សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Central European Times បានរាយការណ៍ថា ធនាគាររុស្ស៊ី Sberbank បានប្រកាសលក់ភាគហ៊ុនដែលនៅសល់នៅក្នុងប្រទេសសមាជិកសហភាពអឺរ៉ុប ជាមួយនឹងការដកខ្លួនទាំងស្រុងពីទីផ្សារធនាគារអឺរ៉ុបកាលពីថ្ងៃសុក្រកន្លងទៅនេះ។
កាលពីឆ្នាំ២០២០កន្លងទៅនេះ ទ្រព្យសកម្មសរុបរបស់ធនាគារនៅក្នុងសហភាពអឺរ៉ុបមានចំនួនសរុប ១២,៩៤ លានអឺរ៉ូ ដោយសារវាដំណើរការសាខានៅក្នុងតំបន់អឺរ៉ុបចំនួន ៨ ប្រទេស បម្រើសេវាកម្មដល់អតិថិជនប្រមាណ ៧១៥ ០០០ នាក់តាមរយៈក្រុមហ៊ុនបុត្រសម្ព័ន្ធរបស់ខ្លួន Sberbank Europe AG ។ ទោះបីជាយ៉ាងណាក្តី ក្នុងនាមជាអ្នកផ្តល់ប្រាក់កម្ចីដ៏ធំបំផុតរបស់រុស្ស៊ី ធនាគារនេះទទួលរងទណ្ឌកម្មពីលោកខាងលិចភ្លាមៗបន្ទាប់ពីការលុកលុយរបស់រុស្ស៊ីលើអ៊ុយក្រែនកាលពីខែកុម្ភៈឆ្នាំមុនកន្លងទៅនេះ ដែលធ្វើឲ្យ Sberbank បានបោះបង់ចោលប្រតិបត្តិការភាគច្រើនរបស់ខ្លួននៅអឺរ៉ុប។
ស្របពេលនេះដែរ លោក Alexander Vedyakhin អនុប្រធាន Sberbank បាននិយាយនៅក្នុងសេចក្តីថ្លែងការណ៍ថា៖ ការលក់ក្រុមហ៊ុនបុត្រសម្ព័ន្ធរបស់ខ្លួននៅអឺរ៉ុប Sberbank Europe AG ទៅកាន់អ្នកវិនិយោគបរទេសគឺដោយសារតែស្ថានភាពពិភពលោកបច្ចុប្បន្ន។ ពួកគេពេញចិត្តនឹងលក្ខខណ្ឌនៃកិច្ចព្រមព្រៀងដែលនឹងត្រូវអនុវត្ត ខណៈដែល Sberbank កំពុងផ្តោតទៅលើការអភិវឌ្ឍន៍សេវាកម្មហិរញ្ញវត្ថុនៅក្នុងប្រទេសរុស្ស៊ីវិញ ដែលពួកគេមានអតិថិជនស្មោះត្រង់ចំនួន ១០៦ លាននាក់រួចទៅហើយនៅក្នុងបណ្តាប្រទេសដែលជាសម្ព័ន្នរបស់រុស្ស៊ី។ មិនត្រឹមតែប៉ុណ្ណោះ Sberbank ក៏បានប្រកាសពីចេតនារបស់ខ្លួនក្នុងការចាកចេញពីទីផ្សារអ៊ឺរ៉ុបផងដែរ បន្ទាប់ពីប្រឈមនឹងសម្ពាធទណ្ឌកម្ម ដែលបណ្តាលឱ្យបាត់បង់អតិថិជនយ៉ាងច្រើនពីក្រុមហ៊ុនបុត្រសម្ព័ន្នរបស់ខ្លួននៅអឺរ៉ុប និង បានប្រកាសក្ស័យធនជាបន្តបន្ទាប់។
កាលពីឆ្នាំ២០២២ កន្លងទៅនេះ បន្ទាប់ពីការលុកលុយរបស់រុស្ស៊ីលើអ៊ុយក្រែន ធនាគារកណ្តាលអឺរ៉ុបបានលើកឡើងពីការព្រួយបារម្ភអំពីហានិភ័យនៃការក្ស័យធនសម្រាប់ Sberbank Europe AG និងក្រុមហ៊ុនបុត្រសម្ព័ន្ធរបស់ខ្លួននៅក្នុងប្រទេសក្រូអាស៊ី និងស្លូវេនី។ កាលពីខែកញ្ញាកន្លងទៅនេះ ធនាគារបានសម្រេចលក់ក្រុមហ៊ុនបុត្រសម្ព័ន្ធស្វីសរបស់ខ្លួនទៅឱ្យក្រុមវិនិយោគ m3 Groupe Holding SA ។ លើសពីនេះ ធនាគារបានប្រកាសលក់ក្រុមហ៊ុនបុត្រសម្ព័ន្ធកាហ្សាក់ស្ថានរបស់ខ្លួនទៅឱ្យក្រុមហ៊ុន Baiterek Holding ដោយប្រតិបត្តិការនេះមានតម្លៃចន្លោះពី ២៥០ ទៅ ៤២៥ លានដុល្លារ។ គួរឲ្យបញ្ជាក់ផងដែរថា ធនាគារ Sberbank បានរាយការណ៍ពីការខាតបង់យ៉ាងខ្លាំងចំនួន ១,៧ ពាន់លានដុល្លារ ពីប្រតិបត្តិការដែលត្រូវបានបញ្ឈប់ និងការលក់ក្រុមហ៊ុនបុត្រសម្ព័ន្ធរបស់ខ្លួននៅអឺរ៉ុប កាលពីឆ្នាំ២០២២ កន្លងទៅនេះ។ ទោះជាយ៉ាងណាក្តី កាលពីដើមសប្តាហ៍នេះ Sberbank បាននិយាយថា សេដ្ឋកិច្ចរុស្ស៊ីកំពុងរីកចម្រើនលឿនជាងការរំពឹងទុកហើយខ្លួនរំពឹងថា ប្រាក់ចំណេញសុទ្ធនៅឆ្នាំនេះនឹងលើសពីកំណត់ត្រា ១,២៥ ទ្រីលានរូប៊ល (១៤,៩ ពាន់លានដុល្លា)៕
Account
Security
Favourite Content