សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ការធ្វើពាណិជ្ជកម្មអន្តរជាតិរបស់កម្ពុជា ក្នុងរយៈពេល៨ខែនេះ ឆ្នាំ ២០២២ មានទឹកប្រាក់សរុប ប្រមាណ ៣៧,៤ពាន់លានដុល្លារ កើនឡើងប្រមាណ ២១,៥ភាគរយ បើធៀបនឹងរយៈពេលដូចគ្នាកាលពីឆ្នាំ ២០២១ ខណៈការនាំចូលទំនិញមកកម្ពុជា គិតជាតម្លៃ ២១,៧៦ពាន់លានដុល្លារ ហើយការនាំចេញទំនិញទៅក្រៅប្រទេសវិញមានតម្លៃ ១៥,៦៤ពាន់លានដុល្លារ។ យោងតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជា ការនាំចេញទំនិញរបស់កម្ពុជាទៅទីផ្សារអន្តរជាតិ ក្នុងចំនួនទឹកប្រាក់សរុប ដែលមានតម្លៃ ១៥,៦៤ពាន់លានដុល្លារ កើនក្នុងអត្រា ២៦,៣ភាគរយបើធៀបនឹងគ្រាដូចគ្នាកាលពីឆ្នាំ ២០២១ មានប្រមាណ ១២,៣៨ពាន់លានដុល្លារ។ ចំណែកការនាំចូលទំនិញមកកម្ពុជាវិញ មានតម្លៃរហូតដល់ជាង ២១,៧៦ពាន់លានដុល្លារកើនឡើងប្រមាណ ១៨,៣ភាគរយ ធៀបនឹងរយៈពេលដូចគ្នាក្នុងឆ្នាំ ២០២១ ដែលមានតម្លៃប្រមាណ ១៨,៤០ពាន់លានដុល្លារ។
កម្ពុជានាំចេញនូវមុខទំនិញសំខាន់ៗដែលមានដូចជា សម្លៀកបំពាក់ ស្បែកជើងកាបូប គ្រឿងសង្ហារិម កៅស៊ូ បំណែកគ្រឿងអគ្គីសនី និងម៉ាស៊ីន ឈើ ធញ្ញជាតិ ផ្លៃឈើ ស្ពាន់ ប្រដាប់ប្រដារក្មេងលេង និងសម្ភារៈវាយនភ័ណ្ឌកែច្នៃរួចផ្សេងទៀត។ រីឯមុខទំនិញនាំចូលសំខាន់ៗវិញមានដូចជា គុជខ្យងធម្មជាតិ ត្បូងមានតម្លៃរ៉ែ យានយន្តគ្រប់ប្រភេទ គ្រឿងចក្រ អាលុយមីញ៉ូម ដែក កប្បាស ក្រដាស ឱសថ ស្បែកសត្វ និងជី ។
គួរបញ្ជាក់ថា ចិនឈរនៅលំដាប់លេខរៀងទី១ ដែលមានទំហំពាណិជ្ជកម្មច្រើនជាងគេជាមួយកម្ពុជាខណៈអាមេរិកឈរនៅលំដាប់លេខទី២ តាមពីក្រោយដោយវៀតណាមឈរនៅលំដាប់លេខរៀងទី៣ ។ ទន្ទឹមនឹងនេះថៃឈរនៅលំដាប់លេខរៀងទី៤ ហើយសិង្ហបុរីឈរនៅលំដាប់លេខរៀងទី៥ ។ ទាំងនេះជាលំដាប់ថ្នាក់ប្រទេសមានទំហំពាណិជ្ជកម្មច្រើនជាមួយកម្ពុជា។ ទាក់ទងនឹងអតិរេកពាណិជ្ជកម្មរវាងការនាំចេញ និងការនាំចូលរបស់កម្ពុជា ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា បណ្ឌិត ហុង វណ្ណៈ បានប្រាប់ AMS ថា រាជរដ្ឋាភិបាលកម្ពុជា និងស្ថាប័នពាក់ព័ន្ធបាន និងកំពុងគិតអំពីបញ្ហាតុល្យភាពពាណិជ្ជកម្មនេះ។
លោកបណ្ឌិតបានបន្តថា កត្តាទី១-ដោយសារប្រទេសយើងជាប្រទេសអភិវឌ្ឍន៍ ដែលកំពុងស្ថិតនៅក្នុងអ្វីដែលត្រូវការជាចាំបាច់នូវការកសាង ច្រវាក់ផលិតកម្ម ប្រព័ន្ធផ្គត់ផ្គង់ថ្មី ហើយបើធៀបទៅនឹងប្រទេសក្នុងតំបន់ ជាប្រទេសកំពុងអភិវឌ្ឍន៍ យើងមានតម្រូវការវត្ថុធាតុដើម និងនាំចូលទំនិញចាំបាច់មួយចំនួន ហើយដោយឡែកការនាំចេញយើងពុំមានផលិតផលច្រើនសម្រាប់ការនាំចេញនៅឡើយទើបធ្វើឱ្យមានអតុល្យភាពនៃជញ្ជីងពាណិជ្ជកម្មនេះ។
