ស្ករត្នោតកំពង់ស្ពឺកំពុងមានសក្ដានុពលខ្ពស់, ផ្គត់ផ្គង់ទីផ្សារស្ទើរមិនទាន់

កំពង់ស្ពឺ ជាខេត្តមួយដែលមានសក្ដានុពលខ្ពស់លើផលដំណាំ ពិសេសត្នោត ដែលជាដំណាំប្រចាំតំបន់ផ្ទាល់តែម្ដង។ ក្នុងនោះ ស្ករត្នោតកំពង់ស្ពឺ ក៏កំពុងទទួលបានការគាំទ្រខ្លាំងពីសំណាក់ឈ្មួញ និងក្រុមហ៊ុនតូចធំ ដែលធ្វើឱ្យសិប្បករផលិតស្ទើរមិនទាន់។

ជាក់ស្ដែង លោក វី វាសនា ជំនួយការទូទៅ នៃសមាគមន៍កសិកម្មស្ករត្នោតកំពង់ស្ពឺ បានមានប្រសាសន៍ថា សម្រាប់ទីផ្សារស្ករត្នោតបច្ចុប្បន្នគឺល្អ មានភាពទូលំទូលាយច្រើន ដែលឆ្នាំខ្លះខាងយើងផលិតស្ទើរមិនទាន់។

លោក បានបញ្ជាក់ថា ៖

“សម្រាប់ទីផ្សារស្ករត្នោតកំពង់ស្ពឺ  មកទល់ពេលនេះ មានភាពទូលំទូលាយ រហូតដល់ឆ្នាំខ្លះ យើងផ្គត់ផ្គង់តម្រូវការទីផ្សារដល់ក្រុមហ៊ុនមិនទាន់ផង ដូចជាឆ្នាំមុន ដែលតម្រូវស្ករត្នោត ប្រភេទម្សៅមានដល់ទៅ ១៥០ តោន តែយើងអាចផ្តត់ផ្គង់ជូនដល់ពួកគាត់បានត្រឹមប្រមាណ ៧០ តោនប៉ុណ្ណោះ”

លោកបានបន្តថា នៅឆ្នាំ ២០២៣ នេះ សមាគមយើងមានសមាជិក ១៦៥ គ្រួសារ ដែលជាកសិករឡើងត្នោត និងផលិតស្ករត្នោតកំពង់ស្ពឺ សម្រាប់ផ្គត់ផ្គង់ឱ្យក្រុមហ៊ុនដៃគូចំនួន ១១ ក្នុងនោះ មានក្រុមហ៊ុនចំនួន ៩ និងអាជីវករចំនួន ២ កន្លែង ហើយតម្រូវការពីក្រុមហ៊ុនឆ្នាំនេះផងដែរ មានដល់ទៅជាង ១០០ តោន មិនខុសពីឆ្នាំមុនទេ តែមកដល់ពេលនេះ យើងអាចប្រមូលបានជាង ៣០ តោនហើយពីកសិករ ដោយយើងនៅមានពេល ៣ ខែទៀត សម្រាប់ផលិតស្ករត្នោតកំពង់ស្ពឺ ទៅតាមតម្រូវការក្រុមហ៊ុន។

លោកបានបន្ថែមថា នៅក្នុងតំបន់យើង ភាគច្រើនគឺផលិត ស្ករត្នោតប្រភេទស្ករសាច់ និងម្សៅ  ដោយឡែកប្រភេទស្ករទាំងអស់ យើងមានដល់ទៅ ៤ ប្រភេទរួមមាន ស្ករសាច់ ស្ករម្សៅ  ស្ករសេរ៉ូ និង ស្ករផែន។ ចំណែក ស្ករសាច់ ភាគច្រើន គេផលិតឡើង ដើម្បីផ្តត់ផ្គង់ទីផ្សារក្នុងស្រុក ខណៈដែលស្ករម្សៅ ភាគច្រើន គឺសម្រាប់នាំចេញទៅបរទេស ។

ពាក់ព័ន្ធនឹងតម្លៃវិញ តំណាងសហគមន៍ខាងរៀបរាប់ថា តម្លៃស្ករត្នោតអាចមានការកើនឡើងពីមួយឆ្នាំទៅមួយឆ្នាំ បើទោះមិនមានការកើនឡើងច្រើនក្តី។ តួយ៉ាងដូចជា ស្ករសាច់ ដែលឆ្នាំមុនគេអាចលក់បានចន្លោះពី ៥០០០-៥៥០០រៀល ហើយមកដាំឆ្នាំនេះ គេអាចលក់បាន ៦០០០-៧០០០រៀល។ ចំណែកឯស្ករម្សៅ អាចមានតម្លៃពី ៦៨០០-៧២០០រៀល សម្រាប់ស្ករប្រភេទ CI ឯស្ករសរីរាង្គអាចកើន ដល់ ៧៣០០ រៀលផងដែរ។

