សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នាព្រឹកថ្ងៃទី ២៧ ខែមេសា ឆ្នាំ២០២៣នេះ បានថ្លែងនូវសារមួយ ដែលជាការអំពាវ នាវទាក់ទងនឹងសណ្ដាប់ធ្នាប់នៃការប្រកួតកីឡានាពេលខាងមុខ ខណៈដែលនៅសល់ត្រឹមតែ៨ថ្ងៃទៀតប៉ុណ្ណោះ នឹងឈានទៅដល់ការប្រកួត កីឡាស៊ីហ្គេម ជាផ្លូវការហើយ។
ជាមួយនឹងការរៀបចំការប្រកួតកីឡាស៊ីហ្គេមលើកទី៣២នេះ កម្ពុជាបានចំណាយថវិកាអស់ជាច្រើន ដែលរាប់ បញ្ចូលទាំងការកសាងហេដ្ឋារចនាសម្ព័ន្ធ ដើម្បីសម្រួលដល់ការធ្វើដំណើរ ថវិកាសម្រាប់ដំណើរការប្រកួត ជាពិសេសការរ៉ាប់រងរបស់កម្ពុជាទៅលើការស្នាក់នៅ ហូបចុករបស់ប្រតិភូកីឡានានា។
ការរ៉ាប់រងនូវការចំណាយទាំងនេះ ត្រូវបានសម្ដេចចាត់ទុកថាជាការបង្ហាញពីទឹកចិត្តទទួលស្វាគមន៍ ភ្ញៀវដែលនឹងចូលមកកម្ពុជាក្នុងការប្រកួតកីឡាជាលើកទី១ក្នុងរយៈពេល ៦៤ឆ្នាំមកនេះ។ មិនត្រឹមតែ ប៉ុណ្ណោះ សម្ដេចបានហៅកម្ពុជាថាជា «ប្រទេសតូច តែបេះដូងធំ» ទៀតផង។ ដូច្នេះហើយ អ្វីដែលជាកាតព្វកិច្ចរបស់ថ្នាក់ដឹកនាំក្នុងការស្វាគមន៍ភ្ញៀវ គឺបានធ្វើរួចហើយ អ្វីដែលនៅសល់ និងដែលសំខាន់បំផុតគឺការចូលរួមពីប្រជាពលរដ្ឋកម្ពុជាគ្រប់រូបក្នុងការរក្សាឲ្យ ខានតែបាននូវភាពថ្លៃថ្នូររបស់ជាតិ។
សម្ដេចតេជោ បានមានប្រសាសន៍ថា៖
“អ្វីដែលខ្ញុំចង់និយាយនៅពេលនេះ ខ្ញុំចង់ឲ្យបងប្អូន ដែល ស្នេហា វិស័យកីឡា មេត្តាយោគយល់ និងរក្សានូវភាពថ្លៃថ្នូរ តាមរយៈនៃការប្រកួតនីមួយៗ… បទពិសោធន៍នៅឆ្នាំ ២០១៦ នៅពេលដែលកម្ពុជាជួបជាមួយទីម័រខាងកើត ពេលនោះមានបង ប្អូនយើងមួយចំនួនបានផ្លោះរបងចូល ទៅកាន់ទីលានប្រកួត ដែលធ្វើឲ្យបាត់បង់សណ្ដាប់ធ្នាប់”
សម្ដេចមានប្រសាសន៍បន្តថា៖
“ពេលនោះ និងពេលនេះគឺមិនដូចគ្នាទេ កម្ពុជាទទួលនូវភ្ញៀវរាប់ម៉ឺន នាក់ដែលមកកាន់ទីក្រុងភ្នំពេញ និងទៅតាមកន្លែងប្រកួតផ្សេងទៀតនៅតាមខេត្ត ដូច្នេះ ខ្ញុំសូមស្នើ ចិត្តបងប្អូន មេត្តាយោគយល់ សូមកុំឲ្យមានការបាត់បង់សណ្ដាប់ធ្នាប់ណាមួយតាមរយៈ ការមិនគោរព ទៅដល់ផ្នែកសន្ដិសុខសណ្ដាប់ធ្នាប់សង្គម”
សម្ដេចបានគូសបញ្ជាក់ទៀតថា៖
“សូមបងប្អូនរក្សានូវភាពថ្លៃថ្នូរ ដើម្បីធានាថាប្រទេស របស់យើង មិនមានអ្វីកើតឡើង សូមបងប្អូនផ្ដល់នូវសាមគ្គីភាពជាមួយកីឡាករ កីឡាការិនីដែលមកពីប្រទេសផ្សេង ឲ្យបានល្អជាទីបំផុត ទោះបីចាញ់ ទោះបីឈ្នះ យើងជាម្ចាស់ផ្ទះត្រូវទទួលខុសត្រូវ ត្រូវមានស្មារតីសម គួរជាមួយនឹងភ្ញៀវ”
ម្យ៉ាងទៀត៖
“ការប្រកួតត្រូវប្រកួតឲ្យអស់ពីលទ្ធភាព ជាមួយនឹងការគោរពនូវបទបញ្ជានៃការប្រកួត ប៉ុន្តែបន្ទាប់ពីការប្រកួតទៅ ទោះបីឈ្នះឬចាញ់ យើងត្រូវធ្វើឥរិយាបថឲ្យបានត្រឹមត្រូវចំពោះ ដៃគូ ប្រកួតរបស់យើង។ ខ្ញុំសង្ឃឹមថាបងប្អូនយើងទាំងអស់នឹងទទួលយកនូវការអំពាវនាវ នេះជាការ ធ្វើនូវកិច្ចការដ៏ធំដើម្បី កិត្តិយស និងសេចក្ដីថ្លៃថ្នូររបស់ជាតិ ដែលបានមកពីបុគ្គលម្នាក់ៗចូលរួម ប្រសិនបើមនុស្ស ម្នាក់ៗចូលរួម វាពួតផ្ដុំបានជាសេចក្ដីថ្លៃថ្នូររបស់ជាតិយើង៕”
Account
Security
Favourite Content