សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីរ៉យទ័របានរាយការណ៍ថា ក្រុមហ៊ុនផលិតយន្តហោះ Boeing របស់សហរដ្ឋអាមេរិកបានប្រកាសពីផែនការបញ្ឈប់បុគ្គលិក ១០ ភាគរយនៃកម្លាំងការងាររបស់ខ្លួន ដោយសារបន្តជួបប្រទះនឹងការខាតងបង់ ខណៈដែលកំពុងមានការធ្វើកូដកម្មពីបុគ្គលិក។
កាលពីថ្ងៃសុក្រកន្លងទៅនេះ Boeing បានប្រកាសការកាត់បន្ថយការងារ និងបុគ្គលិក ដែលនឹងរាប់បញ្ចូលទាំងនាយកប្រតិបត្តិ , អ្នកគ្រប់គ្រងបន្ថែមពីលើបុគ្គលិកធម្មតាសរុបប្រមាណ ១៧០ ០០០ នាក់ ឬ ស្មើរនឹង ១០ ភាគរយនៃកម្លាំងការងាររបស់ខ្លួន។
នាយកប្រតិបត្តិថ្មីរបស់ក្រុមហ៊ុន Kelly Ortberg បានលើកឡើងថា ក្រុមហ៊ុន Boeing ស្ថិតក្នុងស្ថានភាពលំបាក ដោយក្រោយមួយខែបន្ទាប់ពីគាត់បានកាន់តំណែងកម្មករជាង ៣៣ ០០០ នាក់បានធ្វើកូដកម្ម។ យ៉ាងណាមិញ Boeing កំពុងកំណត់កម្រិតកម្លាំងពលកម្មរបស់ពួកគេឡើងវិញ ដើម្បីឲ្យស្របទៅនឹងស្ថានភាពហិរញ្ញវត្ថុរបស់ពួកគេ និងផ្តោតទៅលើអាទិភាពសំខាន់ៗ។ នាយកប្រតិបត្តិរូបនេះបានសង្កត់ធ្ងន់ថា ការសម្រេចចិត្តតឹងតែងនឹងផ្តោតទៅលើការផ្លាស់ប្តូររចនាសម្ព័ន្ធដែលនឹងធានានូវសមត្ថភាពរបស់ក្រុមហ៊ុនក្នុងការរក្សាការប្រកួតប្រជែង និងប្រតិបត្តិការបញ្ជាទិញរបស់អតិថិជនក្នុងរយៈពេលវែង។ ទន្ទឹមនឹងនេះ ក្រុមហ៊ុន Boeing បានពន្យារពេលកម្មវិធីអភិវឌ្ឍយន្តហោះ 777X របស់ខ្លួនរហូតដល់ឆ្នាំ២០២៦ និងបញ្ឈប់ការផលិតយន្តហោះដឹកទំនិញ 767 ពាណិជ្ជកម្មនៅត្រឹមឆ្នាំ ២០២៧។
គួរកត់សម្គាល់ថា ក្នុងរយៈពេលប៉ុន្មានឆ្នាំចុងក្រោយនេះ Boeing បានប្រឈមមុខនឹងបញ្ហាជាច្រើនរួមមាន គ្រោះថ្នាក់ ការរបង្កើនការត្រួតពិនិត្យ និងកូដកម្មដោយកម្មករចំនួន ៣៣ ០០០ នាក់តាំងពីខែកញ្ញា។ ការវិភាគថ្មីមួយបានបង្ហាញថា បុគ្គលិក និងភាគហ៊ុនរបស់ក្រុមហ៊ុន Boeing បានទទួលរងនូវការខាតបង់ពីការធ្វើកូដកម្មចំនួន ៣,៧ ពាន់លានដុល្លារ។ គិតចាប់តាំងពីមានកូដកម្មរហូតមក ក្រុមហ៊ុន Boeing បានបញ្ឈប់ការផលិតយន្តហោះសំខាន់ៗជាច្រើនដូចជា យន្តហោះ 777 និង 776 របស់ខ្លួន ហើយគ្មានដំណើរការយន្តហោះសូម្បីតែមួយនៅរោងចក្រផលិតក្នុងទីក្រុង Everett រដ្ឋ Washington។ មិនត្រឹមតែប៉ុណ្ណោះ អ្នកផ្គត់ផ្គង់របស់ក្រុមហ៊ុន Boeing បានបាត់បង់ ៩០០ លានដុល្លាក្នុងរយៈពេល ៤ សប្តាហ៍ដំបូង។ ទន្ទឹមនឹងនេះ បណ្តាក្រុមហ៊ុនអាកាសចរណ៍ដែលជាអតិថិជនរបស់ក្រុមហ៊ុន Boeing ក៏កំពុងលំបាកផ្នែកហិរញ្ញវត្ថុផងដែរ។ មិនត្រឹមតែប៉ុណ្ណោះ ក្រុមហ៊ុនមានបំណុលប្រហែល ៦០ ពាន់លានដុល្លារ ហើយបានប្រកាសពីការខាតបង់លំហូរសាច់ប្រាក់ជាង ៧ ពាន់លានដុល្លារសម្រាប់ឆមាសទីមួយនៃឆ្នាំ២០២៤ ។
សូមរំលឹកថា កាលពីសប្តាហ៍មុន ក្រុមហ៊ុន Boeing បានដាក់បណ្តឹងលើការអនុវត្តការងារដោយអយុត្តិធម៌ទៅកាន់ក្រុមប្រឹក្សាទំនាក់ទំនងការងារជាតិ ដើម្បីប្រឆាំងនឹងសហជីពដែលតំណាងឱ្យកម្មកររោងចក្រ West Coast ដែលកំពុងធ្វើកូដកម្ម។ យ៉ាងណាមិញ សហជីពបានលើកឡើងថា ក្រុមហ៊ុន Boeing បានបដិសេធមិនដំឡើងប្រាក់ឈ្នួល ផែនការចូលនិវត្តន៍ និងវិស្សមកាល ឬការឈប់សម្រាកឈឺផ្សេងៗសម្រាប់បុគ្គលិកនោះទេ ដែលជាមូលហេតុធ្វើឱ្យពួកគេនាំគ្នាកូដកម្ម៕
Account
Security
Favourite Content