គួរបញ្ជាក់ដែរថា សមាគមខាងលើត្រូវបានបង្កើតឡើងក្នុងឆ្នាំ ២០០៨ ដែលមានចំនួនសមាជិកមិនទៀងទាត់នោះទេ ដែលបានចោទជាបញ្ហាមកដល់បច្ចុប្បន្ន ដោយអ្នកឡើងត្នោតភាគច្រើនជាមនុស្សវ័យចំណាស់ចន្លោះពី ៣០-៧០ឆ្នាំ ចំណែកក្មេងៗដែលពេញកម្លាំងពុំមានអ្នកចាប់អាជីពនេះឡើយ។

ចុងក្រោយ លោក វី វាសនា បានប្រាប់ពីគម្រោងរបស់សមាគមនេះដែរថា នឹងបង្កើនការផ្សព្វផ្សាយ ស្ករត្នោត ក៏ដូចជាបង្កើនចំនួន សមាជិកដើម្បីផលិតឱ្យបានទាន់តម្រូវការទីផ្សារ។ លោកក៏សូមអំពាវនាវ ដល់កសិករ អាជីវករ និងបងប្អូនប្រជាពលរដ្ឋខ្មែរ ទាំងក្នុង និងក្រៅប្រទេសឱ្យជួយគាំទ្រស្ករត្នោតខ្មែរបន្ថែមទៀត ដែលជាផ្នែកមួយជួយដល់ជីវភាពកសិករ និងសេដ្ឋកិច្ចក្នុងស្រុកផងដែរ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

សហគ្រិនខ្មែរ, Canadia Impact Fund, La French Tech Phnom Penh, Krya Global និង មជ្ឈមណ្ឌលបច្ចេកវិទ្យា AUPP ពង្រឹងប្រព័ន្ធអេកូឡូស៊ីធុរកិច្ចថ្មី និងនវានុវត្តន៍នៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរ (Khmer Enterprise) ដែលជាបរធនបាលកិច្ចរបស់រាជរដ្ឋាភិបាល បង្កើតឡើងក្នុងគោលបំណង ជំរុញការអភិវឌ្ឍប្រព័ន្ធអេកូឡូស៊ីសហគ្រិនភាព តាមរយៈការពង្រឹងធុរកិច្ចថ្មី និងសហគ្រាសធុនតូច និងមធ្យម (SMEs) នៅកម្ពុជា កំពុងបង្កើនកិច្ចសហការយុទ្ធសាស្ត្រជាមួយដៃគូក្នុងស្រុក និងអន្តរជាតិ ដើម្បីពង្រីកឱកាសសម្រាប់សហគ្រិន និងធុរកិច្ចថ្មី។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់សហគ្រិនខ្មែរ ក្នុងការកសាងប្រព័ន្ធអេកូឡូស៊ីសហគ្រិនភាពមួយដែល

រដ្ឋមន្ត្រី កសិកម្ម អញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ក្នុងព្រឹត្តិការណ៍អម «ហ្វ្រង់កូតិច-FrancoTech»

ព្រឹត្តិការណ៍, សេដ្ឋកិច្ច

• 16/11/2026

ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ស្តីពី «AgriTech and Food Security» ក្នុងព្រឹត្តិការណ៍អម «ហ្វ្រង់កូតិច-FrancoTech» នៃកិច្ចប្រជុំហ្វ្រង់កូហ្វូនី លើកទី២០ ឆ្នាំ២០២៦។

ប្រមុខ UN ជំរុញឱ្យបង្កើនការវិនិយោគលើសន្តិភាពក្នុងកិច្ចប្រជុំកំពូលហ្វ្រង់កូហ្វូនីនៅ កម្ពុជា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ការបង្កើនការវិនិយោគលើសន្តិភាព ពិសេសគោរពតាមច្បាប់អន្តរជាតិ និងប្រព័ន្ធអន្តរជាតិ នឹងធ្វើឱ្យប្លុកហ្វ្រង់កូហ្វូនី ក្លាយជាកន្លែងរស់នៅកាន់តែប្រសើរឡើង នេះបើតាមការអះអាងរបស់អគ្គលេខាធិការអង្គការសហប្រជាជាតិ លោក António Guterres កាលពីថ្ងៃ អាទិត្យ ក្នុងពិធីបើកកិច្ចប្រជុំកំពូលហ្រ្វង់កូហ្វូនីលើកទី២០ នៅកម្ពុជា ។ ក្នុងនាមជាអគ្គលេខាធិការយូអិន មុនពេលចាកចេញពីតំណែង តាមរយៈសារជាវីដេអូទៅកាន់មេដឹកនាំហ្វ្រង់កូហ្វូនី លោក

