សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានលើកឡើងថា កម្ពុជាបានសម្រេចជោគជ័យលើការងារជាច្រើន ចាប់តាំងពីការចាប់ផ្តើមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ(PFMRP) ក្នុងរយៈកាលជិត ២០ឆ្នាំចុងក្រោយនេះ។
លោកជំទាវ Carmen Moreno ឯកអគ្គរដ្ឋទូតសហភាពអឺរ៉ុបប្រចាំកម្ពុជា នៅក្នុងកម្មវិធីបើកនៃពិធីប្រកាសដាក់ឱ្យអនុវត្តជាផ្លូវការដំណាក់កាលទី ៤ ៖ «គណនេយ្យភាពសមិទ្ធកម្ម» នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈនៅថ្ងៃទី២០ ខែមីនា ឆ្នាំ២០២៣ បានថ្លែងថា ដោយសារកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដែលបានអនុវត្តក្នុងអំឡុងពេលបីដំណាក់កាលដំបូងនៃប្រព័ន្ធកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ឥឡូវនេះកម្មវិធីនេះកាន់តែមានប្រសិទ្ធភាព និងរួមចំណែកកាន់តែមានប្រសិទ្ធភាពក្នុងការសម្រេចបាននូវគោលដៅសេដ្ឋកិច្ច និងសង្គមជាតិរបស់កម្ពុជា រួមទាំងការក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០។
លោកជំទាវបានលើកឡើងថា ៖
“ការកៀរគរប្រាក់ចំណូលក្នុងស្រុកបានកើនឡើងពី ៨.៥% នៃផលិតផលក្នុងស្រុកសរុបក្នុងឆ្នាំ២០០៤ នៅពេលចាប់ផ្តើមកំណែទម្រង់កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈដល់ ២៥.៨% នៃផលិតផលក្នុងស្រុកសរុបក្នុងឆ្នាំ២០១៩ មុនពេលមានការផ្ទុះឡើងនៃជំងឺរាតត្បាតជំងឺ១៩ ដោយង្កើតកន្លែងសារពើពន្ធចាំបាច់សម្រាប់ការវិនិយោគលើហេដ្ឋារចនាសម្ព័ន្ធសាធារណៈសំខាន់ៗ និងក្នុងសេវាកម្មសង្គម”
លោកជំទាវបន្តថា ការបែងចែកការចំណាយកាន់តែមានភាពស៊ីសង្វាក់គ្នាទៅនឹងអាទិភាពយុទ្ធសាស្ត្រជាតិ និងវិស័យ ហើយដំណើរការអនុវត្តថវិកាត្រូវបានធ្វើឱ្យកាន់តែលឿន និងមានប្រសិទ្ធភាព បង្កើនភាពជឿជាក់នៃថវិកា។ អតិរេកថវិកាជួយឱ្យទុនបម្រុងកើនឡើង ដែលអាចឱ្យរដ្ឋាភិបាលឆ្លើយតបទៅនឹងវិបត្តិជាមួយនឹងវិធានការជួយសម្រាលដល់ប្រជាពលរដ្ឋ។ គួរបញ្ជាក់ដែរថា រាជរដ្ឋាភិបាលបានដាក់ចេញការជំរុញសារពើពន្ធចំនួន ២% នៃផលិតផលក្នុងស្រុកសរុប ក្នុងអំឡុងវិបត្តិហិរញ្ញវត្ថុពិភពលោកឆ្នាំ២០០៨-២០០៩ ហើយអាចផ្តល់ហិរញ្ញប្បទានដល់កញ្ចប់ជំនួយសង្គ្រោះពីវិបត្តិជំងឺកូវីដ១៩ ដើម្បីកាត់បន្ថយផលប៉ះពាល់នៃជំងឺរាតត្បាត និងការទប់ស្កាត់ការរាលដាល៕
Account
Security
Favourite Content