លោកបណ្ឌិតបានឱ្យដឹងទៀតថា កត្តាទី២-អតុល្យភាពនេះ យើងត្រូវគិតថា នៅក្នុងកិច្ចអន្តរជាតិ មិនចាំបាច់ឱ្យមានភាពស្មើនោះទេ មិនតម្រូវថាដាច់ខាតតម្រូវឱ្យមានភាពស្មើគ្នានោះទេ ឱ្យតែយើងមានការផលិត មានការប្រុងប្រយ័ត្ន ហើយកសាងប្រព័ន្ធខ្សែចង្វាក់ផលិតកម្មយើងគ្រប់គ្រាន់តាំងពី SME និងឧស្សាហកម្មធុនមធ្យម រួមទាំងទំនិញកសិផលរបស់យើងដែលយើងមានសក្កដានុពលលើវិស័យនេះស្រាប់។ ពោលគឺកម្ពុជាត្រូវតែខិតខំធ្វើពិពិធកម្មផលិតកម្មរបស់ខ្លួនឱ្យកាន់តែខ្លាំងបន្ថែមទៀត ដើម្បីបន្តលើកកម្ពស់ទីផ្សារនាំចេញ និងកាត់បន្ថយការនាំចូល។
លោកបណ្ឌិត ហុង វណ្ណៈ បានមានប្រសាន៍ថា៖
“ការពង្រឹងវិស័យសេវាកម្ម ដូចជាវិស័យទេសចរណ៍ជាដើម យើងនឹងអាចជួយជំរុញនូវកំណើនសេដ្ឋកិច្ចយើងបានមួយផ្នែក យើងអាចបង្កើតតុល្យភាពនៃជញ្ជូនពាណិជ្ជកម្ម ទាំងវិស័យឧស្សាហកម្មធុនមធ្យម រួមជាមួយនឹងខ្សែចង្វាក់ផលិតកសិផល ដែលជាសក្តានុពលនៃប្រើប្រាស់វត្ថុធាតុដើមក្នុងស្រុកឱ្យបានច្រើននោះ ដែលយើងអាចបង្កើននូវការនាំចេញបានដែរ”
លោកបណ្ឌិ បានលើកឡើងថា កម្ពុជាមានឧស្សាហកម្មធុនមធ្យម ដូចជា រោងចក្រដំឡើងរថយន្ត បង្គំអគ្គិសនី តំឡើងកង់ និងផលិតកង់ឡានជាដើម ដែលច្រវ៉ាក់ផលិតកម្មទាំងអស់ហ្នឹង យើងត្រូវយកចិត្តទុកដាក់ និងបង្កើនការនាំចេញបាន រួមទាំងកម្លាំងនៃការទាក់ទាញវិនិយោគិនមកពីប្រទេសចិន ប្រទេសជប៉ុន កូរ៉ និងបណ្តាប្រទេសមួយចំនួន ដែលអាចរួមចំណែកនាំចេញបានកាន់តែច្រើន។
លោកបណ្ឌិតហុង វណ្ណៈបានគូសបញ្ជាក់ថា យើងចាំបាច់ខិតខំពង្រឹងក្នុងការផលិត ដើម្បីជំរុញកំណើនទំហំពាណិជ្ជកម្មអន្តរជាតិ ក្នុងការនាំចេញ ដើម្បីអាចបញ្ជាក់ថា កម្ពុជាបាននឹងកំពុងក្លាយជាប្រទេសដែលដើរតួនាទីកាន់តែសំខាន់នៅក្នុងចង្វាក់ផ្គត់ផ្គង់ពិភពលោក តាមរយៈកំណើនការនាំចេញកាន់តែច្រើន ហើយជួយកាត់បន្ថយគម្លាតជញ្ជីងពាណិជ្ជកម្មអន្តរជាតិរបស់កម្ពុជាឱ្យរួមតូចជាងមុន៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកការទូតអាមេរិក ៖ វិនិយោគិនបច្ចុប្បន្នកំពុងវាយតម្លៃពីហានិភ័យខ្ពស់ខុសពីការពិតក្នុងករណីផ្ទុះសង្គ្រាមនៅកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 22/10/2026
