សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការបិទជំនួយរបស់រដ្ឋបាលសហព័ន្ធអាម៉េរិកក្នុងរយៈពេលយូរបន្ថែមទៀតអាចបង្កទៅជាការគំរាមកំហែងដល់កម្មវិធីជំនួយស្បៀងអាហារសម្រាប់ជនជាតិអាម៉េរិកដែលមានចំណូលទាបប្រមាណជា ៤២លាននាក់នៅត្រឹមដើមខែវិច្ឆិកាខាងមុខនេះ។
ការព្រមានដែលត្រូវបានធ្វើឡើងទីភ្នាក់ងារកម្មវិធីអាហារូបត្ថម្ភនៃក្រសួងកសិកម្មអាម៉េរិក(USDA) បានលើកឡើងថា ការបន្តបិទរបស់រដ្ឋាភិបាលដែលអូសបន្លាយក្នុងរយៈពេលយូរ អាចបង្កើតបានទៅជាវិបត្តិចំណីអាហារសម្រាប់ប្រជាជនអាម៉េរិកដែលមានចំណូលទាបរាប់សិបលាននាក់ ខណៈដែលមូលនិធិសម្រាប់កម្មវិធីជំនួយអាហារូបត្ថម្ភបន្ថែម ឬហៅកាត់ថា SNAP នឹងមិនមានមូលនិធិគ្រប់គ្រាន់ទៀតទេនៅត្រឹមចុងខែតុលា ឬដើមខែវិច្ឆិកាខាងមុខនេះ។
លោក Ronald Ward ប្រធានស្តីទីនៃកម្មវិធី SNAP បានជូនដំណឹងដល់មន្ត្រីសុខាភិបាលរួចមកហើយថា កម្មវិធីផ្ដល់ជំនួយកំពុងប្រឈមប្រសិនបើការពន្យារពេលនៅតែបន្ត។ SNAP នឹងមិនមានមូលនិធិគ្រប់គ្រាន់ដើម្បីផ្តល់អត្ថប្រយោជន៍ទៅដល់ប្រជាពលរដ្ឋដែលមានចំណូលទាបនៅត្រឹមដើមខែវិច្ឆិកា ពោលគឺខ្វះខាតសម្រាប់ពលរដ្ឋអាម៉េរិកប្រមាណជាង៤២លាននាក់នៅទូទាំងប្រទេស។
គួរឲ្យដឹងដែរថា គិតត្រឹមពេលនៃការប្រកាសព្រមាននេះ USDA មិនទាន់បានចេញផ្សាយព័ត៌មានជាសាធារណៈសម្រាប់ពលរដ្ឋដែលទទួលអត្ថប្រយោជន៍ពី SNAP នៅឡើយ ទាក់ទងនឹងស្ថានភាពនៃស្ថានភាពកង្វះសាច់ប្រាក់សម្រាប់ខែវិច្ឆិការបស់ពួកគេនោះទេ។
សូមរំំលឹកដែរថា កាលពីនៅថ្ងៃទី១ ខែតុលា ឆ្នាំ២០២៥ រដ្ឋបាលសហព័ន្ធនៃសហរដ្ឋអាម៉េរិកបានប្រកាសបិទដោយសារតែសភាមិនអាចធ្វើការអនុម័តច្បាប់ដែលសមស្របសម្រាប់ខ្ទង់ចំណាយក្នុងឆ្នាំ២០២៦។ ការបិទនេះត្រូវបានគេមើលឃើញថា គឺបណ្តាលមកពីការខ្វែងគំនិតគ្នាពីភាគីទាំងអស់ទៅលើខ្ទង់ចំណាយរបស់សហព័ន្ធក្នុងការដកជំនួយពីបរទេស ព្រមទាំងការឧបត្ថម្ភផ្នែកធានារ៉ាប់រងសុខភាពរបស់ពលរដ្ឋ។ ជាមួយគ្នានេះ ក៏មានការកាត់បន្ថយបុគ្គលិកសហព័ន្ធប្រហែល៩០ម៉ឺននាក់ ដោយទុកឱ្យបុគ្គលិកដែលពាក់ព័ន្ធប្រមាណ៧០ម៉ឺននាក់ ផ្សេងទៀតនៅធ្វើការដោយគ្មានប្រាក់ឈ្នួល៕
Account
Security
Favourite Content