សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បន្ថែមពីលើផលិតផលឥណទានដែលមានស្រាប់ដោយអនុគ្រោះដល់ការផ្តល់កម្ចីក្នុងវិស័យអចលនទ្រព្យដូចជាការទិញលំនៅឋានជាដើមនោះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានលើកទឹកចិត្តបណ្តាធនាគារឯកជន និងគ្រឹះស្ថានហិរញ្ញវត្ថុនានាបង្កើនផលិតផលឥណទានថ្មីដោយការផ្ដល់កម្ចីទុនដល់បណ្តាក្រុមហ៊ុនភ្នាក់ងារអចលនទ្រព្យសម្រាប់ការវិនិយោគបន្ថែមដែលអាចទទួលបានផលចំណេញចំនួន4ភាគីក្នុងពេលតែមួយ។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានលើកឡើងថា ស្ថានភាពទូទៅនៃវិស័យអចលនទ្រព្យកម្ពុជានៅពេលបច្ចុប្បន្ន បានធូរស្រាលបន្តិចបន្ទាប់ពីការដាក់ចេញឲ្យអនុវត្តនូវវិធានការរបស់រាជរដ្ឋាភិបាលកម្ពុជាក្នុងការទប់ស្កាត់ការរីករាលដាលនៃជំងឺឆ្លងក្នុងសហគមន៍ ជាពិសេសបន្ទាប់ពីបញ្ចប់ការបិទខ្ទប់ក្រុងភ្នំពេញ ក្រុងតាខ្មៅនៃខេត្តកណ្តាល ព្រមទាំងបើកឲ្យចរាចរណ៍នៅទូទាំងប្រទេសឡើងវិញ។ ប៉ុន្តែ ទោះជាយ៉ាងណា ទីផ្សារមួយនេះអាចនិយាយបានថាទើបតែអាចចាប់ផ្តើមងើបឡើងវិញជាបណ្តើរៗប៉ុណ្ណោះ។
“បើនិយាយពីស្ថានភាពទូទៅយើងមើលឃើញថា ទីផ្សារនេះបានចាប់ផ្តើមងើបឡើងវិញជាបណ្តើរៗបន្ទាប់ពីបានរងគ្រោះធ្ងន់ដោយសារការឆ្លងនៅក្នុងសហគមន៍នៃព្រឹត្តិការណ៍20កុម្ភៈ។ ប៉ុន្តែវានៅមិនទាន់ល្អប្រសើរដូចគ្រាមុនពេលមិនទាន់ផ្ទុះឡើងនៃព្រឹត្តិការណ៍នោះទេ ដែលយើងអាចប្រៀបបានទៅនឹងមនុស្សដែលទើបតែដឹងខ្លួនកម្រើកដៃជើងឡើងវិញបានបន្ទាប់ពីសន្លប់”
លោក ច្រឹក សុខនីម
ទោះជាបែបនេះក្ដី លោកនៅតែបង្ហាញពីភាពសុទិដ្ឋិនិយមថា ទីផ្សារអចលនទ្រព្យកម្ពុជានឹងអាចងើបឡើងវិញក្នុងល្បឿនមួយដ៏លឿនឡើងវិញក្រោមសកម្មភាពវិនិយោគពីសំណាក់អ្នកនៅក្នុងស្រុកបន្ថែមពីលើគម្រោងធំៗមកពីក្រៅប្រទេសដែលនឹងចូលមកបន្ថែមនៅពេលឆាប់ៗខាងមុខនេះ។
“ការងើបឡើងវិញនេះ វាក៏ផ្ដើមចេញពីចរន្តទីផ្សារនៃការទិញ-លក់ ហើយការទិញលក់ចាំបាច់ត្រូវមានដើមទុនជាសំខាន់។ បច្ចុប្បន្នយើងឃើញមានអ្នកខ្លះគាត់ត្រូវការទុកបង្វិល ជាពិសេសក្រុមហ៊ុនភ្នាក់ងារដែលពួកគាត់មានជំនាញនៅក្នុងការវាយតម្លៃអចលនវត្ថុនៅលើទីផ្សារ ប៉ុន្តែដោយសារតែពួកគាត់មានភាពខ្វះខាតទៅលើទុន ដូច្នេះឱកាសវិនិយោគរបស់ពួកគាត់ត្រូវបាត់បង់”
លោក ច្រឹក សុខនីម
លោកបានអះអាងថា ក្នុងករណីនេះ ប្រសិនបើមានកិច្ចសហការយ៉ាងទូលាយពីសំណាក់វិស័យធនាគារឯកជន ឬគ្រឹះស្ថានហិរញ្ញា នោះពួកគាត់(ក្រុមហ៊ុនភ្នាក់ងារ)នឹងក្លាយជាកម្លាំងចលករបន្ថែមក្នុងការរុញឲ្យទីផ្សារអចលនទ្រព្យមានដំណើរការកាន់តែប្រសើរ ហើយអាចផ្តល់នូវអត្ថប្រយោជន៍ដល់4ភាគីក្នុងពេលតែមួយ រួមមាន ម្ចាស់អចលនវត្ថុ(អ្នកលក់)ទទួលបានជោគជ័យលើការលក់ ក្រុមហ៊ុនភ្នាក់ងារដែលជាអ្នកវិនិយោគទទួលបានចំណេញពីការវិនិយោគ ធនាគារ ឬគ្រឹះស្ថានហិរញ្ញវត្ថុទទួលបានការប្រាក់ ហើយរដ្ឋាភិបាលក៏ទទួលបានចំណូលពីការបង់ពន្ធផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 11/04/2024
តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់
ការច្នៃប្រឌិតថ្មីៗ និងបច្ចេកវិទ្យារបស់ Covestro បានធ្វើឲ្យវិស័យកសិកម្ម និងវិស័យផ្សេងទៀតមានភាពល្អប្រសើរ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 11/04/2024
ចលនាឆ្ពោះទៅរកសេដ្ឋកិច្ចដែលមាននិរន្តរភាពជាងមុន គឺត្រូវទាមទារឱ្យមានសកម្មភាពចូលរួមរបស់ឧស្សាហកម្មដែលមានភាពកច្នៃប្រឌិត និងការអនុវត្តដំណោះស្រាយឆ្លាតវៃ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ស្ថានីយវិទ្យុ និងទូរទស្សន៍អប្សរា និងក្រុមហ៊ុន អប្សរា មេឌាសឺវីស (AMS) សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប
វិនិយោគិនមីយ៉ាន់ម៉ា បង្ហាញចំណាប់អារម្មណ៍លើទីផ្សារខុនដូរបស់ប្រទេសកម្ពុជា
Account
Security
Favourite Content