បរទេស ៖ យោងតាមមន្ត្រីការទូតជាន់ខ្ពស់អាមេរិកម្នាក់បានឱ្យដឹងថា វិនិយោគិនបច្ចុប្បន្នកំពុងវាយតម្លៃពីការគំរាមកំហែងនៃលទ្ធភាពដែលអាចផ្ទុះឡើងនូវជម្លោះយោធានៅទល់មុខច្រកសមុទ្រតៃវ៉ាន់ក្នុងកម្រិតខ្ពស់ខុសពីការពិត ខណៈដែលទាំងទីក្រុងវ៉ាស៊ីនតោន និងប៉េកាំង សុទ្ធតែមិនចង់ឱ្យកើតមានជម្លោះដោយយោធានោះទេ។ ចេញផ្សាយដោយកាសែត RT បានបញ្ជាក់ថា លោក Michael DeSombre ជំនួយការរដ្ឋមន្ត្រីការបរទេសអាមេរិកទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានថ្លែងថា ទីផ្សារសកលលោកកំពុងវាយតម្លៃពីហានិភ័យនៃការផ្ទុះអាវុធលើបញ្ហាកោះតៃវ៉ាន់ហួសពីការពិត។ មហាអំណាចទាំងពីរមានសមត្ថភាពក្នុងការទប់ស្កាត់ជម្លោះ បើទោះបីជាកោះស្វយ័តមួយនេះនៅតែជាចំណុចក្ដៅគគុកនៃភាពតានតឹងក៏ដោយ។ ទីក្រុងប៉េកាំង
ប្រធានាធិបតី ស៊េប៊ី ចោទ អឺរ៉ុប ថា កំពុងអនុវត្តផែនការជ្រៀតជ្រែកលទ្ធផលបោះឆ្នោតនៅសភាជាតិរបស់ខ្លួន
ព្រឹត្តិការណ៍, អាជីវកម្មថ្មី និងនវានុវត្ត
• 21/10/2026
បរទេស ៖ ប្រធានាធិបតីស្តីទី ស៊ែប៊ី លោកស្រី Ana Brnabic បានចោទប្រកាន់ទៅលើក្រុមប្រតិភូសភារបស់អឺរ៉ុបថា កំពុងព្យាយាមជ្រៀតជ្រែកកិច្ចការផ្ទៃក្នុងរបស់ខ្លួន តាមរយៈការបញ្ជូនក្រុមសង្កេតការណ៍ដែលមាននិន្នាការនយោបាយនៅមុនពេលការបោះឆ្នោតសភាដែលជិតមកដល់នៅចុងសប្តាហ៍នេះ។ នៅក្នុងអត្ថបទដកស្រង់ចេញពីកាសែតរុស្សី RT បានឲ្យដឹងថា លិខិតមួយច្បាប់ដែលផ្ញើជូនប្រធានសភាអឺរ៉ុប គឺលោកស្រី Roberta Metsola លោកស្រីប្រធានាធិបតី Brnabic បានអះអាងថា
សិប្បកម្មកែច្នៃដូង ១៥ មូលដ្ឋាន ប្រើទុនជិត ៤៦ម៉ឺនដុល្លារ កំពុងដំណើរការ និងផ្គត់ផ្គង់ទីផ្សារក្នុងស្រុក
អាម៉េរិក-កាហ្សាក់ស្ថាន រួមគ្នាពង្រឹងសហប្រតិបត្តិការយុទ្ធសាស្ត្រ ពាណិជ្ជកម្ម សេដ្ឋកិច្ច និងការវិនិយោគថ្មីៗ
ព្រឹត្តិការណ៍, អាជីវកម្មថ្មី និងនវានុវត្ត
• 21/10/2026
ប្រទេសកាហ្សាក់ស្ថាន និងសហរដ្ឋអាម៉េរិក បានបញ្ជាក់ពីគោលបំណងរបស់ខ្លួនក្នុងការពង្រឹងភាពជាដៃគូយុទ្ធសាស្ត្រឲ្យកាន់តែរឹងមាំបន្ថែមទៀតនៅក្នុងជំនួបរវាងរដ្ឋមន្ត្រីការបរទេសនៃប្រទេសទាំងពីរ ជាពិសេសពាក់ព័ន្ធទៅនឹងការពង្រីកកិច្ចសហប្រតិបត្តិការពាណិជ្ជកម្ម សេដ្ឋកិច្ច ការវិនិយោគ និងការអនុវត្តគម្រោងរួមគ្នា។ ប្រទេសកាហ្សាក់ស្ថាននិងសហរដ្ឋអាមេរិក បានគូសបញ្ជាក់ពីផលប្រយោជន៍ទៅវិញទៅមក ក្នុងការបន្តអភិវឌ្ឍភាពជាដៃគូយុទ្ធសាស្ត្របន្ថែមទៀតរវាងប្រទេសទាំងពីរនាពេលខាងមុខ។ យោងតាមព័ត៌មានដែលបានចេញផ្សាយដោយគេហទំព័ររបស់កាសែត Novinata បានឱ្យដឹងថា រដ្ឋមន្ត្រីការបរទេសកាហ្សាក់ស្ថាន លោក Mukhtar Tleuberdi បានលើកឡើងពីទស្សនវិស័យក្នុងការរឹតចំណងទំនាក់ទំនងទ្វេភាគីរវាង កាហ្សាក់ស្ថាន និងសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content