តែត្រឹម 5,000 ក្បាលក្នុង1ថ្ងៃ បានហើយ។ ការកាត់បន្ថយនេះគឺកាត់បន្ថយការនាំចូល។ ឧបមាថា បើយើងធ្លាប់នាំចូលជ្រូក 3,000ក្បាលក្នុង1ថ្ងៃ យើងឱ្យនាំចូលតែ 2,000ក្បាលក្នុង1ថ្ងៃ បានហើយ។ ដូច្នេះយើងអាចកាត់បន្ថយការនាំចូល និងទប់ស្កាត់តម្លៃមិនឱ្យឡើងផងដែរ ដើម្បីស្ថិរភាពតម្លៃក្នុងស្រុក»
យោងតាមការជូនដំណឹងរបស់ក្រសួងកសិកម្ម រុក្ខាប្រមាញ់ និងនេសាទ ជំងឺប៉េស្តជ្រូកអាហ្វ្រិកបានបន្តរាលដាល និងផ្ទុះឡើងនៅក្នុងប្រទេសវៀតណាម។ ស្របនឹងវិធានការរបស់ក្រសួងកសិកម្ម រុក្ខាប្រមាញ់ និងនេសាទ កំពុងដាក់ចេញវិធានការតឹងរឹងក្នុងការទប់ស្កាត់ការរីករាលដាល និងការលូចនាំចូលជ្រូកពីប្រទេសវៀតណាម។
សេចក្តីប្រកាសក៏បានស្នើឱ្យអាជ្ញាធរបណ្តាខេត្តជាប់នឹងប្រទេសវៀតណាម ដោយហាមឃាត់ការនាំចូលខុសច្បាប់នូវការនាំចូលសត្វជ្រូកសាច់ជ្រូក និងផលិតផលធ្វើពីសាច់ជ្រូកដើម្បីចៀសវាងការរីករាលដាលនៃជំងឺប៉េស្តជ្រូកអាហ្វ្រិក ជាពិសេសពីតំបន់ជាប់ព្រំដែនប្រទេសវៀតណាម។
ឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្ម រុក្ខាប្រមាញ់ និងនេសាទបានប្រាប់AMSថា បន្ទាប់ពីមានការប្រកាសរបស់រដ្ឋមន្ត្រីអំពីការរាតត្បាតជំងឺប៉េស្តជ្រូកអាហ្វ្រិកនៅប្រទេសជិតខាង យើងបានអនុវត្តតាមសេចក្តីប្រកាសនោះហើយដោយទប់ស្កាត់ការនាំចូលសត្វជ្រូក និងពុំទាន់មានអ្វីជាជំងឹរាតត្បាតនាំចូលមកកម្ពុជាទេ។
ទោះជាយ៉ាងណា ឯកឧត្តម តាន់ ផាន់ណារ៉ា បានមានប្រសាសន៍ថា ៖
«ផលិតកម្មសត្វក្នុងស្រុកគឺមានការកើនឡើងប្រមាណជាង15ភាគរយ និងបានកាត់បន្ថយនូវតម្រូវការនាំចូលមកនៅអប្បបរមា។ ដោយសារស្ថិរភាពនៃតម្លៃទីផ្សារ ជាកត្តាសំខាន់ធ្វើឱ្យការចិញ្ចឹមសត្វ ពិសេសការចិញ្ចឹមជ្រូក របស់កសិករមានការកើនឡើង នេះជាកត្តាចម្បងដែលក្រសួងបាននឹងកំពុងធ្វើ និងជំរុញឱ្យបន្តកើនឡើងទៅឆ្នាំខាងមុខទៀត»
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ប្រទេសអ៊ីស្លង់ សម្រេចធ្វើប្រជាមតិមិនចរចាដើម្បីចូលជាសមាជិកអឺរ៉ុបឡើយ
ព្រឹត្តិការណ៍, អាជីវកម្មថ្មី និងនវានុវត្ត
• 31/08/2026
ប្រជាជនអ៊ីស្លង់ បានធ្វើការបោះឆ្នោតបដិសេធទៅនឹងផែនការដ៏សំខាន់មួយរប់សប្រទេសកាលពីពេលថ្មីៗនេះ ចំពោះកិច្ចខិតខំប្រឹងប្រែងរបស់រដ្ឋាភិបាលក្នុងការស្តារកិច្ចចរចាឡើងវិញដើម្បីអាចចូលរួមជាសមាជិករបស់សហភាពអឺរ៉ុប
មន្ត្រីជាន់ខ្ពស់រុស្ស៊ីអះអាងថា អឺរ៉ុបបង្កើតរូបភាពយករុស្ស៊ីធ្វើជាសត្រូវ ជាលេសបង្កើនការយកពន្ធបន្ថែមពីពលរដ្ឋ
ព្រឹត្តិការណ៍, អាជីវកម្មថ្មី និងនវានុវត្ត
• 31/08/2026
អ្នកនាំពាក្យវិមានក្រឹមឡាំង លោក Dmitry Peskov អះអាងថា អឺរ៉ុបបានបង្កើតរូបភាពយករុស្ស៊ីធ្វើជាសត្រូវ ដើម្បីគ្រាន់តែជាលេសបង្កើនការយកពន្ធបន្ថែមពីពលរដ្ឋតែប៉ុណ្ណោះ
មេដឹកនាំរុស្ស៊ី ចិន និងអ៊ីរ៉ង់ ត្រៀមជួបជុំគ្នាក្នុងកិច្ចប្រជុំកំពូល SCO ដើម្បីទប់ទល់ឥទ្ធិពលលោកខាងលិច
ព្រឹត្តិការណ៍, អាជីវកម្មថ្មី និងនវានុវត្ត
• 31/08/2026
ប្រធានាធិបតីរុស្ស៊ី លោក Vladimir Putin និងប្រធានាធិបតីចិន លោក Xi Jinping មានផែនការជួបគ្នាដើម្បីពិភាក្សារកយុទ្ធសាស្ត្រទប់ទល់ឥទ្ធិពលលោកខាងលិច
Chery Cambodia នាំមកនូវបទពិសោធន៍រស់នៅបែបស៊ីវិល័យនៅក្នុងព្រឹត្តិការណ៍ពិព័រណ៍រថយន្ត iCAUR Lifestyle Auto Show 829
ព្រឹត្តិការណ៍, អត្ថបទពាណិជ្ជកម្ម
• 31/08/2026
Chery Cambodia នាំមកនូវបទពិសោធន៍រស់នៅបែបស៊ីវិល័យនៅក្នុងព្រឹត្តិការណ៍ពិព័រណ៍រថយន្ត iCAUR Lifestyle Auto Show 829
សង្គ្រាមនៅអ៊ីរ៉ង់ កំពុងបង្កវិបត្តិយ៉ាងធ្ងន់ធ្ងរបំផុតមិនធ្លាប់មានដល់កសិករអាមេរិក
ព្រឹត្តិការណ៍, អាជីវកម្មថ្មី និងនវានុវត្ត
• 28/08/2026
ដោយសារតែភ្លើងសង្គ្រាមនៅអ៊ីរ៉ង់ ក្រុមកសិករជនជាតិអាមេរិកដែលជាអ្នកផលិតសម្រាប់ផ្គត់ផ្គង់ទីផ្សារគ្រាប់ធញ្ញជាតិបានធ្លាក់ចូលទៅក្នុងវិបត្តិហិរញ្ញវត្ថុយ៉ាងធ្ងន់ធ្ងរបំផុតមិនធ្លាប់មាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content