វេទិកាបច្ចេកវិទ្យាហិរញ្ញវត្ថុ Black swan កម្ពុជា ២០២៦ បង្ហាញ​ចក្ខុវិស័យចំនួន ៤

ព្រឹត្តិការណ៍, ហិរញ្ញវត្ថុ

• 16/11/2026

ភ្នំពេញ៖ វេទិកាបច្ចេកវិទ្យាហិរញ្ញវត្ថុប្លែកស្វន (Black swan) កម្ពុជា ២០២៦ បាន​ឈាន​ចូល​ដល់ថ្ងៃ​ទី២ហើយ នៅ​ថ្ងៃ​ទី១៦ ខែ​វិច្ឆិកា នេះ ដោយ​បាន​ពិភាក្សា​ស៊ីជម្រៅ​លើ​ចក្ខុវិស័យ​ចំនួន ៤ ក្នុង​ប្រព័ន្ធ​ហិរញ្ញវត្ថុ​​ ជាមួយ​នឹង​បច្ចេកវិទ្យាទំនើប កាន់​តែងាយស្រួល និងមាន​សុវត្ថិភាព។ យោង​តាម​សភាពាណិជ្ជកម្មកម្ពុជា បានឱ្យដឹង​ថា កិច្ច​ពិភាក្សា​ចំណុច​ទី១ បានផ្ដោត​លើប្រធាន​បទ

ធនាគារ​ជាតិ​នៃ​កម្ពុជា ​ចាប់​ដៃ Visa ​និង​ Mastercard ​ពង្រីក​ការ​ទូទាត់​ KHQ​R ​សម្រាប់​ភ្ញៀវ​អន្តរជាតិ​

ព្រឹត្តិការណ៍, ហិរញ្ញវត្ថុ

• 16/11/2026

​ ធនាគារ​ជាតិ​នៃ​កម្ពុជា​ ​បាន​ចុះ​អនុស្សរណៈ​យោគ​យល់​ចំនួន​ពីរ​ដាច់ដោយឡែក​ពី​គ្នា​ជាមួយ​ក្រុមហ៊ុន​បណ្ដាញ​បណ្ណ​ទូទាត់​អន្តរជាតិ​ Visa ​និង​ Mastercard ​ដើម្បី​សហការ​អភិវឌ្ឍ​មុខងារ​ ​QR ​Connector ​ក្នុង​គោលដៅ​ពង្រីក​លទ្ធភាព​ទូទាត់​តាម​ K​HQR ​និង​សម្រួល​ដល់​ការ​ទូទាត់​ឆ្លង​ប្រទេស​

​CSX​ ​ទទួល​បាន​សញ្ញា​បណ្ណ​ហេដ្ឋារចនាសម្ព័ន្ធ​បៃតង​ថ្មី​​ កៀរ​គរ​ទុន​រយៈពេល​វែង​ជិត​ ​១០០ ​លាន​ដុល្លារ​

ព្រឹត្តិការណ៍, សេដ្ឋកិច្ច

• 16/11/2026

ផ្សារ​មូលបត្រ​កម្ពុជា​ ​(​CSX​)​ ​បាន​ទទួល​ក្រុមហ៊ុន​ SchneiTec ​Jupiter ​Co​.​,​ Ltd​. ​ចុះ​បញ្ជី​លក់​សញ្ញា​បណ្ណ​ហេដ្ឋារចនាសម្ព័ន្ធ​បៃតង ​ដោយ​អាច​កៀរ​គរ​ទុន​រយៈពេល​វែង​បាន​ប្រមាណ​ ​១០០​ លាន​ដុល្លារ​អាម៉េរិក​ ​ដែល​នឹង​រួមចំណែក​គាំទ្រ​ដល់​ការ​វិនិយោគ​លើ​ហេដ្ឋារចនាសម្ព័ន្ធ​ថាមពល​ស្អាត ​និង​ការ​អភិវឌ្ឍ​សេដ្ឋកិច្ច​បៃតង​នៅ​កម្ពុជា