សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តាមរយៈការ ចូលរួមនេះ ឯកឧត្តម នេត្រ ភក្ក្រា បានសម្ដែងនូវការរីករាយស្វាគមន៍ ដោយឯកឧត្តមចាត់ទុកថា នេះគឺជាសកម្មភាពមួយ ក្នុងការចូលរួមទប់ស្កាត់បទល្មើសបរបាញ់សត្វព្រៃដ៏មានប្រសិទ្ធិភាព។ មានប្រសិទ្ធិភាព ព្រោះបើសិន មិនមានតម្រូវការ ក៏មិនមានការបរបាញ់សត្វព្រៃដើម្បីលក់នោះដែរ។
ដោយឡែក ការចូលរួមជាបន្តបន្ទាប់របស់ភោជនីយដ្ឋានក្នុងស្រុកនេះ ធ្វើឡើងក្រោយមានសកម្មភាព ផ្សព្វផ្សាយនានារបស់ក្រសួងបរិស្ថាន ជាពិសេសយុទ្ធនាការអន្ទាក់សូន្យ ដែលកាលពីដំណាក់កាលទី១ កន្លងទៅ មានការចូលរួមពីប្រជាពលរដ្ឋដោយផ្ទាល់ និងដោយប្រយោលប្រមាណជា ៣លាននាក់។
បើទោះជាយ៉ាងនេះក្ដី ឯកឧត្តមនៅតែបន្តអំពាវនាវឱ្យមានការចូលរួមបន្ថែម ថ្វីដ្បិតថាតំបន់ជួរភ្នំ ក្រវាញនេះ គឺជាតំបន់ដែលក្រសួង និងអង្គការពាក់ព័ន្ធបានដោះអន្ទាក់ច្រើនជាងគេ ហើយក៏ជា តំបន់ដែលសម្បូរទៅដោយសត្វព្រៃ និងធនធានធម្មជាតិផងដែរ។
ម្យ៉ាងទៀត ឯកឧត្តមនៅតែបន្តគូសបញ្ជាក់ជាថ្មីម្ដងទៀតថា សាច់សត្វព្រៃមិនមែនជាឱសថព្យាបាល ជំងឺណាមួយទេ ផ្ទុយទៅវិញសាច់សត្វព្រៃអាចបង្កជាមេរោគនានាទៅដល់អ្នកបរិភោគទៅវិញ។ ដូច្នោះហើយ ជំនួសដោយការបរបាញ់ ឬបរិភោគសាច់សត្វព្រៃ ប្រជាជនគួរតែចូលរួមការពារ ស្ដារជីវៈចម្រុះនៅក្នុងតំបន់ការពារធម្មជាតិឱ្យបានប្រសើរឡើងវិញ។
គួរបញ្ជាក់ថា យុទ្ធនាការ អន្ទាក់ សូន្យ ដំណាក់កាល ទី ២នេះ នឹងធ្វើឡើងនៅក្នុង ខេត្ត ពោធិ៍សាត់ កំពង់ស្ពឺ កោះកុង សៀម រាម បាត់ដំបង និង ខេត្ត ប៉ៃលិន ពោលគឺតាមតំបន់ជួរភ្នំក្រវាញ ។ យុទ្ធនាការ នេះ ធ្វើឡើង ក្នុង គោលបំណង កាត់បន្ថយ និង ទប់ស្កាត់ ចំនួន អន្ទាក់ នៅក្នុង តំបន់ការពារធម្មជាតិ ក្នុង តំបន់ការពារធម្មជាតិនានា ជាពិសេស បណ្តុះ ស្មារតីពលរដ្ឋឱ្យ ស្រឡាញ់ និងការពារសត្វព្រៃ៕
Account
Security
Favourite Content