សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារជាតិនៃកម្ពុជាបានរៀបចំប្រារព្វខួបលើកទី ៤៣ ឆ្នាំនៃការដាក់ឱ្យប្រើប្រាស់ប្រាក់រៀល និងចរាចរប្រាក់រៀលឡើងវិញ (២០ មីនា ១៩៨០ – ២០ មីនា ២០២៣) នៅផ្សារទំនើបអ៊ីអនម៉ល មានជ័យ កាលពីថ្ងៃអាទិត្យចុងសប្ដាហ៍កន្លងទៅនេះ។
ថ្លែងក្នុងកម្មវិធីទិវាប្រាក់រៀល ខួបលើកទី៤៣ នៃការដាក់ឱ្យប្រាក់រៀលចរាចរឡើងវិញរៀបចំឡើងនៅផ្សារទំនើបអ៊ីអនម៉ល មានជ័យ (អ៊ីអនម៉ល ៣) កាលពីថ្ងៃចុងសប្ដាហ៍កន្លងទៅនេះ លោកជំទាវ ជា សិរី ទេសាភិបាលរងធនាគារជាតិនៃកម្ពុជាបានបង្ហាញពីការរក្សាបានលំនឹងនៃការប្រើប្រាស់ប្រាក់រៀលនៅកម្ពុជា ខណៈពីមួយឆ្នាំទៅមួយឆ្នាំ ការយល់ដឹងពីការប្រើប្រាស់ប្រាក់រៀលរបស់ប្រជាពលរដ្ឋមានការកើនឡើង ។
លោកជំទាវ ជា សិរី បានមានប្រសាសន៍ថា ៖
“បច្ចុប្បន្ននេះ ការប្រើប្រាស់ប្រាក់រៀលមានការកើនឡើងជាងមុន ហើយធនាគារជាតិនៃកម្ពុជា ទទួលបានជោគជ័យក្នុងការរក្សាបានសមាមាត្រនៃការប្រើប្រាស់ប្រាក់រៀល និងប្រាក់ដុល្លារនៅកម្ពុជារហូតដល់បច្ចុប្បន្ន។ ទោះជាយ៉ាងនេះក្ដី យើងនៅតែទាមទារឱ្យមានការខិតខំប្រឹងប្រែងបន្ថែមទៀតពីដៃគូពាក់ព័ន្ធពិសេស គឺការចូលរួមចំណែកពីសាធារណជនក្នុងការប្រើប្រាស់ប្រាក់រៀល”
លោកជំទាវ បានគូសបញ្ជាក់ថា ឧបសគ្គនៃការប្រើប្រាស់ប្រាក់រៀល នៅតែមាន ដោយសារតែផ្នត់គំនិតចាស់ៗរបស់ប្រជាពលរដ្ឋ បារម្ភលើបញ្ហានៃការអស្ថិរភាព ដែលធ្វើឱ្យពលរដ្ឋងាកទៅសន្សំ និងចាយប្រាក់បរទេស។ ប្រាក់រៀល នៅតែរក្សាបានស្ថិរភាពល្អ តែទោះជាយ៉ាងនេះក្ដី ផ្នត់គំនិតរបស់ប្រជាពលរដ្ឋ នៅតែគិតថា ការប្រើប្រាស់គិតជាដុល្លារ មានភាពងាយស្រួល ជាងប្រាក់រៀល ហើយមានមតិខ្លះ បានលើកឡើង ពីបញ្ហានៃការពិបាក ក្នុងការគិតប្រាក់ជាប្រាក់រៀល ដែលធ្វើឱ្យការប្រើប្រាស់ប្រាក់រៀលនៅមានកម្រិត៕
Account
Security
Favourite Content